वीरगञ्ज महानगरपालिकाका मेयर राजेशमान सिंह क्रिकेट खेल्दा घाइते भएका छन्। महानगरमा भएको मैत्रीपूर्ण प्रतियोगितामा मैदानमा लडेका उनको हात भाँचिएको छ।
नेपाल प्रहरी र सामुदायिक सेवा केन्द्रबीच शनिबार मैत्रीपूर्ण क्रिकेट प्रतियोगिता भएको थियो र मेयर सिंह सामुदायिक सेवा केन्द्र टिमबाट खेलेका थिए।
ब्याटिङ गर्ने क्रममा रन लिँदै गर्दा लडेपछि उनको दाहिने हात भाँचिएको हो। तत्काल नारायणी अस्पताल भर्ना गरिएकोमा मधुमेह र उच्च रक्तचापका बिरामीसमेत रहेकाले उनको उपचार त्यहाँ सम्भव नभएको बताइएको छ।
हाल उनको उपचार काठमाडौंको नर्भिक अस्पतालमा भइरहेको छ।