ओमनले नेपाललाई दियो १४६ रनको लक्ष्य

आइसीसी ट्वान्टी–२० क्रिकेट विश्वकप छनोटमा ओमनले नेपाल समक्ष १४६ रनको लक्ष्य प्रस्तुत गरेको छ। टस हारेर पहिले ब्याटिङ गरेको ओमनले निर्धारित २० ओभर खेल्दै ९ विकेट गुमाएर १४५ रन बनायो।  

त्रिवि क्रिकेट मैदानमा जारी खेलमा ओमनका कप्तान जिशान मकशुदले सर्वाधिक ३३ रन बनाए भने नशिम खुशीले २५ र प्रतिक अथबलेले २४ रन बनाए। श्किल अहमले २२ रन बनाउँदा आयान खानले १८ रन बनाए।

नेपालका लागि करण केसीले सर्वाधिक ३ विकेट लिए भने सन्दिप लामिछाने र सोमपाल कामीले समान दुई-दुई विकेट लिए। अविनाश बोहरा र गुलशन झाले समान एक-एक विकेट लिए।