सिंगापुरमाथि नेपालको ८ विकेटको जित

काठमाडौं- टी–२० विश्वकप फाइनल एसियामा नेपालले सुखद् सुरुवात गरेको छ। आज सोमबार भएको आफ्नो पहिलो खेलमा नेपालले सिंगापुरमाथि ८ विकेटको जित हात पारेको हो।

त्रिवि क्रिकेट मैदान कीर्तिपुरमा सिंगापुरले दिएको १४६ रनको लक्ष्य नेपालले कुशल भुर्तेलको अर्धशतकको मद्दतमा १६.३ ओभरमा मात्र २ विकेट गुमाएर भेट्टायो। त्यसअघि टस जितेर पहिले ब्याटिङ गरेको सिंगापुरले निर्धारित २० ओभरमा ९ विकेट गुमाएर १४५ रन बनाएको थियो।