चीनका पूर्व प्रधानमन्त्री ली खछ्याङको ६८ वर्षको उमेरमा निधन भएको चिनियाँ सञ्चार माध्यमले बताएका छन्। सीसीटीभीका अनुसारप्रधानमन्त्रीबाट हटेपछि सांघाईमा बसिरहेका उनलाई बिहीबार राति हृदयघात भएको थियो।
उनी चिनियाँ कम्युनिस्ट पार्टी सीसीपीको तल्लो तहबाट उठ्दै माथि पुग्ने नेताहरूमा गनिन्छन्। उनलाई कुनै समय चीनको भावी राष्ट्रपतिका रुपमा समेत हेर्ने गरिएको थियो।
२०१३ मा प्रधानमन्त्री बनेका ली करिब १० वर्षसम्म पदमा रहेका थिए। पेकिङ विश्वविद्यालयमा अध्ययन गरेका ली चीनको अर्थ नीतिका सुक्ष्म जानकार थिए।
प्रकाशित: Oct 27, 2023| 07:19 शुक्रबार, कात्तिक १०, २०८०
