हङकङविरुद्ध नेपालको उत्कृष्ट सुरुआत

काठमाडौं– त्रिदेशीय टी–२० सिरिजमा नेपालले हङकङविरुद्ध उत्कृष्ट सुरुआत गरेको छ। टस जितेर पहिले बलिङ रोजेको नेपालले ५ ओभर सकिँदा ४ विकेट लिइसकेको छ। 

पहिलो ओभर लिएर आएका करण केसीले पहिलो बलमै विकेट लिएका थिए। करणले हङकङका कप्तान निजाकत खानलाई आउट गरेका हुन्। अहिलेसम्म उनले तीन विकेट लिइसकेका छन् भने सोमपाल कामीले एक विकेट लिएका छन्। 

२.३ ओभरमा अन्सुमन रथ, ४.३ ओभरमा बबर हायातलाई आउट गरे। हङकङले  ४.३ ओभरमा १४ रन बनाएर खेलिरहेको छ।