स्कुटर दुर्घटनामा युवतीको मृत्यु

नारायणगढ–मुग्लिन सडक खण्डमा स्कुटर दुर्घटना हुँदा स्कुटर चालकको मृत्यु भएको छ। मृत्यु हुनेमा सिन्धुपाल्चोकको लिशंखुपाखर गाउँपालिका वडा नम्बर ६ बस्ने २४ वर्षीया संगीता भण्डारी रहेकी छन्।

इच्छाकामना गाउँपालिका-६ नौ किलो नजिक बा प्र ०२०४६ प १६९२ नम्बरको स्कुटर आफैं अनियन्त्रित भई पल्टिँदा चालक भण्डारीको मृत्यु भएको हो। आज बिहान ७:४५ बजे दुर्घटना हुँदा भण्डारीको घटनास्थलमै मृत्यु भएको प्रहरीले जनाएको छ। मृतकको शव परीक्षणका लागि भरतपुर अस्पताल ल्याइएको छ।