बागमती किनारमा मृत भेटिएका युवाको पहिचान खुल्यो

काठमाडौं– बागमती किनारमा २० वर्षीय युवक मृत भेटिएका छन्। आज बिहान सवा ६ बजे काठमाडौं महानगर–३१ बानेश्वर तरकारी बजार अगाडि बागमती किनारको झाडीमा युवक मृत फेला परेको जिल्ला प्रहरी परिसर काठमाडौंले बताएको हो।

मृत भेटिएका युवक विकास महरा बालाजु गोलढुंगाका रहेको र हाल शंखमूलमा बस्दै आएको जिल्ला प्रहरी परिसरका एसपी कुमोध ढुंगेलले बताए।  बागमतीमा किनारमा घोप्टो परेको अवस्थामा मृत भेटिएका उनको साथबाट प्रहरीले सिरिञ्ज र मोबाइल पनि बरामद गरेको छ।

शव पोस्टमर्टमका लागि बिहान साढे ८ बजे महाराजगञ्जस्थित शिक्षण अस्पताल पठाइएको प्रहरीले बताएको छ।