ट्रकले ठक्कर दिँदा स्कुटर चालकको मृत्यु

काठमाडौं– भद्रकालीमा सेनाको ट्रकले ठक्कर दिँदा स्कुटर चालकको मृत्यु भएको छ। काठमाडौं महानगर–२८ स्थित भद्रकाली नजिकै सभागृह मोडमा सेनाको ट्रकले ठक्कर दिँदा एक  महिलाको मृत्यु भएको हो।

प्र३–०१–००१ग ३७०५ नं.को ७.५ टन ट्रकले बा.प्र–०२–०१८ प ९२७७ नं.को स्कुटरलाई ठक्कर दिएको हो।

ठक्करबाट स्कुटर चालक काठमाडौं महानगर–१३ ताहाचल बस्ने ३२ वर्षीया आकृति शर्माको मृत्यु भएको हो।

ठक्करपछि घाइते भएकी उनको उपचारका लागि राष्ट्रिय ट्रमा सेन्टर लगिएको थियो। उपचारको क्रममा राती ८ बजे उनको मृत्यु भएको हो।