रुघाखोकी र ज्वरोले थलिए कांग्रेस सभापति देउवा

काठमाडौं–सत्तारुढ कांग्रेस सभापति शेरबहादुर देउवा सुरुमा रुघाखोकी र त्यसपछि ज्वरो आउँदा अस्वस्थ भएका छन्। स्वास्थ्यमा समस्या देखिएपछि सभापति देउवाले तीन दिनदेखि राजनीतिक भेटघाटलाई स्थगित गरेको कांग्रेस प्रचार विभाग प्रमुख मीन विश्वकर्माले बताए। 

उनले भने, ‘सभापतिज्यूलाई सुरुमा रुघाखोकी लागेको थियो। पछि टन्सिल बढ्यो। हल्का ज्वरो पनि छ। अहिले आराम गरिरहनुभएको छ।’ सभापति देउवाले धुम्बाराही निवासमै डाक्टर बोलाएर स्वास्थ्य परीक्षण गरेका थिए।

टन्सिल हुँदा बोल्न गाह्रो भएपछि राजनीतिक भेटघाट बन्द गरे पनि स्वास्थ्य अवस्था भने सामान्य रहेको विश्वकर्माले बताए।