बझाङ भूकम्पको धक्का काठमाडौंसम्म महसुस

काठमाडौंमा भूकम्पको धक्का महसुस भएको छ। आज दिउँसो ३ बजेर ८ मिनेटमा भूकम्पको धक्का महसुस भएको हो।

भूकम्प काठमाडौं उपत्यकासहित नुवाकोट, सिन्धुपाल्चोक र आसपासका जिल्लामा समेत महसुस गरिएको छ। सुदूरपश्चिमको बझाङमा गएको शक्तिशाली भूकम्पको झट्का  काठमाडौंसम्म महसुस भएको हो।

बझाङमा आज दिउँसो पटक पटक गरी पाँच वटा धक्का महसुस भएको छ। सुरुमा दिउँसो २ बजेर ४० मिनेटमा ५.३ म्याग्निच्युडको भूकम्प गएकोमा आधा घण्टाभित्र ६.४ म्याग्निच्युडको अर्को झट्का महसुस भएको हो। यसको महसुस काठमाडौंसम्म  भएको हो।

भूकम्पले पुराना घरहरु भत्किएको प्रारम्भिक विवरण प्राप्त भएको छ।