असई कार्कीले पेट्रोल पम्पमा एक करोड घोटाला गरेको ठहर

काठमाडौं- नेपाल प्रहरीको पेट्रोल पम्पमा घोटाला गरेको आरोप लागेका सहायक निरीक्षक-असई दिलिप कार्की दोषी ठहर भएका छन्। 

विशेष अदालतका न्यायाधीशहरु यमुना भट्टराई, शालिग्राम कोइराला र बलभद्र बास्तोलाको इजलासले कार्कीलाई सोमबार एक करोड बढी घोटाला गरेको आरोपमा दोषी ठहर हुने फैसला सुनाएको हो।

प्रहरी कल्याण कोष पेट्रोल पम्प नक्सालमा कार्यरत रहँदा आर्थिक वर्ष २०७४/०७५ र २०७५/७६ मा कार्कीले एक करोड ८ लाख ९९ हजार एक सय ८४ रुपैयाँ घोटाला गरेको आरोप लागेको थियो।