गाडीको ठक्करबाट सशस्त्रका हवलदारको मृत्यु

बैतडीमा गाडीको ठक्करबाट सशस्त्र प्रहरीका हवलदारको मृत्यु भएको छ। मृत्यु हुनेमा पाटन नगरपालिका ८ हरिचन घर भई सशस्त्र प्रहरी बाजुरामा कार्यरत हवलदार ४० वर्षीय नरेन्द्रसिंह महरा हुन्।

म‌गलबार राति बाजुराबाट घर आइरहेका महरालाई दशरथ चन्द राजमार्ग अन्तर्गत हरिचन मोडमा गाडीले ठक्कर दिएको र उनको घटनास्थलमै मृत्यु भएको जिल्ला प्रहरी कार्यालयले जनाएको छ।

महरालाई ठक्कर दिने गाडीको पहिचान हुन सकेको छैन। महराको शव बीच सडकमै रहेको र मृतकका आफन्तहरुले दोषीको पहिचान नहुँदा सम्म गाडी चल्न नदिने चेतावनी दिँदै सडक अवरुद्ध गराएको प्रहरीले जनाएको छ।