काठमाडौं– सर्पले टोक्दा दैलखको ठाटीकाँध गाउँपालिका–१ नुवावनकी १८ वर्षीया युवतीको मृत्यु भएको छ। आइतबार बेलुका घरमा सुतिरहेका बेला सर्पले टोकेपछि कल्पना शाहीको मृत्यु भएको हो। बेलुका ६ बजेतिर सर्पले शाहीलाई हातमा टोेकेको थियो।
उनका दाइ निराजन काठमाडौं र बुबा भारत रोजगारीमा रहेका छन्। घरमा आमा र उनी मात्र थिए। सर्पले टोकेलगत्तै झारफुक गर्दा बिसेक नभएपछि अस्पताल लजाँदै गर्दा कल्पनाको मृत्यु भएको हो। ९ कक्षा पढ्ने कल्पनाको शव पोस्टमार्टमका लागि दुल्लु अस्पताल लगिएको जिल्ला प्रहरी कार्यालय दैलेखले जनाएको छ।