झुन्डिएको अवस्थामा महिला मृत फेला, हत्याको आशंका

गोरखाको आरुघाट गाउँपालिका १ श्यामखेतमा एक महिलाको शव झुण्डिएको अवस्थामा फेला परेको छ। लनम कान्छीका नामबाट परिचित महिला झुण्डिएको अवस्थामा फेला परेकी हुन्।

प्रहरीले महिलाको हत्या भएको प्रारम्भिक अनुमान गरेको छ। महिलाको शरीरको तल्लो भागमा कपडा छैन भने कान च्यातिएको छ। उनले लगाएको गहना चोरी भएको हुन सक्ने अनुमान छ। ती महिला घरमा एक्लै बस्दै आएकी थिइन्। अविवाहित उनका दाजु घरभन्दा टाढा गोठमा रहेको बेला यो घटना भएको हो।