पुलमुनि फोहोर फाल्ने १९ जनालाई महानगरले तिरायो ५० हजार जरिमाना

काठमाडौं– काठमाडौं महानगरले रातीको समय पुलमुनि फोहोर फाल्ने १९ जनालाई जरिमाना तिराएको छ।

महानगरले वडा–३२ स्थित बालकुमारीमा रहेको अकासे पुलमुनि रातीको समय फोहोर फाल्ने १९ जनालाई नियन्त्रणमा लिएर ५० हजार ५ सय रुपैयाँ जरिमाना असुलेको हो।

स्थानीयको गुनासोपछि महानगर प्रहरीले सोमबार राती सो क्षेत्रमा छड्के अनुगमन गर्दा फोहोर फालिरहेका बेला उनीहरूलाई नियन्त्रणमा लिएर जरिमाना तिराएर छाडेको हो।