काठमाडौं- पत्रकार तथा साहित्यकार राजेन्द्र पराजुलीको निधन भएको छ। केही दिनअघि निमोनिया भएर अस्पताल भर्ना भएका पराजुली डिस्चार्ज भएर घर फर्किसकेका थिए।
हिजो फेरि बिरामी परेपछि बी एण्ड बी अस्पताल लगिएका पराजुलीको आज बिहान निधन भएको हो। उनको आज दिउँसो २ बजेपछि पशुपति आर्यघाटमा अन्त्येष्टि गरिने पारिवारिक स्रोतले जनाएको छ ।
कोटेश्वरमा जन्मे-हुर्केका पराजुलीका एक दर्जन पुस्तक प्रकाशित छन्। उनका 'कोटेश्वरको केटो', 'अघोरी', 'शुक्रराज शास्त्रीको चश्मा'लगायत कृति चर्चित छन्। उनले लामो समय पत्रकारिता पनि गरेका थिए।
प्रकाशित: Sep 12, 2023| 09:34 मंगलबार, भदौ २६, २०८०
1692960058.jpg)
