हात्तीले भत्कायो जंगेपिलर 

काठमाडौं–झापाको मेचीनगर वडा–४ अवस्थित  नेपाल–भारत सीमाको जंगेपिलर हात्तीले भत्काएको छ। आलेटुङदेखि माथिल्लो नेपाल–भारतको २६ नम्बरको जंगेपिलर हात्तीले भत्काएको हो।

सीमामा हात्ती नियन्त्रणका लागि खटिएको ¥यापिड रेस्पोन्स टिम (आरआरटी) ले पिलर भत्केको अवस्थामा देखेपछि वडा कार्यालयमा खबर गरेको ४ नम्बर वडाका वडाध्यक्ष अर्जुन कार्कीले बताए। हात्तीले जंगेपिलर पूर्ण रुपमा भत्काएर क्षतविक्षत पारेको उनको भनाइ छ।

स्थानीयको प्रयास र वडा कार्यालयको संयोजनमा भारतबाट आउने जंगली हात्तीको क्षति न्यूनीकरणका खटिने र सशस्त्र प्रहरीको बाहुनडाँगी आउटपोस्टलाई यस विषयमा सूचना दिइएको उनले बताए। हात्तीले जंगेपिलर भत्काएकोबारे हालसम्म जानकारीमा नआएको झापाका प्रमुख जिल्ला अधिकारी शिवराम पोखरेलले जानकारी दिए।