ट्रक पल्टिँदा मरे १७ भैंसी

पूर्वपश्चिम राजमार्ग अन्तर्गत नवलपुरको कावासोती १६ चालिस किलो भन्ने स्थानमा ट्रक पल्टिँदा १७ वटा भैँसी र पाडा मरेका छन्।

कपिलवस्तुको चन्द्रौटाबाट काठमाडौं जाँदै गरेको ना ४ ख ९२२७ नं. को ट्रक आज बिहान सवा ६ बजे खाल्डोमा परी पल्टिएर दुर्घटना भएको नवलपुर प्रहरीले जनाएको छ ।

भैंसी र पाडा लोड गरी ल्याएको ट्रक पल्टिएको हो। दुर्घटनामा मानवीय क्षति भने नभएको प्रहरीले जनाएको छ।