'भिटामिन के' को कमीले फोक्सोमा समस्या

रगतमा ‘भिटामिन के’ को स्तर कम हुने व्यक्तिमा फोक्सो बिग्रिने सम्भावना अधिक हुने एक अध्ययनले देखाएको छ। उक्त अध्ययन कोपेनहेगन यूनिवर्सिटी हस्पिटल र कोपेनहेगन यूनिवर्सिटीमा डेनिश शोधकर्ताहरुको एक टीमले गरेको हो।

यसमा कोपेनहेगनमा बस्ने २४ देखि ७७ वर्ष उमेर समूहका ४ हजार ९२ जनाको समूहलाई सहभागी गराइएको थियो। शोधकर्ताहरुले भिटामिन केको स्तर कम हुने व्यक्तिमा औसत एफईवी १ कम र एफवीसी कम थियो। भिटामिन के को स्तर कम हुने व्यक्तिमा सीओपीडी, आस्थ्मा र घ्यारघ्यार गर्ने समस्या देखिएको थियो।

पत्तादार हरियो तरकारी, वनस्पति तेल र अनाजहरुमा भिटामिन के पाइन्छ। भिटामिन केले शरीरमा रगतको चोक्टा जमाउने काम गर्छ जसले शरीरमा हुने घाउहरुलाई ठीक हुन मद्दत गर्छ। तर यसले फोक्सोको स्वास्थ्यमा पुर्याउने भूमिकाबारे धेरैलाई जानकारी नभएको शोधकर्ताहरु बताउँछन्। शोधकर्ता डा टोर्किल जेस्पर्सनका अनुसार भिटामिन केले हाम्रो फोक्सोलाई स्वस्थ्य राख्न मद्दत गर्छ।

शोधकर्ता जेस्पर्सन भन्छन्, हाम्रो निष्कर्षले भिटामिन के सेवन गर्नको लागि वर्तमान सिफारिशहरुमा परिवर्तन गरेको छैन। भिटामिन केलाई फोक्सोको विरामीले यसको पूरकको रुपमा प्रयोग गर्न मिल्ने नमिल्ने कुरामा अधिक शोधको आवश्यकता छ।