रवि लामिछानेको क्षेत्रमा पनि आयो खानेपानी

काठमाडौं- राष्ट्रिय स्वतन्त्र पार्टीका सभापति तथा सांसद रवि लामिछानेले चितवन क्षेत्र नम्बर २ मा घोषणा गरेअनुसार खानेपानी ल्याएका छन्। सो क्षेत्रका रामनगर, ठिमुरा, देवघाट, जुगेडी र भतेरीका उपभोक्ताका लागि  खानेपानीको व्यवस्था गरिएको उनले बताएका छन्।

फेसबुकमा उनले लेखेका छन्, 'पानी आयो.......। पानी आयो त्यो पनि  घोषणा गरेअनुसार १०० दिन नपुग्दै। औपचारिक उद्घाटन भोलि। ७.५ किलोमिटर टाढाको खोलाबाट पानी ल्याउन निरन्तर श्रमदान गर्नुहुने सम्पूर्णको जय होस्।'

हालैमात्र ४० किलोमिटर टाढा कोकाहा खोलाबाट खानेपानी ल्याएर धरान उपमहानगरका मेयर हर्क साम्पाङले प्रशंसा पाइरहेका छन्।