संखुवासभा बाढी अपडेट: बेपत्ताको संख्या २१ पुग्यो

संखुवासभाको हेवा खोलामा शनिबार राति आएको बाढीले बगाउँदा बेपत्ता हुनेको संख्या २१ पुगेको छ। बाढीले बगाउँदा पाँचखपन-९ का सन्तोष राईको मृत्यु भएको छ।

बाढीले चैनपुर ४ मा निर्माणाधीन सुपर होवा हाइड्रोपावरका १८ जना सम्पर्कबाहिर छन्। त्यसैगरी सभापोखरीमा २ र नुनढाकीमा १ जना बेपत्ता भएका छन्।

आइतबार बिहान सुपर होवा हाइड्रोपावरका २ जना भने प्रहरीको सम्पर्कमा आएका छन्। चैनपुर नगरपालिका ४ र पाँचखपन नगरपालिका-९ मा गएको पहिरोले खोला थुनिएपछि आएको बाढीले बगाउँदा ठूलो जनधनको क्षति भएको हो।