कोलेस्ट्रोल कम गर्न के खाने?

काठमाडौं- कतिपय चीजहरु शरीरका लागि अत्यावश्यक मानिन्छन्। तिनीहरुको असोभाविक मात्रा पनि उत्तिकै हानिकारक हुन सक्छ। कोलेस्ट्रोल रगतमा पाइने एक मोमी पदार्थ स्वस्थ कोशिकाहरु निर्माण गर्न महत्त्वपूर्ण मानिन्छ। उच्च कोलेस्ट्रोल स्तरले विभिन्न स्वास्थ्य समस्याहरु निम्त्याउन सक्छ हृदय रोग ती मध्ये एक हो।

के तपाई पनि कोलेस्ट्रोलको मात्रा बढेपछि चिन्तित हुनुहुन्छ? स्वास्थ्य विज्ञहरूका अनुसार शरीरमा हुने गम्भीर रोगको जोखिमलाई कम गर्नका लागि सबैले यसलाई नियन्त्रण गर्ने उपाय अपनाउनुपर्छ। निश्चित प्रकारका फलहरू उपभोग गर्दा यसले तपाईंलाई मद्दत गर्न सक्छ। तर फलफूल पनि सन्तुलित मात्रामा सेवन गर्नुपर्छ किनभने यसमा फ्रक्टोजको मात्रा बढी हुन्छ जसले तपाईंको रगतमा चिनीको मात्रा बढाउन सक्छ।

स्याऊ
स्याउको सेवनले कोलेस्ट्रोलको समस्या कम गर्न पनि फाइदाजनक हुन्छ। यो फल पेक्टिन नामक यौगिकको समृद्ध स्रोतको रूपमा चिनिन्छ जसले कोलेस्ट्रोल कम गर्न मद्दत गर्दछ। दैनिक एउटा स्याउको सेवन गर्नु तपाईका लागि अन्य धेरै तरिकामा फाइदाजनक हुन सक्छ।

अमिला फलहरु
जाडो मौसममा सुन्तला, अंगूर र कागती जस्ता विभिन्न प्रकारका अमिला फलफूल प्रशस्त मात्रामा पाइन्छ। यी फलफूलहरु भिटामिन सीको राम्रो स्रोत हुन् जसले कोलेस्ट्रोल व्यवस्थापनका अतिरिक्त रोग प्रतिरोधात्मक क्षमता बढाउन पनि मद्दत गर्छ। कोरोनाको यस समयमा भिटामिन सी युक्त चीजहरु नियमित रुपमा सेवन गर्नु तपाईंको लागि विशेष लाभदायक हुन सक्छ।

अंगुर
अंगुर खानु तौल घटाउन चाहनेहरुका लागि विशेष फाइदाजनक हुन सक्छ। कोलेस्ट्रोल नियन्त्रणमा पनि यसलाई धेरै फाइदाजनक मानिन्छ। अंगूरमा पाइने फाइबर र एन्टिअक्सिडेन्टका कारण यसलाई कोलेस्ट्रोलको व्यवस्थापनमा निकै फाइदाजनक मानिन्छ। 

एभोकाडो
एभोकाडोलाई असाधारण पोषक तत्व भरिपूर्ण भएको फल मानिन्छ। मोनोअनस्याचुरेटेड फ्याट र फाइबरको धनी स्रोत मानिने यो फलले खराब कोलेस्ट्रोल कम गर्न र शरीरमा राम्रो कोलेस्ट्रोल बढाउन मद्दत गर्छ।