टेकनाथ रिजाललाई दुई दिन हिरासतमा राख्न अनुमति

काठमाडौं- नक्कली भुटानी शरणार्थी प्रकरणमा पक्राउ परेका नेता टेकनाथ रिजाललाई दुई दिन हिरातसमा राख्न जिल्ला अदालत काठमाडौंले अनुमति दिएको छ।

आजमात्रै पक्राउ परेका रिजाललाई लगत्तै अदालतमा पेश गरिएको थियो। उनलाई दुई दिन हिरासतमा राखेर अनुसन्धान गर्न प्रहरीले अनुमति पाएको छ।

यही प्रकरणमा पक्राउ परेका मोरङका सागर राईले रिजाललाई मुछेपछि उनी समातिएका हुन्। राईले बयानका क्रममा रिजाललाई ७ लाख रुपैयाँ दिएको दाबी गरेका छन्।

यो प्रकरणमा पूर्वउपप्रधानमन्त्री टोपबहादुर रायमाझी, पूर्वगृहमन्त्री बालकृष्ण खाणसहित १५ जना पक्राउ परिसकेका छन् । आजमात्रै हज समितिका अध्यक्ष शमशेर मियाँ पक्राउ परेका छन्।