गुगलम्यापले फेला पार्यो परपुरुषसँग सल्किएकी श्रीमती !

पेरु- गुगलम्यापको सहायताले आफ्नी श्रीमती परपुरुषसँग आत्मीयता बढाउँदै गरेको देखेका एक पुरुषले अन्ततः सोही आधारमा सम्बन्ध विच्छेद गरेका छन्।

दक्षिण अमेरिकी मुलुक पेरुको राजधानी लिमाका ती पुरुषले पत्नीको विवाहेत्तर सम्बन्ध रहेको प्रत्यक्ष जानकारी गुगलम्यापबाट लिएका थिए। ‘गुगल स्ट्रिट भ्यु फोटो’मा उनले एक
परिचत अनुहार देख्न पुगे। त्यो अनुहार अरू कसैको नभई आफ्नै श्रीमतीको थियो। 

२१ औं शताब्दिमा सञ्चार प्रविधिले फड्को मारिसकेको छ। त्यही विकासको फन्दामा परिन्, ती महिला। विकसित मुलुकहरूमा गुगल म्यापबाट हरेक व्यक्ति आफ्नो गन्तव्य
पहिल्याउन सक्षम भएका छन्।

गुगलम्याप हेर्दै समय बिताइरहेका ती पुरुषले सेतो टप्स, जिन्स र हिलमा सजिएकी एक महिलाले पुरुषलाई आफ्नो काखमा राखी उनको टाउको सुम्सुमाउँदै आराम गरिरहेको देखे।
उनलाई त्यो दृष्यले आकर्षित गर्यो। 

तर, त्यतिबेला पुर्पुरोमा हात राख्न पुगे, जब उनले जुम गर्दै ती महिला-पुरुषको मस्तीलाई नजिकबाट हेर्न चाहे। महिला त आफ्नै श्रीमती पो रहिछन्। उनी आफ्नी श्रीमती नै भएको
पुष्टि गर्न उनले उक्त दृष्यलाई ‘प्रिन्ट स्क्रिन’ गरे। र, सामाजिक सञ्जालमार्फत् सार्वजनिक गरे। र, उनका साथीहरूले कमेन्ट गरे, ‘यो एक सानो संसार हो।’ 

विकसित मुलुकमा पनि श्रीमती आफूप्रति इमानदार नरहेका पाइए अपमानजनक मानिन्छ। र, त्यही अपमान खप्न नसकेका पुरुषले सम्बन्ध विच्छेदको बाटो रोजे।

गुगल म्यापले दिएको एक अत्याधुनिक सुविधा हो, स्ट्रिट भ्यु। यसमार्फत् सवारी साधनहरू कार, बाइक र स्नो मोबाइलहरूका ३६० डिग्रीका दृष्य क्यामेरामा कैद हुन्छन्।

ती महिलाले परपुरुषसँग मस्ती गरिरहेका तस्बिरहरू गुगल क्यामेराले सन् २०१३ मा खिचेर भरखरै आफ्नो पेजमा राखेको थियो। पारपाचुकेका क्रममा ती महिलाले पनि आफ्नो
परपुरुषसँग सम्बन्ध रहेको स्वीकारेकी छन्।