सबैका लागि खुल्यो रानीपोखरी

काठमाडौं- रानीपोखरी पुनर्निर्माणपछि पहिलोपटक सर्वसाधारणको लागि खुला गरिएको छ। महानगर प्रहरीले सरसफाइ गरेर सर्वसाधारणको लागि रानीपोखरी खुला गरेको हो। रानीपोखरीमा अब सर्वसाधारण बिनाटिकट जान पाउनेछन्। 

२०७२ सालको भूकम्पले क्षति पुगेपछि पुनर्निर्माण गरी रानीपोखरीलाई पुरानै स्वरुप दिइएको छ। तत्कालीन राष्ट्रिय पुनर्निर्माण प्राधिकरणले ८ पुस २०७८ मा महानगरलाई रानीपोखरी हस्तान्तरण गरे पनि सर्वसाधारणका लागि खुला गरिएको थिएन।

लामो समय बन्द हुँदा र मर्मतसम्भार पनि नहुँदा झारपात उम्रिएर रानीपोखरी कुरुप बनेको थियो। अहिले भने सरसफाइ गरेर रानीपोखरी चिटिक्क पारिएको छ।