स्रोत नखुलेको २५ लाख भारतीय रुपैयाँ र सुन बरामद

धनगढी- कैलालीमा २५ लाखभन्दा बढी भारतीय रुपैयाँ र सुन बरामद भएको छ। 

जिल्लाको बर्दगोरिया गाउँपालिका-४ सुन्दरपुर दुर्गा चलाउनेको घर नजिक खेतबारीमा र घोडाघोडी नगरपालिका-८ का लालबहादुर थापाको घर नजिक खाडलमा लुकाएर राखेको अवस्थामा नगद र सुन बरामद भएको प्रहरीले जनाएको छ।

भारतको विभिन्न स्थानबाट चोरी भएको २५ लाख ६८ हजार भारतीय रुपैयाँ र सुन फेला परेको जिल्ला प्रहरी कार्यालय कैलालीले जनाएको छ। उक्त विषयमा थप अनुसन्धान भइरहेको प्रहरीको भनाइ छ।