पत्रकार महासंघका पूर्वउपाध्यक्ष भट्टको निधन

नेपाल पत्रकार महासंघका पूर्वउपाध्यक्ष कर्णदेव भट्टको ७६ वर्षको उमेरमा निधन भएको छ। 

लामो समयदेखि मधुमेह र उच्चरक्तचापबाट पीडित उनको भीमदत्त नगरपालिका-६ स्थित आफ्नै निवासमा आइतबार राति निधन भएको हो।

भट्ट कञ्चनपुरबाट प्रकाशित फारवेस्ट टाइम्स दैनिकका पूर्वसम्पादक थिए। उनका श्रीमती, दुई छोरा र एक छोरी छन्। उनको मङ्गलबार अन्त्येष्टि गरिने भएको छ।