अस्पतालको ल्यापटप चोरेको आरोपमा सशस्त्रका असई पक्राउ

धनगढी- कैलालीको धनगढीस्थित स्वस्तिक अस्पतालबाट ल्यापटप चोरी गरेको आरोपमा सशस्त्र प्रहरीका एकजना असई पक्राउ परेका छन्।

धनगढी उपमहानगरपालिका ३ घर भएका सशस्त्र प्रहरीका प्रहरी सहायक निरीक्षक (असई) रमेश भण्डारीलाई अस्पतालको ल्यापटप चोरेको आरोपमा पक्राउ गरिएको जिल्ला प्रहरी कार्यालय कैलालीले जनाएको छ। 

जिल्ला प्रहरी कार्यालय कैलालीका डीएसपी कुलदिप चन्दका अनुसार पक्राउ परेका भण्डारीविरुद्ध मुद्दा दर्ता गरेर अनुसन्धान अघि बढाइएको छ। 

दार्चुलामा कार्यरत भण्डारीले ट्रेनिङको लागि पोखरा आएको बेला अस्पतालको ल्यापटप चोरेको आरोप छ।