सेती नदीमा नुहाउन गएका दुई बालकबालिका बेपत्ता

धनगढी- डोटीको सेती नदीमा डुबेर दुई बालबालिका बेपत्ता भएका छन्। 

दिपायलको सेती पुल नजिकै नुहाउने क्रममा दुई बालबालिका बेपत्ता भएको उद्योग वाणिज्य संघ डोटीका महासचिव दीपक खड्काले बताए।

दिपायल–सिलगढी नगरपालिका–७ पिपल्लाकी ७ वर्षीया खुसी प्रजापति र साढे दुई वर्षका सिद्धार्थ देउवा बेपत्ता भएका छन्। बेपत्ता बालबालिकाको खोजी कार्य भइरहेको प्रहरीले जनाएको छ।

खोजी कार्यका लागि स्थानीय, व्यापारी , नेपाल प्रहरी , सशस्त्र प्रहरी खटेका छन्।