१७ जनाबाट साढे ९ लाख ठगेपछि रिमाल प्रहरी फन्दामा

काठमाडौं- वैदेशिक रोजगारीमा दुबईमा आकर्षक तलब हुने भन्दै १७ जनालाई प्रलोभनमा पारेर ठगी गर्ने कार्यमा संलग्न एक जना पक्राउ परेका छन्। 

पक्राउ पर्नेमा काभ्रेपलाञ्चोकको चौँरीदेउराली गाउँपालिका वडा नम्बर ६ कात्तिके देउराली स्थायी घर भई हाल  कपन आकाशेधारा बस्ने २९ वर्षीय उमेश रिमाल रहेका छन्। 

रिमालले  अनिष श्रेष्ठ समेत १७ जनालाई ठगी गरेको प्रहरी अनुसन्धानबाट खुलेको छ।  उनले रोजगारीको लागि दुबईमा जान प्रतिव्यक्ति दुई लाख रुपैयाँ लाग्ने र दुबई पुगेपछि ५० हजार तलब पक्का हुने भन्दै उनले पीडितलाई प्रलोभनमा पारेका थिए। 

पीडितहरुबाट नौ लाख पचास हजार रुपैयाँ उठाएपछि रिमालफरार भएका थिए। पीडित यससछि वैदेशिक रोजगार विभागमा पुगेका थिए भने विभागको पत्राचारको आधारमा काठमाडौँ उपत्यका अपराध अनुसन्धान कार्यालयको टोलीले रिमाललाई आइतबार नयाँ बानेश्वरबाट पक्राउ गरेको हो।