भारतीय सहयोगमा बन्ने दुई परियोजनाका लागि समझदारीपत्रमा हस्ताक्षर

काठमाडौं- भारत सरकारको अनुदान सहयोगमा स्वास्थ्य सेवा तथा शैक्षिक क्षेत्रमा दुईवटा उच्च प्रभाव सामुदायिक विकास परियोजनाको निर्माण कार्य बढाउने सहमति भएको छ।

भारतीय दूतावास र संघीय मामिला तथा सामान्य प्रशासन मन्त्रालयबीच उक्त विषयमा बिहीबार समझदारीपत्रमा हस्ताक्षर भएको हो। यी दुई परियोजनाको अनुमानित बजेट करिब ८ करोड रहेको छ।

दुई परियोजनाभित्र रामेछाप जिल्लाको मालागिरी शान्ति योगाश्रम र डोटी जिल्लाको केदार ज्योतिपुञ्ज बहुमुखी क्याम्पस रहेका छन्। परियोजनाको निर्माण रामेछाप नगरपालिका र बडिकेदार गाउँपालिकामार्फत कार्यान्वयन गरिने दूतावासद्वारा जारी विज्ञप्तिमा उल्लेख छ।