आइतबार, असार १२, २०७९

सेन्ट्रल जोन भलिबल : दुई पदकको अपेक्षामा नेपाल

नेपाल समय  |  काठमाडौं, बिहीबार, पुष ८, २०७८

नेपाल समय

नेपाल समय

बिहीबार, पुष ८, २०७८, काठमाडौं

नेपाल समय

काठमाडौं– नेपाली महिला तथा पुरुष सिनियर भलिबल टिम अहिले बंगलादेशमा छ। डिसेम्बर २१ बाट सुरु भएको एसियन सिनियर सेन्ट्रल जोन भलिबल खेल्न नेपाल त्यहाँ पुगेको हो।

नेपाली दुवै टिम पदक जित्ने लक्ष्यका साथ बंगलादेश पुगेका छन्। महिला टिमले स्वर्ण पदकको लक्ष्य राखेको छ भने पुरुष टिम कांस्य पदक भए पनि लिएर आउने दाउमा छ।

‘हाम्रो लक्ष्य भनेको मेडल टच नै हो,’ नेपाली पुरुष टिमका कप्तान इम राना मगर भन्छन्, ‘यो वर्ष टिम थोरै छन्। त्यसमा श्रीलंका र उज्बेकिस्तान केही बलिया छन्। हामी चाहिँ बंगलादेशलाई बिट गर्‍यौँ भने एउटा मेडल पाउँछौं।’ 

सुरुमा पाँच देशले प्रतियोगिता खेल्ने भए पनि माल्दिभ्सले आफ्नो नाम फिर्ता लिएको छ। यसकारण अब नेपालले पहिलो खेलमा आयोजक बंगलादेशको सामना गर्ने भएको हो। त्यसैले अब पुरुषतर्फ चार टिमले मात्र प्रतिस्पर्धा गर्नेछन्। पुरुषमा आयोजक बंगलादेश, नेपाल, श्रीलंका र उज्बेकिस्तानले प्रतिस्पर्धा गर्नेछन् ।

पुरुषतर्फ नेपालले यसअघि पनि दुई कांस्य पदक जितिसकेको छ। तेस्रो संस्करणमा कांस्य जित्यो, चौथो चरणमा उपाधि दाबेदार को रूपमा नेपाल बंगलादेश पुगेको थियो भने तेस्रो भएर फर्कियो। लगातार पदक जितेपछि खेलाडी मोटिभेसन भएका थिए। तर, नेपालमै भएको पाँचौमा नेपाल समूह चरणबाटै बाहिरियो।

त्यसपछि अहिले यो प्रतियोगिता हुँदैछ। यो वर्षको प्रतिस्पर्धा पाँच टिमबीच राउन्ड रोबिनका आधारमा हुँदैछ। जहाँ फाइनल प्रवेश गर्नका लागि शीर्ष दुईमा पर्नु पर्नेछ। नेपाल चौथो भयो भने पनि तेस्रो स्थानका लागि अर्को खेल खेल्न पाउनेछ।

तर यो वर्ष पनि नेपालको योजना कांस्य भन्दा ठूलो भने छैन। उसो त नेपालले लामो समयसम्म विदेशी प्रशिक्षक ल्याउन सकेको छैन। १३औं दक्षिण एसियाली गेम्स (साग) मा नेदरल्यान्ड्सबाट भलिबल संघले हान अबिङलाई १५ दिनका लागि प्रशिक्षकका रूपमा अनुबन्ध गरेको थियो। 

हानको रणनीतिमा नेपाली खेलाडीले खेल्नै जानेनन्। ‘त्यो १५ दिनमा त प्रशिक्षकले खेलाडी चिनेकै हुँदैन। उसले कुन पोजिसनमा खेल्न सक्छ भन्ने पनि थाहा हुँदैन,’ इमले भने, ‘सायद परिचय भएको थिएन। योपालि चाहिँ एक महिनाको र उहाँ पहिला पनि आइसकेको हुनाले पहिलेको जत्तिको चाहिँ अलि छैन।’

‘तर यो स्तरको प्रशिक्षक ल्याउँदा भलिबल संघले पनि सोच्नुपर्ने हो। अलि धेरै समयमा लागि ल्याउनु पर्ने हो। मलाई लाग्छ एक देखि दुई वर्ष ल्याउन पर्छ,’ उनले थपे।

नेपालका लागि बलिया प्रतिद्वन्द्वी भनेको श्रीलंका र उज्बेकिस्तान हुन्। ‘उनीहरूसँग पनि हामी राम्रो फाइट गर्छौं। र, वेस्ट प्रदर्शन गर्ने नै हो। यद्यपि अभ्यास छोटो भयो चित्तबुझ्दो चाहिँ भएन,’ इमले भने।

यता सेन्ट्रल जोनको साबिक विजात महिला टिमकी कप्तान नेपालको तयारी छोटो भए पनि उपाधि जित्ने लक्ष्य रहेको बताउँछिन्। ‘छोटो समय भए पनि तयारी राम्रो नै मान्नुपर्छ। हामीले पछिल्लो संस्करणमा जस्तै राम्रो टिम बनाउने प्रयास गरेका छौं। पछिल्लो सिजन पनि हामी च्याम्पियन नभएको हो। त्यो उपाधि रक्षा गर्ने हाम्रो लक्ष्य छ।’

नेपालले सन् २०१९ मा उपाधि जित्दा टिमको कप्तानमा अरुणा शाही नै थिइन्। तर त्यो सिजन थोरै क्लब भएकाले नेपाललाई सहज भएको थियो। तर यो वर्ष छ टिम सहभागी हुँदैछन्। त्यस्तै, नेपाली टिमले उज्बेकिस्तानसँग पनि खेल्दैछ। उज्बेकिस्तान नेपालीका लागि नयाँ टिम हो।

‘पछिल्लो सिजन केही सजिलो थियो। टिम थोरै थिए। एउटा श्रीलंका बलियो छ र हामीले कहिले पनि नखेलेको टिम उज्ज्वेकिस्तानसँग पनि खेल्दैछौं,’ उनले भनिन्।

बलिया टिमहरू भए पनि नेपाल यो वर्ष साबिक विजेताका हिसाबले प्रतियोगितामा भाग लिँदैछ। त्यसो साख जोगाउने दबाब नेपाली टिमलाई छ। यद्यपि आफू दबाब नलिइकन खेल्ने कप्तान अरुणा बताउँछिन्, ‘दबाब लिनु भन्दा आफूलाई प्रेरणा दिनु राम्रो हुन्छ। त्यसैले दबाब लिएको छैन। पहिला जितेको अहिले जित्नैपर्छ भन्दा पनि पहिलेको भन्दा राम्रो प्रदर्शन गर्ने हो।’

अहिले टिममा चारजना नयाँ खेलाडी थपिएका छन्। पहिलेका खेलाडी भन्दा पनि राम्रो प्रदर्शन गर्न सक्ने क्षमता भएका नयाँ खेलाडी रहेको अरुणाले बताएकी छन्।


प्रकाशित: December 23, 2021 | 07:51:59 काठमाडौं, बिहीबार, पुष ८, २०७८

तपाईं को प्रतिक्रिया

तपाईं को प्रतिक्रिया

ट्रेंडिंग

'मानवताको सहर' बुटवलमा दलितले कोठा भाडा पाउँदैनन्

जातका आधारमा हुने विभेदलाई कानुनले निषेध गरेको र बुटवलमा मानव भएर बाँच्न मानवताको सहर नारा तय गरिए पनि त्यसैलाई खिल्ली उडाउँदै जातीय भेदभावको घटना सार्वजनिक भएको हो।

राष्ट्रिय स्वतन्त्र पार्टीले आज पत्रकार सम्मेलन गर्ने

रवि लामिछाने नेतृत्वको राष्ट्रिय स्वतन्त्र पार्टीले आज पत्रकार सम्मेलन गर्ने भएको छ।

तिलोत्तमा नगरपालिकाद्वारा सामुदायिक विद्यालयमा नि:शुल्क इन्टरनेट जडान

तिलोत्तमा नगरपालिकाले अधिकांश पुरानै कार्यक्रमलाई निरन्तरता दिँदै आर्थिक वर्ष २०७९-८० का लागि नीति तथा कार्यक्रम सार्वजनिक गरेको छ। नगर प्रमुख रामकृष्ण खाणले बिहीबार नगरसभामा प्रस्तुत गरेको नीति तथा कार्यक्रममा अधिकांश अघिल्लो वर्षका पुरानै कार्यक्रमलाई निरन्तरता दिइएको छ।

सुविना गिरी शंकास्पद मृत्यु प्रकरण : पोष्टपार्टम रिपोर्टले माइतीको दाबीलाई बल पुग्ने

सुविनाको पोस्टमार्टम रिपोर्टमा ‘प्रेसर ओभर नेक’बाट मृत्यु भएको प्रारम्भिक रिपोर्ट आएको ईलाका प्रहरी कार्यालय बुटवलका प्रमुख प्रहरी नायव उपरीक्षक ठगबहादुर केसीले बताए।

रवि लामिछानेको पार्टीले घन्टी चुनाव चिन्ह नपाउने!

राष्ट्रिय स्वतन्त्र पार्टी घोषणासँगै घन्टी चुनाव चिन्ह प्रस्ताव गरेका रवि लामिछानेले उक्त चिन्ह नपाउने देखिएको छ।

स्वतन्त्र व्यक्तिको 'सफलता'बाट हौसिएर स्वतन्त्र पार्टी, पुरानालाई कति चुनौती?

रविकै भाषा अनुसार राजनीतिक फोहोर सफा गर्न हिलोमा छिरिसकेका छन्। अब राजनीति सफा गर्ने सन्दर्भमा हिलोसँगको पौठाजोरी र धुलोसँगको मुकाविला कसरी गर्लान्? त्यो समयसँगै खुल्दै जानेछ।

पाठ्यक्रमबारे समीक्षा गर्न त्रिविमा पाँच दिने कार्यशाला

पाठ्यक्रम समीक्षाको लागि ग्रामीण विकास केन्द्रीय विभाग त्रिविले कार्यशाला गोष्ठी आयोजना गरेको छ।

न्यायाधीशलाई १० करोड घुस दिन खोज्ने वकिल रुद्रप्रसाद आफैँ विवादको घेरामा

व्यवसायी इच्छाराज तामाङलाई धरौटीमा छाड्न ‘सेटिङ’को प्रयास गरेका वकिल रूद्रप्रसाद पोखरेलले न्यायाधीशसँगको टेलिफोन कुराकानी बाहिर ल्याएपछि उनीमाथि पनि आलोचना सुरु भएको छ।

'राष्ट्रिय स्वतन्त्र पार्टी'विरुद्ध स्वतन्त्रकै उजुरी

रवि लामिछानेले घोषणा गरेको राष्ट्रिय स्वतन्त्र पार्टीविरुद्ध स्वतन्त्र उम्मेदवारी घोषणा गरेका व्यक्तिहरुले उजुरी दिएका छन्।

माइग्रेनको समस्या भएकाहरूका लागि लाभदायक तीन योगासन

माइग्रेनको दुखाई कम गर्नका लागि औषधिहरू पनि छन्। तर, केही योगासन गरेर पनि माइग्रेनको दुखाइलाई कम गर्न सकिन्छ।

थप समाचार

नेपाल समय
भलिबल

एसियाली खेलमा पदक जित्ने रणनीति बुन्दै महिला भलिबल टिम

चीनमा यसै वर्ष आयोजना हुने भनिएको एसियाली खेल स्पर्धा स्थगन भए पनि नेपाली खेलाडीलाई विभिन्न खेल अभ्यासमा अभ्यस्त बनाउन थालिएको छ।
नेपाल समय
भलिबल

भलिबलमा भविष्य खोजिरहेका धीरज, जसलाई खेलबाटै देशको शीर उँचो पार्नु छ

१६ वर्षकै उमेरदेखि भलिबल खेल्न सुरु गरेका धीरजले राष्ट्रिय टिमको जर्सीमा खेल्ने सपना भने साकार पार्न सकेका छैनन्। तर, जीवनको एक कालखण्डमा राष्ट्रिय टिमको जर्सी लगाएर खेल्ने उनको सपना मजबुत बन्दै गइरहेको छ।
नेपाल समय
भलिबल

भलिबल लिग समीक्षा : प्रभावहीन न्यु डायमन्ड, छुटेका प्रतीभा र सरस्वती

राष्ट्रिय महिला भलिबल क्लबको प्रमुख उपधि दावेदारको रुपमा न्यु डायमन्डले आफूलाई विगतदेखि प्रमाणित गर्दै आएको छ। अघिल्लो संस्करणको राष्ट्रिय महिला च्याम्पियनसिपको उपाधि पनि न्यु डायमन्डले जितेको थियो।
नेपाल समय
भलिबल

भलिबल क्लब लिगको दुवै उपाधि आर्मीलाई, संगम र धन बहादुर सर्वोत्कृष्ट

छैटौं संस्करणको एनभीए महिला तथा पुरुष क्लब भलिबल लिगको दुवैतर्फको उपाधि विभागीय क्लब आर्मीले जितेको छ।
नेपाल समय
भलिबल

एनभीए लिग भलिबल : महिलामा एपीएफ र पुरुषतर्फ आर्मीको जित

छैटौं संस्करणको एनभीए महिला तथा पुरुष भलिबल क्लब लिगमा शुक्रबार विभागीय टिम एपीएफले महिलातर्फ जित निकालेको छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना