शुक्रबार, असार १७, २०७९

बुटवलमा पालिकास्तरीय महिला भलिबल सुरु

नेपाल समय  |  काठमाडौं, बिहीबार, मंसिर २३, २०७८

नेपाल समय

नेपाल समय

बिहीबार, मंसिर २३, २०७८, काठमाडौं

नेपाल समय
Volleyball

बुटवल- बुटवलमा उपमेयरकप अन्तरपालिकास्तरीय राष्ट्रिय महिला भलिबल प्रतियोगिता सुरु भएको छ। बुटवल उपमहानगरपालिका नगर खेलकुद विकास समितिले प्रतियोगिता आयोजना गरेको हो।

बुटवल देविनगरस्थित कद्दरबहादुर रिता रायमाझी नवीन औद्योगिक माविमा सञ्चालित प्रतियोगिताको उद्घाटन खेलमा बेनी, तिलोत्तमा, बुटवल र वीरेन्द्रनगरले विजयी सुरुवात गरेका छन्।

बिहीबारको पहिलो खेलमा बेनी नगरपालिका, म्याग्दीले भिमदत्त नगरपालिका कञ्चनपुरमाथि २–० को सोझो सेटमा पराजित गरेको हो। यसैगरी दोस्रो खेलमा तिलोत्तमा नगरपालिकाले कोहलपुर नगरपालिकालाई २५–३, २५–७ अंकको सेटमा पराजित गरेको हो।

अर्को खेलमा आयोजक बुटवल उपमहानगरले गोदावरी नगरपालिकालाई २५–१८, २५–४ को सोझो सेटमा हराउँदै जित निकालेको छ।

्यसैगरी वीरेन्द्रनगर नगरपालिका, सुर्खेतले टिकापुर नगरपालिकामाथि २–१ को जित निकालेको छ। पहिलो सेटमा टिकापुरले २५–२३ को अग्रता लिएको थियो। दोस्रो र तेस्रो सेटमा खेलमा फर्कँदै वीरेन्द्रनगर १३–२५, ११–१५ को अंकले जित निकाल्न सफल भयो।

लैंगिक हिंसाविरुद्धको अभियान अन्तर्गत बुटवल उपमहानगरपालिकाले ‘घरैबाट सुरु गरौँ, महिला हिंसा अन्त्य गरौँ’ भन्ने नाराका साथ प्रतियोगिता आयोजना गरेको हो। प्रतियोगिताको उद्घाटन गर्दै बुटवल उपमहानगरपालिकाकी उपप्रमुख गुमादेवी आचार्यले गरेकी थिइन्।

त्यस अवसरमा उनले युवा सहभागिता बढाउन र युवाहरूको प्रवर्द्धन गर्न खेलकुदको विकास जरुरी रहेको बताइन्। बुटवलले एक वडा एक खेल मैदानको अभियान लिएर अगाडि बढेको र खेलकुदमा लगानी बढाउँदै लगेको पनि बताइन्। 

प्रतियोगितामा बेनी नगरपालिका म्याग्दी, भिमदत्त नगरपालिका कञ्चनपुर, कैलारी गाउँपालिका कैलाली, तिलोत्तमा नगरपालिका रुपन्देही, कोहलपुर नगरपालिका बाँके, बाणगंगा नगरपालिका कपिलवस्तु, वीरेन्द्र नगरपालिका सुर्खेत, टिकापुर नगरपालिका कैलाली, सैनामैना नगरपालिका रुपन्देही, गोदावरी नगरपालिका कैलाली र आयोजक बुटवल उपमहानगर गरी १० टिम सहभागी छन्।

प्रतियोगिताको उपाधि विजेताले नगद एक लाख ५० हजार रुपैयाँ, कप, मेडल, प्रमाणपत्र पाउने छ भने उपविजेता टिमले नगद ७५ हजार रुपैयाँ, कप, मेडल, प्रमाणपत्र हात पार्ने छ। त्यस्तै तृतीय हुने टिमले नगद ३५ हजार रुपैयाँ तथा चौथोले १५ हजार रुपैयाँ, कप, मेडल, प्रमाणपत्र पाउने खेल संयोजक अर्जुन घिमिरेले बताए। लिग कम नकआउटको आधारमा खेलाइएको प्रतियोगिता तीन दिनसम्म चल्ने उनले बताए।


प्रकाशित: December 9, 2021 | 21:10:00 काठमाडौं, बिहीबार, मंसिर २३, २०७८

तपाईं को प्रतिक्रिया

तपाईं को प्रतिक्रिया

ट्रेंडिंग

नाबालिगविरुद्ध २७ वर्षीया विवाहित महिलाको बलात्कार मुद्दा, तर अदालतले पत्याएन

बलात्कृत भएकी भनिएकी महिलाको घरमा टिभी मर्मत गर्न पुगेका नाबालिगले सहमतिमै शारीरिक सम्पर्क गरेको बयान दिएपछि जबर्जस्ती करणीको मुद्दामा न्यायाधीशले सुनाए अचम्मको फैसला।

श्रीमतीलाई भीरबाट लडाएर हत्या गर्ने निर्दयी श्रीमान्

गत असार ५ गते भएको घटना १० गते मात्र थाहा भएको थियो। लेकबहादुरले गत असार ५ गते बिहान घरमा कोही नभएको मौका छोपी श्रीमतीलाई कुटपिट गदै लखेट्दै जंगलतिर लगेको प्रहरी अनुसन्धानबाट खुलेको छ।

चन्द्रागिरिको जंगलमा हराएका तीन विदेशी भीरमा भेटिए

उक्त स्थान थानकोटबाट करिब सात किलोमिटर टाढा थानकोट–चित्लाङ सडकखण्ड नजिक रहेको प्रहरीले जनाएको छ।

...अनि पटक-पटक मर्ने प्रयास गरेकी थिइन् दिलमायाले

‘त्यसबेला मेरो छोरो पाँच वर्षको थियो। म माइतीको शरणमा गएको थिएँ। तर माइतीले पनि नहेरेपछि मर्छु भनेर बाबुलाई घरमै छोडेर जंगलभित्र गा'को थिएँ। तर जंगलमा ३ घन्टा रुँदैरुँदै बिताएर घर फर्किएँ। बच्चाले दुःख पाउँछ भनेर मर्न सकिनँ...

गायिका सुनार मृत्यु प्रकरण : प्रेमीले फालेको सल नालीमा भेटियो, पोस्टमार्टम रिपोर्ट कुर्दै प्रहरी

प्रहरीको प्रारम्भिक अनुसन्धानले गायिका सुनारको डिभोर्सपछि उनी श्रेष्ठसँग करिब डेढ वर्षयता ‘लिभिङ टुगेदर’मा बस्दै आएको देखिएको छ। नेपालटारस्थित उनको डेरामा श्रेष्ठको आउजाउ बाँक्लै थियो।

कांग्रेसभित्र यसरी 'फ्रन्ट डोर' ढकढक्याउँदैछन् विनोद चौधरी

म कांग्रेस एकदमै कमजोर भएको अवस्थामा प्रवेश गरेको हुँ। मेरो बाँकी राजनीतिक जीवन कांग्रेसमै बित्छ। कांग्रेसमै रहेर पार्टी र देशका लागि केही गर्ने हो। परिवर्तन ल्याउन भूमिका खेल्ने हो। म मेरो योजनामा असफल भएँ भने राजनीतिमा विश्राम लिएर आराम गरेर बस्छु।

गोर्खा सैनिकको सम्झनामा त्यो फोकल्यान्ड युद्ध

‘बिहानको १० बजेसम्म घाम देखिँदैन। जताततै तिखा चट्टान, ढुंगा र घासे मैदान। चार मोजा र बुट लगाउँदा सम्म नथेगिने चिसो। घरिपानी, घरि असिना, घरि हिउँ। रुखपात छैन, झारपात मात्र कस्तो ठाउँ होला!’

बालुवाटार पुगे नेकपा एसका तीन मन्त्री

स्वाथ्य तथा जनसंख्यामन्त्री विरोध खतिवडा, शहरी विकासमन्त्री रामकुमारी झाँक्री र श्रम, रोजगार तथा समाजिक सुरक्षा मन्त्री कृष्ण कुमार श्रेष्ठ आफूहरुको माग र अडान पुरानै भएको दोहोर्‍याउन बालुवाटार पुगेको स्रोतको दाबी छ। उनीहरुसँग निरा जैरुसहित केही सांसद पनि रहेको बताइएको छ।

नेपालबाट बेलायत जाने मौसमी कामदार बढे, सरकार भन्छ- ऐनले चिन्दैन

कोराना महामारीपछिको अर्थतन्त्रलाई ट्रयाकमा ल्याउन बेलायत सरकारले विभिन्न मुलुकबाट मौसमी रोजगारका लागि आवेदन मागिरहेको छ। तर नेपालको श्रम ऐनमा मौसमी रोजगारसम्बन्धी व्यवस्था नहुँदा नेपाली श्रमिकलाई अप्ठेरो पारिरहेको छ।

साडियो माने : धुलाम्य मैदानदेखि लिभरपुलको लोभलाग्दो रवाफसम्म

बाल्यावस्थादेखि बलसँगै लडिबुडी गरेका मानेले फुटबलमा पाएको जादूयी सफलतापछि जन्मथलो बम्बालीमा उम्रिँदै छन् सयौं मानेहरू।

थप समाचार

नेपाल समय
भलिबल

महिला भलिवलमा पुलिस फाइनल प्रवेश

पुलिस अंक तालिकाको शीर्ष स्थानमा समेत पुगेको छ। आजको खेलमा पुलिसले एपीएफलाई २५-१८, १४-२५, २५-१७ र २५-२० को सेटमा पराजित गरेको हो।
नेपाल समय
भलिबल

एसियाली खेलमा पदक जित्ने रणनीति बुन्दै महिला भलिबल टिम

चीनमा यसै वर्ष आयोजना हुने भनिएको एसियाली खेल स्पर्धा स्थगन भए पनि नेपाली खेलाडीलाई विभिन्न खेल अभ्यासमा अभ्यस्त बनाउन थालिएको छ।
नेपाल समय
भलिबल

भलिबलमा भविष्य खोजिरहेका धीरज, जसलाई खेलबाटै देशको शीर उँचो पार्नु छ

१६ वर्षकै उमेरदेखि भलिबल खेल्न सुरु गरेका धीरजले राष्ट्रिय टिमको जर्सीमा खेल्ने सपना भने साकार पार्न सकेका छैनन्। तर, जीवनको एक कालखण्डमा राष्ट्रिय टिमको जर्सी लगाएर खेल्ने उनको सपना मजबुत बन्दै गइरहेको छ।
नेपाल समय
भलिबल

भलिबल लिग समीक्षा : प्रभावहीन न्यु डायमन्ड, छुटेका प्रतीभा र सरस्वती

राष्ट्रिय महिला भलिबल क्लबको प्रमुख उपधि दावेदारको रुपमा न्यु डायमन्डले आफूलाई विगतदेखि प्रमाणित गर्दै आएको छ। अघिल्लो संस्करणको राष्ट्रिय महिला च्याम्पियनसिपको उपाधि पनि न्यु डायमन्डले जितेको थियो।
नेपाल समय
भलिबल

भलिबल क्लब लिगको दुवै उपाधि आर्मीलाई, संगम र धन बहादुर सर्वोत्कृष्ट

छैटौं संस्करणको एनभीए महिला तथा पुरुष क्लब भलिबल लिगको दुवैतर्फको उपाधि विभागीय क्लब आर्मीले जितेको छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना