आइतबार, असार १९, २०७९

आर्मीका स्पाइकर मानबहादुर भन्छन्- समर्थकको उत्साहले च्याम्पियन भयौँ

नेपाल समय  |  काठमाडौं, शनिबार, असोज १६, २०७८

नेपाल समय

नेपाल समय

शनिबार, असोज १६, २०७८, काठमाडौं

नेपाल समय
त्रिभुवन आर्मी क्लबका स्पाइकर मानबहादुर श्रेष्ठले स्पाइक गरेपछि खुसी हुँदै। तस्बिर : दिनेश श्रेष्ठ।

काठमाडौं – त्रिभुवन आर्मी क्लबका स्पाइकर मानबहादुर श्रेष्ठले छैटौं संस्करणको एनभीएल क्लब भलिबल च्याम्पिनसिपमा जितको श्रेय दर्शकलाई दिएका छन्। उनले शनिबारको खेलमा दर्शकको हुटिङले सातौं खेलाडीको काम गरेको पनि बताएका हुन्।

दोस्रो सेटमा हार बेहोरेर चौथो सेटसम्म लम्बिएको फाइनल खेलमा आर्मीले २६-२४ ,१७–२५, २५–१८ र ३३–३१ को सेटमा प्रतिद्वन्दी टिपटप हेल्प नेपाललाई हराएर उपाधि जितेका थिए।

सयौँ दर्शकको उपस्थिति रहेको त्रिपुरेश्वरस्थित राखेपको कभर्डहलमा समर्थकले आर्मीको पक्षमा नारा लगाएका थिए। एकपटक रेफ्री गौतम लासिवाको निर्णय गलत भएको भन्दै समर्थनले पानीको बोतल प्रहार गरेका हुन्। उनले आर्मीले प्रहार गरेको स्पाइकमा गल्ती देखाएर हेल्प नेपाललाई अंक दिएका थिए। उनले अंक दिएपछि खेलमा २४–२४ को बराबरी भएको थियो।

खेल सकिएपछि आर्मीका स्पाकइर धनबहादुरले भने, ‘यहाँ उपस्थित भएका दर्शकहरुलाई धन्यवाद भन्‍न चाहन्छु। हामीले खेलेकोभन्दा पनि उहाँहरुले भित्रि इनर्जीबाट आज हामीलाई जिताइदिएको जस्तो लागिरहेको छ।’

उनले थपे, ‘ज-जसले आर्मीको पक्षमा हुटिङ् गर्नुभयो उहाँहरुलाई धन्यवाद। आज हामीले जितेको होइन, समर्थकले जिताएको हो। एकदम रामाइलो भयो। माहोल राम्रो भयो।’

उनले कोभिडको कारण लामो समय खेल नभएको समयमा महामारीपछि समर्थकमाझ खेल्न पाउँदा निकै खुसी भएको बताएका छन्। तर प्रतियोगिता आयोजना भएपछि अभ्यासको लागि कम समय भएकाले तयारी नपुगेको पनि मानबहादुरको ठम्याइ छ।

‘कोरोनाले गर्दा हाम्रो लेभल धेरै घटेको हो। योभन्दा अघि पनि १५ दिन मात्र अभ्यास गरेर खेलेका थियौँ,’ उनले भने, ‘त्यतिबेला पनि यहि टिमले हामीलाई हराएको थियो। आज उनीहरुलाई नै हराएर बदला लिँदै उपाधि जित्दा खुसी लागेको छ।’

उनले कोरोनापछि खेल्दा गाह्रो भएकोसमेत बताएका छन्। अब छोटो समयको प्रतियोगिता मात्र नभएर लामो समयको प्रतियोगिता आवश्यक भएको पनि उनले बताए। 

‘आधिकारिक जानकारी त हामीलाई आएको छैन। तर सुनेका छौं कि भलिबलमा पनि फ्रेन्चाइज् प्रतियोगिता हुँदै रहेछ। त्यो भयो भने हामी खेलाडीलाई निकै सहयोग हुनेछ,’ मानबहादुरले भने, ‘त्यो आयोजना भयो भने त्यो सायद हाम्रो बेस्ट गेम हुनेछ। त्यस्तै प्रतियोगित होस्।’

उनले नेपालसमयसँग कुराकानीको अन्तिममा दुखेसो पनि पोखेका छन्। नेपालको राष्ट्रिय खेल भनिएको भलिबल खेलाडीलाई सरकारले बेवास्ता गरेको उनी बताउँछन्। भन्छन्, ‘राष्ट्रिय खेल भन्‍ने त छ। तर सरकारले, संघले भत्ता दिएको छैन। संघले आफ्नो ठाउँबाट र सरकारले पनि त्यसमा सहयोग गर्नुपर्छ।’


प्रकाशित: October 2, 2021 | 19:37:07 काठमाडौं, शनिबार, असोज १६, २०७८

तपाईं को प्रतिक्रिया

तपाईं को प्रतिक्रिया

ट्रेंडिंग

उपचार खर्च नहुँदा द्वन्द्वकालका घाइते पूर्वजनमुक्ति सेनाका कमाण्डर सेवकको निधन

द्वन्द्वकालमा घाइते भएका पूर्वजनमुक्ति सेनाका कमाण्डर नमराज न्यौपानेको निधन भएको छ। द्वन्द्वकालमा तत्कालीन सत्तापक्षसँगको लडाइँका क्रममा घाइते भएका कालिकोटको तिलागुफा ५ का नमराज न्यौपाने सेवकको काठमाडौंका सडक पेटीमै निधन भएको हो।

रवि लामिछानेको दलले सार्वजनिक गर्‍यो १९ केन्द्रीय सदस्यको नाम [सूचीसहित]

राष्ट्रिय स्वतन्त्र पार्टीले १९ केन्द्रीय सदस्यको नामावली सार्वजनिक गरेको छ। रवि लामिछाने सभापति रहेको पार्टीका प्रवक्ता डा. मुकुल ढकालले १९ केन्द्रीय सदस्यहरूको नाम सार्वजनिक गरेका हुन्।

अर्थतन्त्रको संगति कहाँनेर खुस्क्यो सरकार?

नेपालको अर्थतन्त्र श्रीलंकाको बाटोमा पुगिसकेको वा उक्त बाटोमा जाँदै जाँदैन भन्‍ने दुबै थरीको तर्क गलत हुन्

बिमला वलीको राजीनामाको भित्री रहस्य

एकातर्फ सरकारलाई आर्थिक वर्ष ०७९-८० को बजेट संसद्‌बाट पारित गर्नुपर्ने बाध्यता थियो भने अर्कोतर्फ सरकारी प्रतिवेदनमै राज्यमन्त्रीको कमजोरी औंल्याउनुपर्ने भएपछि सरकारमाथि थप नैतिक संकट आउन नदिन मुख्यमन्त्री केसीकै सल्लाहमा राज्यमन्त्री वलीले राजीनामा दिएको सूचना प्रवाह गरिएको हो। वलीलाई राज्यमन्त्रीबाट बर्खास्त गर्नुको सट्टा आफैँ राजीनामा दिएको सन्देश दिन मुख्यमन्त्री केसीले वलीलाई सुझाएका हुन्।

चलचित्र विकास बोर्डको अध्यक्षका लागि ७ जनाको आवेदन

सूचना तथा सञ्चार मन्त्रालय श्रोतका अनुसार अहिलेसम्म अभिनेता भूवन केसी, निर्देशक सम्झना उप्रेती रौनियार, बक्सअफिस कन्सल्टेन्ट मनिष पण्डित, निर्देशक अरुणकुमार प्रधान, निर्माता सुशिलकुमार पोखरेल, निर्देशक नरेशकुमार पौड्याल र कलाकार सुष्मा कार्कीले आवेदन दिएका हुन्।

राजदूत बन्न चाहन्छन् राजेश हमाल?

प्रचण्ड र हमालबीचको भेटमा नेपाली चलचित्रका समस्या, समसामयिक राजनीतिदेखि राष्ट्रिय–अन्तर्राष्ट्रिय घटना–परिघटनाबारे अन्तरंग संवाद भएको बताइएको छ।

निर्वाचन आयोगले दर्ता गर्‍यो रवि लामिछानेको दल, चुनाव चिह्न घण्टी नै

आयोगले उनको दललाई घण्टी चुनाव चिह्न दिएको छ। यो चुनाव चिन्ह अरु पार्टीले नपाएकाले स्वतन्त्रलाई नै दिने निर्णय गरेको हो।

घर फर्किएकी यान्छी

एमसीसीको विवाद बढ्नुमा चिनियाँ दूतावासको भूमिका रहेको भन्‍ने आरोप लागे पनि चीनसँग सन् २०१७ मा नै सम्झौता भएको बीआरआईका विषयमा भने कुनै पहल हुन सकेन।

...त्यसपछि न मान्छे आयो, न खबर

खाटमा बसेर कापीमा अक्षरहरु कोर्दै गरेको नाबालक छोरा हेरेर टोलाउँछिन् वीरमा। ‘छरछिमेकका केटाकटीले बाउ भनेको सुन्दा यसले मलाई हेर्छ, हाम्रो बाबा कहिले आउनुहुन्छ भनेर सोध्छ,’ वीरमाको मन निचोरिएर आउँछ, त्यो पीडा उनको अनुहारमा कालोनिलो भएर मडारिन्छ, मुख छोपेर घुँक्कघुँक्क रुन्छिन्।

आफ्नै काकाबाट बलात्कृत भएको भन्दै अर्की युवती रुँदै टिकटकमा, न्यायका लागि लडिदिन आग्रह

‘मैले धेरै प्रयास गरेँ तर यो घटनाबाट भाग्न सकिनँ। यहीकारण परिवारबाट पनि टाढा छु। मलाई कसैको सहयोग छैन। समाजले थाहा पायो भने बिहे कसले गर्छ भनेर परिवारले पनि सहयोग गरेनन्। मेरो पीडा सुनाउने पनि जीवनमा कोही छैनन्,’ टिकटकमा उनले रुँदैरुँदै पीडा पोखेकी छिन् ।

थप समाचार

नेपाल समय
भलिबल

राष्ट्रिय महिला भलिबलको उपाधि पुलिस क्लबलाई

विभागीय प्रतिद्वन्द्वी एपिएफ क्लबलाई हराउँदै नेपाल पुलिस क्लबले बागमती प्रदेश न्यू डायमण्ड कप खुल्ला महिला राष्ट्रिय भलिबल प्रतियोगिताको उपाधि जितेको छ।
नेपाल समय
भलिबल

महिला भलिवलमा पुलिस फाइनल प्रवेश

पुलिस अंक तालिकाको शीर्ष स्थानमा समेत पुगेको छ। आजको खेलमा पुलिसले एपीएफलाई २५-१८, १४-२५, २५-१७ र २५-२० को सेटमा पराजित गरेको हो।
नेपाल समय
भलिबल

एसियाली खेलमा पदक जित्ने रणनीति बुन्दै महिला भलिबल टिम

चीनमा यसै वर्ष आयोजना हुने भनिएको एसियाली खेल स्पर्धा स्थगन भए पनि नेपाली खेलाडीलाई विभिन्न खेल अभ्यासमा अभ्यस्त बनाउन थालिएको छ।
नेपाल समय
भलिबल

भलिबलमा भविष्य खोजिरहेका धीरज, जसलाई खेलबाटै देशको शीर उँचो पार्नु छ

१६ वर्षकै उमेरदेखि भलिबल खेल्न सुरु गरेका धीरजले राष्ट्रिय टिमको जर्सीमा खेल्ने सपना भने साकार पार्न सकेका छैनन्। तर, जीवनको एक कालखण्डमा राष्ट्रिय टिमको जर्सी लगाएर खेल्ने उनको सपना मजबुत बन्दै गइरहेको छ।
नेपाल समय
भलिबल

भलिबल लिग समीक्षा : प्रभावहीन न्यु डायमन्ड, छुटेका प्रतीभा र सरस्वती

राष्ट्रिय महिला भलिबल क्लबको प्रमुख उपधि दावेदारको रुपमा न्यु डायमन्डले आफूलाई विगतदेखि प्रमाणित गर्दै आएको छ। अघिल्लो संस्करणको राष्ट्रिय महिला च्याम्पियनसिपको उपाधि पनि न्यु डायमन्डले जितेको थियो।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना