शुक्रबार, असोज २१, २०७९

रोशनी हत्या प्रकरण : ‘माता’को उक्साहटमा भएको थियो घटना

नेपाल समय  |  काठमाडौं, सोमबार, वैशाख ६, २०७८

नेपाल समय

नेपाल समय

सोमबार, वैशाख ६, २०७८, काठमाडौं

काठमाडौंको आकाशमा कालो बादल मडारिरहेको थियो। हुरीका कारण वातावरण अशान्त थियो। हावाले ठाउँठाउँमा बिजुलीको पोल ढल्दा सहरमा बत्ती निभेको थियो। सोही अँध्यारोमा रोशनीको जिन्दगी कहिल्यै नफर्कने गरी बिदा भयो। 

हुरी चलेका कारण अधिकांश व्यक्ति झ्यालढोका लगाएर घरभित्रै बसेका थिए। रोशनी भने तरकारी र दूध किनेर घर फर्किंदै थिइन्।

घरबाट मुस्किलले उनी २० पाइला वर आइपुग्दा एकाएक देवर मोहन राजभण्डारीले रडले पछाडिबाट टाउकोमा प्रहार गरे। रक्ताम्मे भएकी उनी चिच्याउँदै घरतर्फ दौडिइन्। 

फेरि देवरले पछाडिबाट रडले हाने। रोशनी शरण माग्न छिमेकीको घरमा छिरिन्। तर, कसैले उनको देवरलाई रोकेनन्। र, उनलाई बचाउने आँट गरेनन्। गेटभित्र छिरेपछि पनि मोहनले रडैरडले टाउकोमा हानिरहे। 

जब यो घटना वरिपरिका स्थानीयले देखे, त्यसपछि चिच्याउन थाले उनीहरु। आफन्त घरबाट निस्किए। दौडादौड भयो। 

प्रत्यक्षदर्शी लीला देसार भन्छिन्, ‘कुनै फिल्मको दृश्यभन्दा खतरनाक थियो अवस्था। चोटैचोट लागेको अवस्थामा रोशनीको घाइते शरीर गेटमा लम्पसार थियो। रगतको आहाल थियो। म यो सबै देखेर लगलग कामें।’ 

मोहनले भाउजूको हत्या गरेको विषयमा आफन्तले विश्वास गरेका छैनन्। उनीहरुलाई सपना जस्तो लागिराखेको छ। ‘कहिल्यै आक्रामक स्वाभाव र शैली नदेखाएका उनले कसरी हत्या गरे होलान्? म छक्क परिराखेको छु’, दाइ नाता पर्ने इन्द्र श्रेष्ठले भने। 

इन्द्रका अनुसार मोहन धेरै बोल्ने पनि होइन, बोल्दै नबोल्ने पनि होइनन्। सबैसँग सामान्य बोल्थे। देवरभाउजू मिलेर बसेका थिए। चाडबाडमा एकै ठाउँमा बसेर खान्थे, रमाउँथे। यस्तो अवस्थामा आउँछ भनेर आफूले कल्पनासम्म नगरेको उनले बताए। 

छिमेकी लीलाका अनुसार मोहनले पटकपटक भाउजू रोशनीलाई पख तलाई मार्छु भनेर धम्की दिने गरेका थिए। तेरै कारण मेरो परिवार बिग्रियो भन्दै उनले पटकपटक मार्ने धम्की दिने दिएको रोशनीले लीलालाई सुनाएकी रहेछिन्। लीला भन्छिन्, ‘दाजुभाइको झगडा भइरहन्थ्यो। तर यसरी मान्छे नै मार्छन् जस्तो लागेको थिएन्।’

हत्या आरोपित मोहनका तीन दाजुभाइ छन्। तीनै जनाको एउटै आँगन छ। घर लगभग जोडिएको छ। आर्थिक विषय र लेनदेनमा कुनै विवाद थिएन। कतिसम्म भने उनीहरु छुट्टिएपछि पनि चाडपर्वमा एकै ठाउँमा बसेर खाना खाने गर्थे। स्थानीयका अनुसार देवर मोहन र भाउजू रोशनीबीच २०७४ सालबाट सम्बन्ध बिग्रिएको हो। 

केही वर्षअघि देवर मोहनकी पत्नी बिरामी परेपछि मोहनले कुनै जान्ने भनिएकी ‘माता’लाई देखाएको र माताले मोहनकी पत्नी बिरामी हुनुमा भाउजू रोशनीले तन्तरमन्तर गरेर बिरामी पारेको भनेपछि खटपट सुरु भएको थियो। 

‘माता’ले तेरै भाउजूले तेरी पत्नीलाई बिरामी बनाएको हो भनेर मोहनलाई भनेपछि त्यसकै विश्वासमा लागेर मोहनले भाउजूलाई बोक्सीको आरोप लगाउँदै आएका थिए। त्यही विषय अहिले हत्याको अवस्थामा पुगेको हुन सक्ने स्थानीयको अनुमान छ। 

आफन्त पनि रोशनीको हत्या बोक्सीकै आरोपमा भएको हुन सक्ने बताउँछन्। हत्या आरोपित मोहनका दाजु नाता पर्ने इन्द्र श्रेष्ठ रोशनीको हत्या हुनुमा माता भन्नेको भूमिका मुख्य रहेको बताउँछन्। उनका अनुसार ‘माता’ ले घरमै आएर तेरी भाउजूले टुनामुना गरेर तेरी श्रीमतीलाई बिरामी पारेको भनेपछि मोहन भाउजूसँग झगडा गर्न सुरु गरेका थिए। उनीहरुबीच आर्थिक लेनदेन र अन्य विषयमा विवाद थिएन। 

प्रहरीले भने मोहनले बोक्सीकै आरोपमा रोशनीको हत्या गरेको वा अन्य कारण हो भन्ने विषयमा केही बोलेका छैनन्। 

महानगरीय प्रहरी परिसर काठमाडौंका प्रमुख एसएसपी अशोक सिंहका अनुसार पहिलादेखि नै मनमुटाव देखिए पनि हत्या भने आवेशमा आएर भएको देखिएको छ। अन्य विषयमा अनुसन्धान भइरहेको उनले बताए।


प्रकाशित: April 19, 2021 | 12:35:00 काठमाडौं, सोमबार, वैशाख ६, २०७८

तपाईं को प्रतिक्रिया

ट्रेंडिंग

युक्रेनका ४ क्षेत्र गाभेको औपचारिक घोषणा गर्दै रुस

युक्रेनका लुहान्स्क, दोनत्स्क, जापोरिज्जिया र केरसन क्षेत्रलाई रुसमा गाभ्ने घोषणा गर्न लागिएको छ। 'क्रेमलिन दरबारमा स्थानीय समयअनुसार दिउँसो ३ बजे ती ४ क्षेत्र रुसमा गाभिएको घोषणा हुनेछ,' क्रेमलिन प्रवक्ता दिमित्री पेस्कोभले भनेका छन्।

पाँच दलको सिट भागबण्डा अन्तिम चरणमा [सूचीसहित]

लामो समयको गृहकार्यपछि धेरैजसो निर्वाचन क्षेत्रको भागबण्डा मिलेको छ तर केहीमा भने किचलो कायमै छ।

सोलुको सकस: कांग्रेस नछाड्ने, माओवादी नमान्ने

२०७४ को चुनावमा जितेकाले आफैंले पाउनुपर्ने माओवादीको अडान छ। यस पटक गठबन्धनले चुनाव लड्ने हुँदा सोलुखुम्बु आफूले पाउनुपर्ने दाबी कांग्रेसले गरिरहेको छ।

समानुपातिक सूची परिवर्तन नभए आफैँ संघर्षमा उत्रने शेखर-गगनको चेतावनी

समान अवसर र न्यायका लागि विरोध र संघर्षका कार्यक्रम गर्दै आएका आफूनिकट नेताहरूसँग छलफल नेता कोइराला र महामन्त्री थापाले यस्तो बताएका हुन्। बत्तिसपुतलीस्थित अनुपम फुडल्यान्डमा असन्तुष्ट नेताहरुसँग उनीहरूले छलफल गरेका हुन्।

भीम रावल पार्टी सम्पर्कमा नआएपछि ओलीको सोधीखोजी

४ मंसिरमा हुने निर्वाचनका लागि एमाले जिल्ला कमिटीले अछाम क्षेत्र–१ बाट रावललाई मात्र सिफारिस गरे पनि पछिल्लो समय पार्टी सम्पर्कमा नआएपछि के भएको हो भनेर बुझ्न सुदूरपश्चिम एमाले नेताहरु पुगे ओली निवास।

सिभिल र हिमालयन मर्ज भएपछि ६ महिनामा 'सिनर्जी' आउँछ : सुनील पोखरेल [अन्तर्वार्ता]

हिमालय बैंक लिगेसी बोकेको पुरानो बैंक हो। हामीसँग साना तथा मझौला प्रकृतिको बिजनेस छ। हिमालयनको ठूला र कर्पोरेट बिजनेस छ। हाम्रा स-साना ग्राहक छन् तर उसका ठूला ग्राहक छन्।

आजदेखि निर्वाचन आचारसंहिता लागु : के गर्न पाइन्छ, के पाइँदैन?

आगामी मंसिर ४ गते हुने प्रदेश तथा प्रतिनिधिसभा निर्वाचनका लागि आचारसंहिता बुधारदेखि लागु गरिएको छ।

अलमुताइरीप्रति कप्तान किरणको अझै गुनासो, भने - व्यक्तिका लागि भन्दा पनि देशका लागि खेल्छौं

नेपाल राष्ट्रिय फुटबल टोलीका कप्तान किरण चेम्जोङले प्रशिक्षक अबदुल्ला अलमुताइरीले आफूलाई टिमबाट निकालेकोमा दुखेसो पोखेका छन्। व्यवसायिक फुटबलका क्रममा भारतमा रहेका किरण बंगलादेशसँगको मैत्रीपूर्ण खेलका लागि नेपाल आएका हुन्।

मोरङ-३ : चुनावमा प्रभाव पार्ने यस्तो छ मेडिकल कलेज कनेक्सन

सुनिल शर्माले आफ्नो नोबेल मेडिकल कलेजमार्फत राजनीतिक प्रभाव बढाएका छन्। निर्वाचन क्षेत्रमा नागरिकको निःशुल्क र कम शुल्कमा उपचारको व्यवस्था मिलाएर उनले मतदाताको प्रभाव बढाएका हुन्। उता राष्ट्रिय प्रजातन्त्र पार्टी (राप्रपा) बाट उम्मेदवार बन्ने तयारीमा रहेकी रेखा थापाले पनि अभियान तीव्र बनाएकी छिन्।

मधेसवादी दलको कमजोरीमा 'जाल' थाप्दै एमाले!

मधेसवादी दलका एजेन्डाहरू पहिलेभन्दा कमजोर बन्दै गएपछि सत्ताको लोभ गर्नेहरू राजनीतिक सुरक्षाका निम्ति एमाले प्रवेश गरिरहेका छन् भने एमालेले पनि मधेसवादी दलको कमजोरीको फाइदा उठाएको राजनीतिक विश्लेषण गरिँदै छ।

थप समाचार

नेपाल समय
भिडियो समाचार

गठबन्धनमा मिलेन भागबन्डा, सन्दीप लामिछाने कालोसूचीमा [२०७९-५-२६]

माओवादी, नेकपा एस, जसपा र कांग्रेसले आफ्नो वास्तविक शक्तिभन्दा बढी सिटमा दाबी गरेका कारण भागबन्डा मिलाउन नसकिएको राष्ट्रिय जनमोर्चाको भनाइ छ।
नेपाल समय
भिडियो समाचार

७५ जिल्ला पुग्यो डेंगु, बिटक्वाइन कारोबारविरुद्ध कडा कानुन [२०७९-५-२०]

सांसदहरूको कार्यकाल लम्ब्याउने गरी ल्याइएको विधेयकप्रति निर्वाचन आयोगको आपत्ति, प्रस्तावले गलत सन्देश प्रवाह हुने भएकाले फिर्ता लिने संकेत।
नेपाल समय
भिडियो समाचार

भदौ २७ देखि डा केसीको अनशन, मन्त्रीमाथि खनिए सिसडोलबासी [२०७९-५-१२]

विद्यालयका कर्मचारीले एक हप्ताको लागि विद्यालय बन्द गर्ने भएका छन्। एक विज्ञप्ति जारी गर्दै पियन–लेखापालले आजबाट १८ गतेसम्म विद्यालय बन्द गर्ने जनाएका छन्।
नेपाल समय
भिडियो समाचार

बालेनले लिए एक्सन, एमालेबाहेकको वाम ध्रुवीकरण; मिटरब्याजीको ससुरालीमा कपाली तमसुक [२०७९-५-६]

नेकपा माओवादी केन्द्र र नेकपा एकीकृत समाजवादी मंसिर ४ मा हुने प्रतिनिधिसभा र प्रदेशसभा चुनावमा एउटै घोषणापत्र बनाएर जान सहमत भएका छन्।
नेपाल समय
भिडियो समाचार

गठबन्धनमा सिट बाँडफाँटका ३ आधार, एमालेलाई लाग्यो चुनाव [२०७९-४-२६]

सत्ता गठबन्धनले ०७४ सालको निर्वाचनमा प्रत्यक्ष र समानुपातिकतर्फ प्राप्त मत, गत स्थानीय तह निर्वाचनमा प्राप्त मत र दलहरुको संवेदनशीलताका आधारमा सिट बाँडफाँड गर्ने भएको छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना