शुक्रबार, असोज २१, २०७९

बढ्यो संक्रमण, सीसीएमसी भन्छ– नियन्त्रणबाहिर गए लकडाउनको विकल्प छैन 

नेपाल समय  |  काठमाडौं, बिहीबार, चैत १२, २०७७

नेपाल समय

नेपाल समय

बिहीबार, चैत १२, २०७७, काठमाडौं

काठमाडौं– नेपालमा केही दिनयता कोरोना भाइरस संक्रमण दर फेरि बढ्न थालेको छ। 

छिमेकी भारतमा संक्रमणको दोस्रो लहर देखिएसँगै नेपालमा पनि खतरा बढेको स्वास्थ्य मन्त्रालयका अधिकारी बताउँछन्।

कोभिड–१९ संकट व्यवस्थापन केन्द्र (सीसीएमसी) ले पनि स्वस्थ्य मन्त्रालयसँग समन्वय गरी दोस्रो चरणको संक्रमण जोखिम नियन्त्रणका लागि तयारी सुरु गरिएको जनाएको छ। 

सीमा नाकादेखि स्थानीय सबै क्षेत्रमा सतर्कता अपनाउन निर्देशन दिइसकेको सीसीएमसीका सदस्यसमेत रहेका प्रधानमन्त्री कार्यालयका सचिव खगराज बरालले जानकारी दिए। 

उनले भने, ‘हामी अहिले लकडाउन गर्ने, उडान बन्द गर्ने र  यातायात बन्द गर्ने सोचमा छैनौं। फैलावट नियन्त्रणबाहिर गयो भने सरकारले अप्रिय निर्णय गर्नुपर्ने हुन्छ। लकडाउन पनि गर्नुपर्ने हुन्छ।’

संक्रमितको संख्या बढ्न थालेपछि स्वास्थ्य मन्त्रालय र गृह मन्त्रालयले विशेष सतर्कता अपनाउन अपिल गरिसकेका छन्। 

स्वास्थ्य मन्त्रालयले आइतबार छिमेकी देशमा केही सातायता कोभिड १९ को संक्रमण बढेको भन्दै सतर्कता अपनाउन अपिल गरेको हो। मन्त्रालयले सभा, सम्मेलन, भेला र भीडभाड नगर्न आग्रह गरेको छ।

गृह मन्त्रालयले पनि भारतमा संक्रमितको संख्या तीव्र गतिमा बढेका कारण सीमा नाकामा सुरक्षा कडा पार्न निर्देशन दिएको छ। 

मन्त्रालयले भारतबाट आउनेलाई अनिवार्य रूपमा क्वारेन्टिनमा राख्ने व्यवस्था मिलाउन भनेको छ।  

यस्तै गृहले मास्क नलगाई हिँडेको पाइए संक्रामक रोग ऐन २०२० अनुसार कारबाही गर्नसमेत प्रहरीलाई निर्देशन दिएको छ। 

गृहको निर्देशनअनुसार विभिन्न जिल्ला प्रशासन कार्यालयले पनि सजगता अपनाउन, स्वास्थ्य मापदण्ड पालना गर्न आग्रह गरिसकेका छन्।

संक्रमितको संख्या बढ्दै जानु र सरकारी निकायबाट जारी निर्देशनले सर्वसाधारणमा फेरि लकडाउन गर्ने तयारी त भएको हैन भन्ने शंका उब्जिन थालेको छ। 

स्वास्थ्य मन्त्रालयका प्रवक्ता प्रा. डा. जागेश्वर गौतम तत्काल लडकाउनको तयारी नभएको बताउँछन्। तर नागरिकले स्वास्थ्य मापदण्डको पालना नगरे लकडाउन हुन पनि सक्ने उनको भनाइ छ। 

एक सातायता भारतमा दैनिक संक्रमणदर चार गुणासम्म बढेको छ। फागुन १७ गते ११ हजार ४६३ जनामा संक्रमण भएको चैत १० गते ४७ हजार २६४ जनामा संक्रमण पुष्टि भएको छ। यस्तै ११ गते ५३ हजार ४७६ जना संक्रमित थपिएका छन्।

नेपालमा चैत १ गते ५३ जनामा संक्रमण देखिएकोमा चैत १० गते एकै दिनमा १८८ जनामा संक्रमण पुष्टि भएको छ। ९ गते १५० जना संक्रमित भेटिएका थिए। १० गते १८८ जना र ११ गते १४५ जना संक्रमित थपिएका छन्।  

शुक्रराज ट्रपिकल तथा सरुवा रोग अस्पतालको तथ्यांकले पनि दिनहुँ संक्रमितको संख्या बढ्दै गएको पुष्टि गर्छ। 

अस्पतालमा एक साताअघिसम्म दैनिक करिब एक सय जनाको परीक्षण गर्दा दुई–चारजना संक्रमित हुन्थे। 

चैत १० गते ७४ जनाको परीक्षण गर्दा १५ जनामा संक्रमण पुष्टि भएको छ। ९ गते सात जना संक्रमित भेटिएका थिए। 

ट्रपिकलका निर्देशक डा. सागरराज भण्डारीका अनुसार संक्रमितको संख्या मात्रै बढेको छैन, फरक खालको कोरोनासमेत देखिएको छ। 

बेलायत, अफ्रिकी मुलुक, ब्राजिललगायतमा देखिएको तीव्र गतिमा फैलिने खालको कोरोना भाइरस पनि नेपालमा भेटिएको उनले जानकारी दिए।  उनी भन्छन्, ‘लक्षण उस्तै हो, तर  पहिलेको भन्दा खतरनाक छ।’ 

उनका अनुसार यसको फैलावट गति तीव्र छ भने चाँडै निमोनिया हुने जोखिम पनि उच्च हुन्छ। लक्षण यसअघिको कोरोना भाइरसको जस्तै छ। 

दुई जनामा कोरोना संक्रमण भएपछि सरकारले एक वर्षअघि नेपालमा लकडाउन गरेको थियो। चैत ११ गते सुरु भएको लकडाउन पटक–पटक गरी चार महिनासम्म लम्बिएको थियो।

नेपालमा हालसम्म कोरोनाबाट दुई लाख ७६ हजार ३९८ जना संक्रमित भएका छन् भने तीन हजार २० जनाको मृत्यु भएको छ। 

स्वास्थ्य मन्त्रालयका अनुसार कोरोना संक्रमण भएर निको हुनेको संख्या दुई लाख ७२ हजार १८७ छ। यस्तै सक्रिय संक्रमितको संख्या एक हजार १८२ छ।

भिडियाे : गिरिप्रसाद भुसाल


प्रकाशित: March 25, 2021 | 06:32:00 काठमाडौं, बिहीबार, चैत १२, २०७७

तपाईं को प्रतिक्रिया

ट्रेंडिंग

युक्रेनका ४ क्षेत्र गाभेको औपचारिक घोषणा गर्दै रुस

युक्रेनका लुहान्स्क, दोनत्स्क, जापोरिज्जिया र केरसन क्षेत्रलाई रुसमा गाभ्ने घोषणा गर्न लागिएको छ। 'क्रेमलिन दरबारमा स्थानीय समयअनुसार दिउँसो ३ बजे ती ४ क्षेत्र रुसमा गाभिएको घोषणा हुनेछ,' क्रेमलिन प्रवक्ता दिमित्री पेस्कोभले भनेका छन्।

पाँच दलको सिट भागबण्डा अन्तिम चरणमा [सूचीसहित]

लामो समयको गृहकार्यपछि धेरैजसो निर्वाचन क्षेत्रको भागबण्डा मिलेको छ तर केहीमा भने किचलो कायमै छ।

सोलुको सकस: कांग्रेस नछाड्ने, माओवादी नमान्ने

२०७४ को चुनावमा जितेकाले आफैंले पाउनुपर्ने माओवादीको अडान छ। यस पटक गठबन्धनले चुनाव लड्ने हुँदा सोलुखुम्बु आफूले पाउनुपर्ने दाबी कांग्रेसले गरिरहेको छ।

समानुपातिक सूची परिवर्तन नभए आफैँ संघर्षमा उत्रने शेखर-गगनको चेतावनी

समान अवसर र न्यायका लागि विरोध र संघर्षका कार्यक्रम गर्दै आएका आफूनिकट नेताहरूसँग छलफल नेता कोइराला र महामन्त्री थापाले यस्तो बताएका हुन्। बत्तिसपुतलीस्थित अनुपम फुडल्यान्डमा असन्तुष्ट नेताहरुसँग उनीहरूले छलफल गरेका हुन्।

भीम रावल पार्टी सम्पर्कमा नआएपछि ओलीको सोधीखोजी

४ मंसिरमा हुने निर्वाचनका लागि एमाले जिल्ला कमिटीले अछाम क्षेत्र–१ बाट रावललाई मात्र सिफारिस गरे पनि पछिल्लो समय पार्टी सम्पर्कमा नआएपछि के भएको हो भनेर बुझ्न सुदूरपश्चिम एमाले नेताहरु पुगे ओली निवास।

सिभिल र हिमालयन मर्ज भएपछि ६ महिनामा 'सिनर्जी' आउँछ : सुनील पोखरेल [अन्तर्वार्ता]

हिमालय बैंक लिगेसी बोकेको पुरानो बैंक हो। हामीसँग साना तथा मझौला प्रकृतिको बिजनेस छ। हिमालयनको ठूला र कर्पोरेट बिजनेस छ। हाम्रा स-साना ग्राहक छन् तर उसका ठूला ग्राहक छन्।

आजदेखि निर्वाचन आचारसंहिता लागु : के गर्न पाइन्छ, के पाइँदैन?

आगामी मंसिर ४ गते हुने प्रदेश तथा प्रतिनिधिसभा निर्वाचनका लागि आचारसंहिता बुधारदेखि लागु गरिएको छ।

अलमुताइरीप्रति कप्तान किरणको अझै गुनासो, भने - व्यक्तिका लागि भन्दा पनि देशका लागि खेल्छौं

नेपाल राष्ट्रिय फुटबल टोलीका कप्तान किरण चेम्जोङले प्रशिक्षक अबदुल्ला अलमुताइरीले आफूलाई टिमबाट निकालेकोमा दुखेसो पोखेका छन्। व्यवसायिक फुटबलका क्रममा भारतमा रहेका किरण बंगलादेशसँगको मैत्रीपूर्ण खेलका लागि नेपाल आएका हुन्।

मोरङ-३ : चुनावमा प्रभाव पार्ने यस्तो छ मेडिकल कलेज कनेक्सन

सुनिल शर्माले आफ्नो नोबेल मेडिकल कलेजमार्फत राजनीतिक प्रभाव बढाएका छन्। निर्वाचन क्षेत्रमा नागरिकको निःशुल्क र कम शुल्कमा उपचारको व्यवस्था मिलाएर उनले मतदाताको प्रभाव बढाएका हुन्। उता राष्ट्रिय प्रजातन्त्र पार्टी (राप्रपा) बाट उम्मेदवार बन्ने तयारीमा रहेकी रेखा थापाले पनि अभियान तीव्र बनाएकी छिन्।

मधेसवादी दलको कमजोरीमा 'जाल' थाप्दै एमाले!

मधेसवादी दलका एजेन्डाहरू पहिलेभन्दा कमजोर बन्दै गएपछि सत्ताको लोभ गर्नेहरू राजनीतिक सुरक्षाका निम्ति एमाले प्रवेश गरिरहेका छन् भने एमालेले पनि मधेसवादी दलको कमजोरीको फाइदा उठाएको राजनीतिक विश्लेषण गरिँदै छ।

थप समाचार

नेपाल समय
भिडियो समाचार

गठबन्धनमा मिलेन भागबन्डा, सन्दीप लामिछाने कालोसूचीमा [२०७९-५-२६]

माओवादी, नेकपा एस, जसपा र कांग्रेसले आफ्नो वास्तविक शक्तिभन्दा बढी सिटमा दाबी गरेका कारण भागबन्डा मिलाउन नसकिएको राष्ट्रिय जनमोर्चाको भनाइ छ।
नेपाल समय
भिडियो समाचार

७५ जिल्ला पुग्यो डेंगु, बिटक्वाइन कारोबारविरुद्ध कडा कानुन [२०७९-५-२०]

सांसदहरूको कार्यकाल लम्ब्याउने गरी ल्याइएको विधेयकप्रति निर्वाचन आयोगको आपत्ति, प्रस्तावले गलत सन्देश प्रवाह हुने भएकाले फिर्ता लिने संकेत।
नेपाल समय
भिडियो समाचार

भदौ २७ देखि डा केसीको अनशन, मन्त्रीमाथि खनिए सिसडोलबासी [२०७९-५-१२]

विद्यालयका कर्मचारीले एक हप्ताको लागि विद्यालय बन्द गर्ने भएका छन्। एक विज्ञप्ति जारी गर्दै पियन–लेखापालले आजबाट १८ गतेसम्म विद्यालय बन्द गर्ने जनाएका छन्।
नेपाल समय
भिडियो समाचार

बालेनले लिए एक्सन, एमालेबाहेकको वाम ध्रुवीकरण; मिटरब्याजीको ससुरालीमा कपाली तमसुक [२०७९-५-६]

नेकपा माओवादी केन्द्र र नेकपा एकीकृत समाजवादी मंसिर ४ मा हुने प्रतिनिधिसभा र प्रदेशसभा चुनावमा एउटै घोषणापत्र बनाएर जान सहमत भएका छन्।
नेपाल समय
भिडियो समाचार

गठबन्धनमा सिट बाँडफाँटका ३ आधार, एमालेलाई लाग्यो चुनाव [२०७९-४-२६]

सत्ता गठबन्धनले ०७४ सालको निर्वाचनमा प्रत्यक्ष र समानुपातिकतर्फ प्राप्त मत, गत स्थानीय तह निर्वाचनमा प्राप्त मत र दलहरुको संवेदनशीलताका आधारमा सिट बाँडफाँड गर्ने भएको छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना