बिहीबार, असोज २०, २०७९

नेपाल ओलम्पिक छनोटको दोस्रो चरणमा प्रवेश

२०२० जापानमा हुने ओलम्पिकका लागि एसियन महिला फुटबल छनोट अन्तर्गत नेपाल दोस्रो चरणमा प्रवेश गरेको छ । समूहको अन्तिम खेलमा बंगलादेशसँग १-१ को बराबरी खेल्दै ओलम्पिक छनोटको दोस्रो चरणमा प्रवेश गरेको हो । 
नेपाल समय  |  काठमाडौं, आइतबार, पुष १६, २०७४

नेपाल समय

नेपाल समय

आइतबार, पुष १६, २०७४, काठमाडौं

फाइल तस्बिर

काठमाडौं- २०२० जापानमा हुने ओलम्पिकका लागि एसियन महिला फुटबल छनोट अन्तर्गत नेपाल दोस्रो चरणमा प्रवेश गरेको छ । समूहको अन्तिम खेलमा बंगलादेशसँग १-१ को बराबरी खेल्दै ओलम्पिक छनोटको दोस्रो चरणमा प्रवेश गरेको हो । 

याङगोनस्थित थुनुवा स्टेडियममा सुरु भएको खेलमा नेपाललाई अग्रता दिलाउन कप्तान निरु थापाले गोल गरेकी थिइन् । उनले खेलको पहिलो हाफको १७ औं मिनेटमा गोल गर्दै नेपाललाई सुरुवाती अग्रता दिलाएकी हुन् । 

तर, दोस्रो हाफको इन्जुरी समयमा बंगलादेशले गोल फर्काउर्दै खेल बराबरीमा ल्याएको हो । बंगलादेशका लागि अखि खातुनले बराबरी गोल फर्काएकी थिइन् । नेपालले समूहको तीन वटै खेल बराबरी खेल्दै ३ अंक जोड्यो । 

आफ्नो छनोटको पहिलो खेलमा भारतसँग १-१ को बराबरी खेलेको नेपालले दोस्रो खेलमा पनि आयोजक म्यानमारसँग १-१ को बराबरी खेलेको थियो । नेपाल अंक तालिकाको तेस्रो स्थानमा छ । 

समूहमा भारत र म्यानमारको खेल भने केहिबेरमा हुनेछ । यस खेलको नतिजाले नेपालको स्थान परिवर्तन नहुने भएपनि नेपाल उत्कृष्ट २ तेस्रो स्थानको टोलीमा पर्दै छनोट भएको हो । 

नेपालले ओलम्पिक छनोटको पहिलो सहभागितामै दोस्रो चरणमा स्थान बनाउन सफल भएको हो । समूहको शीर्ष २ टोली र तेस्रो हुने उत्कृष्ट २ टोली अर्को चरणमा पुग्ने प्रावधान छ । 

यसका अनुसार नेपाल समूह विजेता वा उपविजेता नबनेपनि उत्कृष्ट दुई तेस्रो टोलीको हिसाबले दोस्रो चरणमा पुग्ने भएको हो । भारत र म्यानमार पनि समूहमा शीर्ष दुई टोलीमा पर्दै छनोट भएका हुन् । 
 

प्रकाशित: December 31, 2017 | 18:23:00 काठमाडौं, आइतबार, पुष १६, २०७४

तपाईं को प्रतिक्रिया

ट्रेंडिंग

युक्रेनका ४ क्षेत्र गाभेको औपचारिक घोषणा गर्दै रुस

युक्रेनका लुहान्स्क, दोनत्स्क, जापोरिज्जिया र केरसन क्षेत्रलाई रुसमा गाभ्ने घोषणा गर्न लागिएको छ। 'क्रेमलिन दरबारमा स्थानीय समयअनुसार दिउँसो ३ बजे ती ४ क्षेत्र रुसमा गाभिएको घोषणा हुनेछ,' क्रेमलिन प्रवक्ता दिमित्री पेस्कोभले भनेका छन्।

पाँच दलको सिट भागबण्डा अन्तिम चरणमा [सूचीसहित]

लामो समयको गृहकार्यपछि धेरैजसो निर्वाचन क्षेत्रको भागबण्डा मिलेको छ तर केहीमा भने किचलो कायमै छ।

सोलुको सकस: कांग्रेस नछाड्ने, माओवादी नमान्ने

२०७४ को चुनावमा जितेकाले आफैंले पाउनुपर्ने माओवादीको अडान छ। यस पटक गठबन्धनले चुनाव लड्ने हुँदा सोलुखुम्बु आफूले पाउनुपर्ने दाबी कांग्रेसले गरिरहेको छ।

समानुपातिक सूची परिवर्तन नभए आफैँ संघर्षमा उत्रने शेखर-गगनको चेतावनी

समान अवसर र न्यायका लागि विरोध र संघर्षका कार्यक्रम गर्दै आएका आफूनिकट नेताहरूसँग छलफल नेता कोइराला र महामन्त्री थापाले यस्तो बताएका हुन्। बत्तिसपुतलीस्थित अनुपम फुडल्यान्डमा असन्तुष्ट नेताहरुसँग उनीहरूले छलफल गरेका हुन्।

भीम रावल पार्टी सम्पर्कमा नआएपछि ओलीको सोधीखोजी

४ मंसिरमा हुने निर्वाचनका लागि एमाले जिल्ला कमिटीले अछाम क्षेत्र–१ बाट रावललाई मात्र सिफारिस गरे पनि पछिल्लो समय पार्टी सम्पर्कमा नआएपछि के भएको हो भनेर बुझ्न सुदूरपश्चिम एमाले नेताहरु पुगे ओली निवास।

सिभिल र हिमालयन मर्ज भएपछि ६ महिनामा 'सिनर्जी' आउँछ : सुनील पोखरेल [अन्तर्वार्ता]

हिमालय बैंक लिगेसी बोकेको पुरानो बैंक हो। हामीसँग साना तथा मझौला प्रकृतिको बिजनेस छ। हिमालयनको ठूला र कर्पोरेट बिजनेस छ। हाम्रा स-साना ग्राहक छन् तर उसका ठूला ग्राहक छन्।

आजदेखि निर्वाचन आचारसंहिता लागु : के गर्न पाइन्छ, के पाइँदैन?

आगामी मंसिर ४ गते हुने प्रदेश तथा प्रतिनिधिसभा निर्वाचनका लागि आचारसंहिता बुधारदेखि लागु गरिएको छ।

अलमुताइरीप्रति कप्तान किरणको अझै गुनासो, भने - व्यक्तिका लागि भन्दा पनि देशका लागि खेल्छौं

नेपाल राष्ट्रिय फुटबल टोलीका कप्तान किरण चेम्जोङले प्रशिक्षक अबदुल्ला अलमुताइरीले आफूलाई टिमबाट निकालेकोमा दुखेसो पोखेका छन्। व्यवसायिक फुटबलका क्रममा भारतमा रहेका किरण बंगलादेशसँगको मैत्रीपूर्ण खेलका लागि नेपाल आएका हुन्।

मोरङ-३ : चुनावमा प्रभाव पार्ने यस्तो छ मेडिकल कलेज कनेक्सन

सुनिल शर्माले आफ्नो नोबेल मेडिकल कलेजमार्फत राजनीतिक प्रभाव बढाएका छन्। निर्वाचन क्षेत्रमा नागरिकको निःशुल्क र कम शुल्कमा उपचारको व्यवस्था मिलाएर उनले मतदाताको प्रभाव बढाएका हुन्। उता राष्ट्रिय प्रजातन्त्र पार्टी (राप्रपा) बाट उम्मेदवार बन्ने तयारीमा रहेकी रेखा थापाले पनि अभियान तीव्र बनाएकी छिन्।

मधेसवादी दलको कमजोरीमा 'जाल' थाप्दै एमाले!

मधेसवादी दलका एजेन्डाहरू पहिलेभन्दा कमजोर बन्दै गएपछि सत्ताको लोभ गर्नेहरू राजनीतिक सुरक्षाका निम्ति एमाले प्रवेश गरिरहेका छन् भने एमालेले पनि मधेसवादी दलको कमजोरीको फाइदा उठाएको राजनीतिक विश्लेषण गरिँदै छ।

थप समाचार

नेपाल समय
खेलकुद

पोखरामा राष्ट्रिय खेलकुदको त्यस्तो जोश र उत्साह कहाँ हरायो?

खेम बहादुर गुरुङ २०४० सालको दोस्रो राष्ट्रिय खेलकुदमा स्वयंसेवक समितिको संयोजक र पूर्वाधार समितिको सदस्य थिए। त्यतिबेला अल्लारे भए पनि अञ्‍चलाधीश नरेन्द्र कुमार चौधरीका नजिकका पात्र भएकाले थप जिम्मेवारी पनि पाएका थिए।
नेपाल समय
खेलकुद

खेलकुद पत्रकार मञ्‍च र कोरिया स्पोर्टस् प्रेसबीच सम्झौतापत्रमा हस्ताक्षर

नेपाल खेलकुद पत्रकार मञ्‍च (एनएसजेएफ) र कोरिया स्पोर्टस प्रेस युनियन (केएसपीयू ) बीच खेलकुद पत्रकारिताको विकास र खेलकुद पत्रकारहरुको क्षमता अभिवृद्धि गर्नेसम्बन्धी सम्झौतापत्रमा हस्ताक्षर भएको छ।
नेपाल समय
खेलकुद

एएफसी यू-१७ : थाइल्याण्डसँग नेपाल पराजित

एएफसी यू-१७ एसियन कप छनोटको पहिलो खेलमा नेपालले हार व्यहोरेको छ।
नेपाल समय
फुटबल

च्याम्पियन्स लिग : लिभरपुलको जित, इन्टरसँग बार्सिलोना पराजित

एनफिल्ड रंगशालामा सम्पन्न खेलमा प्रिमियर क्लब लिभपरपुलले पाहुना टिम रेन्जर्सविरुद्ध २–० को जित निकालेको हो।
नेपाल समय
खेलकुद

एसियाली खेलकुद पत्रकार महासंघ कोषाध्यक्षमा राजवंशीको ह्याट्रिक

प्रतिद्वन्द्वी मंगोलियाका चुल्तेन ओड्गोनबाटार साटोले अन्तिम समय नाम फिर्ता लिएपछि राजवंशी निर्विरोध भएका हुन्।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना