बुधबार, माघ २५, २०७९
नेपाल समय
कंगो मिसन-३

कंगोमा कुटाइ खाएका नमराजको बयानः सेनाका क्याप्टेनहरूले मलाई फुटबल बनाएर हाने

अनिल यादव  |  काठमाडौं, शुक्रबार, असोज १, २०७८
अनिल यादव

अनिल यादव

काठमाडौं, शुक्रबार, असोज १, २०७८

काठमाडौं- कंगोमा नेपाली सेनाका अमल्दार नमराज माझीमाथि ०७७ असोज ८ गते भएको निर्घात कुटपिटको खबर फोटोसहित भाइरल भयो। यो घटनाले त्यतिबेला कंगोदेखि नेपालको सैनिक मुख्यालयसम्म तरंग पैदा त गरेको थियो नै, सँगसँगै मिडियामा पनि राम्रै स्थान पाएको थियो। 

'कंगो मिसन' शृंखलाको पहिलोदोस्रो भागमा हामीले आर्थिक अनियमितताको पाटोबारे चर्चा गर्‍यौं। माझी कुटपिट प्रकरणको एक साता नबित्दै असोज १२ गते कान्तिपुर टिभीले त्यहाँ भएको औषधि खरिद र इन्धन अनियमितताबारे समाचार प्रसारण गरेको थियो। 

यो समाचार प्रसारण भएपछि सेनाभित्र त्यसले कस्तो हलचल मच्चायो, अनियमितताको खबर मिडियासम्म पुर्‍याएको अभियोग लगाएर कसरी दुई सह-सेनानी राजेन्द्र सिम्खडा र कुमार गुरुङलाई बर्खास्त गरियो, हामीले त्यसबारे चर्चा गरिसक्यौं। 

यो पटक हामी ती अमल्दार नमराज माझीको बयान प्रस्तुत गर्दैछौं, जसलाई कंगोमा त्यतिबेला राति साढे १० बजेको समयमा सैनिक अधिकृतहरू इन्द्रबहादुर थापा, सुवास हुमागाईं र योगेन्द्र धितालले पाइपको लठ्ठी प्रयोग गरेर निर्मम कुटपिट गरेका थिए। कुटपिटको तस्बिर मिडियामा भाइरल नै भएको थियो। 

त्यसपछि सैनिक मुख्यालयले प्रमुख सेनानी क्षेत्रबहादुर मल्लको अध्यक्षतामा प्रमुख सेनानी निर्मल कुमार श्रेष्ठ र सह सेनानी डा. सुमन न्यौपाने सदस्य रहेको कोर्ट अफ इन्क्वायरी गठन गरेको थियो। 

'फेरि पनि मलाई हान्न आउँदा मैले हात खडा गरी 'सर! मेरो गल्ती भए सजाय दिनुस्, यसरी नकुट्नुस्' भन्दा पनि 'तँ बढी बोलिस्' भनेर मलाई सहसेनानी (क्याप्टेन) इन्द्रबहादुर थापा र सहसेनानी सुबास हुमागाई (क्याप्टेन)ले फुटबल खेलेजस्तो गरी हान्नुभयो।'

इन्क्वायरीले त्यतिबेला के-कस्तो राय दिएको थियो? रायका आधारमा समरी जनरल सैनिक अदालतले के-कस्तो फैसला गर्‍यो? कसरी कुटपिट गर्ने अधिकृतलाई सामान्य सजाय दिएर उन्मुक्ति दिइयो तर सूचना चुहाएको आरोपमा एक सिपाही सुजन पौडेललाई भने कडा सजाय दिइयो? यसबारे विस्तृत चर्चा हामी अर्को शृंखलामा गर्नेछौं। 

हामीलाई प्राप्त भएका ती प्रकरणसँग सम्बन्धित फाइल अध्ययन गर्दा कंगोमा नमराजले मात्रै होइन, अरु सैनिकले पनि कुटाइ खाएको रहस्य खुलाउँछ। तर, मिडियामा त्यतिबेलाको नमराजको मात्रै चर्चा भयो। यी विविध पाटोबारे अर्को शृंखलामा चर्चा गर्नुअघि यो पटक अहिलेसम्म सार्वजनिक हुन नसकेको नमराज माझीको बयान प्रस्तुत गर्दैछौँ। 

नमराज कुटपिटको घटनाका एक साक्षी भन्छन्, 'कुटपिट गर्ने अधिकृतहरुको मिलेमतोमा कोर्ट अफ इन्क्वायरीदेखि तत्कालीन गणपति शैलेन्द्र कोइरालासम्मले त्यतिबेला माझीलाई जागिर खाइदिने धम्की दिएर कुटपिट प्रकरणबारे थप नबोल्न बाध्य पारेका थिए।' तैपनि मिडियामा निलडामसहितको तस्बिर सार्वजनिक भएपछि सत्य लुक्न सकेन। यद्यपि नमराज आफैँले कुटपिटबारे आजसम्म केही बोलेका छैनन्, बोल्न पाएका छैनन्।

तर, त्यतिबेला गठन भएको कोर्ट अफ इन्क्वायरीले उनीसँग लिएको बयानको सार हामीलाई प्राप्त भएको छ। 

नमराज माझीको बयान जस्ताको त्यस्तैः 

असोज ८ गतेको ६ बजे खाना खाए पश्चात् बेडमा एकछिन आराम गरेँ। दिनभर गरेको कामले थकावट महसुस भई कसैलाई पनि थाहा नदिई साँझ ८ बजेतिर मैले एक प्याक रक्सी खाई बेडमा सुतेको थिएँ। म निदाइसकेको रहेछु। 

मलाई १०:३० बजे पिसाब लागेर उठी शौचालय जाने क्रममा बाटोमा सहसेनानी सरले कहाँ जान लागेको यता आइज भनेर भन्नुभयो। म पिसाब फेर्न आएको हो भनेँ। तत् पश्चात 'बेन पोजिसन'मा जा भन्नुभयो र म बेन पोजिसनमा गएँ। 


एक्कासी पाइपको लाठीले ममाथि ४/५ पटक हिर्काउनुभयो। म केही पनि बोलिनँ। फेरि पनि मलाई हान्न आउँदा मैले हात खडा गरी 'सर! मेरो गल्ती भए सजाय दिनुस्, यसरी नकुट्नुस्' भन्दा पनि 'तँ बढी बोलिस्' भनेर मलाई सहसेनानी (क्याप्टेन) इन्द्रबहादुर थापा र सहसेनानी सुबास हुमागाई (क्याप्टेन)ले फुटबल खेलेजस्तो गरी हान्नुभयो। 

एक जना सरले पाइपले र एक जनाले खुट्टाले हान्नुभयो र यो धेरै बोल्यो भनी सहसेनानी योगेन्द्र धिताल सरले फेरि हान्नुभयो। फेरि पुनः ममाथि हान्दै जानुभयो। मैले कुनै पनि जवाफ नदिई सहिरहेँ। कुनै पनि सरहरुमाथि बोली फिर्ता पनि गरिनँ र हातपात पनि गरिनँ। त्यतिखेरसम्म पनि सहेर बसिरहेँ। 

फेरि सहसेनानी इन्द्र बहादुर थापाले सैनिक प्रहरीको कुटाइ कस्तो हुन्छ भनेर अमल्दार विक्रम गाहालाई भन्नुभयो। अमल्दार विक्रम गाहाले पाइपले हान्नुभयो। त्यसपछि मैले केही पनि थाहा पाइनँ। सोही दिनको ११:१५ बजे साथीहरुले मलाई लाइनमा लगी सुताउनुभएको रहेछ। असोज ९ गतेको बिहान अमल्दार पराजित सिंह लोथ्यालले मलाई बोकेर मेडिकल लगि हाल मेरो स्वास्थ्यको उपचार भइरहेको छ। 

(यो घटनामा अरु क-कसले कुटाइ खाएका थिए? कसरी कुटपिट गर्ने अधिकृतलाई सामान्य सजाय दिएर उन्मुक्ति दिइयो तर सूचना चुहाउने एक सिपाहीलाई भने यातनासहित निर्मम सजाय नै दिइयो? त्यसबारे विस्तृत चर्चा हामी अर्को शृंखलामा गर्दैछौं। नेपाल समय हेर्दै गर्नुहोला।)

कंगो मिसन-२ : अनियमितताबारे हुनुपर्ने सेनाको अनुसन्धान किन मोडियो सूचनाको स्रोततिर?


कंगो मिसनमा आर्थिक अनियमितताको खबर आउनुभन्दा केही दिनअघि अर्थात् असोज ८ गतेतिर अमल्दार नवराज माझीमाथि निर्घात कुटपिट भएको खबर निलडामसहितको तस्बिरसहित मिडियामा प्रकाशित भएको थियो। त्यतिबेला सैनिक अधिकृतहरू इन्द्र थापा, सुवास हुमागाईं र योगेन्द्र धितालले  अमल्दार माझीलाई राती १० बजेको समयमा मादक पदार्थ सेवन गरेर उनी सुत्ने स्थलमै पुगेर कुटपिट गरेको खबरले कंगोदेखि जंगी अड्डासम्म तातेको थियो। 

कंगो मिसन-१ : कान्तिपुर टिभीको त्यो समाचार जसकारण दुई सैनिक अधिकृतले जागिर गुमाए


नेपाली सेनाभित्रको आर्थिक अनियमितताको खबर मिडियामा पुर्‍याउन सहयोग गरेको अभियोगमा दुई जना सह-सेनानी जागिरबाट निकालिएको रहस्य बाहिर आएको छ। कोर्ट मार्सलमार्फत सेनाभित्रको आन्तरिक सूचना मिडियामा चुहाएको ठहर गर्दै भवानीदल गणमा कार्यरत सह-सेनानीद्वय राजेन्द्र सिम्खडा र कुमार गुरुङलाई जागिरबाट बर्खास्त गरिएको एउटा 'गुपचुप' घटना नेपाल समयलाई प्राप्त भएको छ।... 

तपाईं को प्रतिक्रिया

तपाईं को प्रतिक्रिया

ट्रेंडिंग

अनाथालय प्रमुख नै बलात्कारी !

बालिका बलात्कारको आरोपमा चन्द गत माघ १७ गते अनाथालयबाटै पक्राउ परेका हुन्।

सरकारबाट बाहिरिएका रास्वपाका मन्त्रीले किन गरेनन् पत्रकार सम्मेलन?

राष्ट्रिय स्वतन्त्र पार्टी (रास्वपा) आइतबार नै सरकारबाट बाहिरिसकेको छ।

संसद् भवन अगाडि भिख माग्दै बालिका

अकासेपुलमा भिख माग्नका लागि राखिएकी एक अबोध बालिका

मिडियामाथि आक्रोशित रविले जे बोले…

आइतबार सरकारमा रहने वा बस्ने विषयमा भएको छलफलमा पार्टीले सरकारबाट बाहिरिने निर्णय गरेको छ। सरकारबाट बाहिरिने निर्णय सुनाउँदै पत्रकार सम्मेलन गरेका रविले भने सबै झोंक मिडियामाथि पोखेका छन्।

आउने चुनावमा बहुमत ल्याएर प्रधानमन्त्री हुन्छु: रवि

राष्ट्रिय स्वतन्त्र पार्टीका सभापति रवि लामिछानेले आगामी चुनावमा आफ्नो पार्टीले बहुमत ल्याउने र आफू प्रधानमन्त्री हुने उद्घोष गरेका छन्

नारायणकाजीसँग मन्त्रालय साटफेरको चर्चा, मान्लान् रवि?

राष्ट्रिय स्वतन्त्र पार्टी सरकारमा रहने कि बाहिरिने चर्चा चलिरहेको समयमा सत्ता गठबन्धन दलभित्र पार्टी सभापति रवि लामिछानेलाई भौतिक पूर्वाधार मन्त्रालय दिएर मनाउने तयारी भएको बताइएको छ।

फ्यानको मायाले रोइन् ‘पठान’की दीपिका

फिल्म सफल भएपछि निर्माता तथा कलाकार उत्साहित छन्।

रास्वपालाई गृह मन्त्रालय फिर्ता दिने प्रधानमन्त्री प्रचण्डको संकेत

पार्टी मुख्यालय पेरिसडाँडामा बसेको स्थायी कमिटी बैठकबाट बाहिरिने क्रममा प्रधानमन्त्री प्रचण्डले रास्वपाले उठाएको विषय समाधान हुने बताएर गृह मन्त्रालय फिर्ता दिने संकेत गरेका हुन्।

दलका कार्यकर्ता प्राज्ञ भएपछि योग्य कलाकारले कहिले पाउने अवसर?

राजनीतिमा चासो नदिने स्रष्टाप्रति राज्यले दायित्व बिर्सिंदा सहरमा कलाकार डिप्रेसनबाट गुज्रिनुपरेको र गाउँमा हराउनुपरेको वा खाडी मुलुक पलायन हुनुपर्ने अवस्था छ। कला र गलाका लागि सिर्जिएका चलचित्र विकास बोर्ड, प्रज्ञा प्रतिष्ठानलगायतका संस्था राजनीतिमय भएपछि स्रष्टाहरू ओझेल पर्दै छन्।

तत्काल पानी पर्ने सम्भावना छैन, आज काठमाडौंको तापक्रम कति?

देशैभर तत्काल पानी पर्ने सम्भावना नरहेको जल तथा मौसम पूर्वानुमान महाशाखाले जनाएको छ।

थप समाचार

नेपाल समय
श्रृंखला

पेन्सनपट्टासँगै विगत बन्यो सैनिक हिरासतमा मैले पाएको यातनाको कथा [भिडियोसहित]

नेपाल समयले उनका विषयमा ‘गनले अन्याय, गनले न्याय’ शीर्षकमा श्रृंखलाबद्ध रिपोर्टिङ गरेको थियो। लवकुमार गुरुङले जागिर छाडेपछि हाम्रा सहकर्मी अनिल यादवसँग सुनाएको आफ्नो यातनाको कथा जस्ताको तस्तैः
नेपाल समय
श्रृंखला

...अनि युट्युबबाट 'पतन' भए भाग्य न्यौपाने

आफू चर्चामा आउन युट्युबलाई जथाभावी प्रयोग गर्दा कसरी एउटा उदाएको युट्युबर पतन हुन्छ? भाग्य यतिखेर युट्युब वृत्तमा यसकै एउटा उदाहरण बन्न पुगेका छन्।
नेपाल समय
श्रृंखला

साथी कुटिएको खबर दिँदा जेल परेका सिपाहीको मुद्दा पेसीमा, होला त पुनर्बहाली?

धेरैको अपेक्षा थियो- अदालतले कुटपिट गर्ने अधिकृतलाई निर्मम सजाय देला, पीडित अमल्दार र सिपाहीहरुलाई न्याय होला। तर, फैसला अनपेक्षित निस्कियो।
नेपाल समय
श्रृंखला

यी युट्युबर, जो प्र्यांकको बहानामा हिंसा गरिरहेका छन्

‘न्यू नेपाली प्र्यांक भिडियो’ भन्दै भिडियो सेयरिङ वेबसाइट युट्युबमा यतिबेला अश्लील, भद्दा र आपत्तिजनक दृश्य र संवाद समावेश भएका भिडियो छ्याप्छ्याप्ती भेटिन्छन्। र, यस्तै भिडियोहरु उत्पादन गरेर युट्युब र टिकटकमा भाइरल भइरहेको नाम हो, कपिल मगर।
नेपाल समय
श्रृंखला

माओवादीबाट समायोजित सैनिक पुनको 'बयान' : तँ जंगली भन्दै यातना दिए

‘तैँले बाहिर बेचेको हो भनेर स्वीकारिस् भने तेरो जागिर मात्रै जान्छ, अरु केही सजाय हुँदैन, हामी मिलाउँछौँ। नत्र तँ यहीँ सड्छस्, तेरो मिसनको पैसा पनि केही आउँदैन’ भन्दै धम्क्याए। म स्वीकार्न बाध्य भएँ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com

विज्ञापनको लागी

Charu shrestha 9841428229 Yubaraj Khatiwada 9801146990
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना