मंगलबार, माघ २४, २०७९

लखन थापा अन्तर्राष्ट्रिय फुटबल रंगशाला तीन वर्षदेखि अलपत्र

नेपाल समय  |  काठमाडौं, बिहीबार, मंसिर २२, २०७९

नेपाल समय

नेपाल समय

बिहीबार, मंसिर २२, २०७९, काठमाडौं

नेपाल समय

गुल्मी- गुल्मीमा निर्माण गर्न थालिएको लखन थापा अन्तर्राष्ट्रिय फुटबल रंगशाला विगत ३ वर्षदेखि अलपत्र परेको छ। जिल्लाको इस्मा गाउँपालिका–६ अम्मरपुर बुल्मचौरमा निर्माण गर्न लागिएको रंगशालाको पहिलो चरणको काम विक्रम संवत् २०७६ चैतमा सम्पन्न भए पनि दोस्रो चरणको काम सुरू हुन सकेको छैन। 

राष्ट्रिय खेलकुद परिषद्मार्फत ठेक्का भई पहिलो चरणमा माटो काट्ने, भर्ने, पर्खाल निर्माण र दुबो रोप्ने काम २ करोड ८० लाख रुपैयाँमा सम्पन्न भएको निर्माणको जिम्मा पाएको सुनकोसी अभियान जेभी काठमाडौंका इन्जिनीयर पृथ्वीबहादुर शाहीले जानकारी दिए। बुल्मचौरलाई १०५ मिटर लम्बाइ र ६८ मिटर चौडाइले रंगशालाको रूप दिएको छ। दोस्रो चरणमा १ करोड ५० लाख रुपैयाँ लागतमा भवन, प्यारापिट निर्माण, रंगशाला वरपर नाली बनाउने र कार्यालयका लागि छुट्टै भवन बनाउने भने पनि यसको सम्झौता अझै नभएको इन्जिनीयर शाहीले बताए।

पहिलो चरणमा गरिएका काम भत्किँदै जाने र दोस्रो चरणको काम समयमै शुरू नहुने कारणले गर्दा रंगशाला निर्माण हुने स्थानका स्थानीय वासिन्दा चिन्तित बन्न थालेका छन्। रंगशाला बन्ने आशा हराउँदै गएकाले आफूहरूको गौचरन र रातो माटो बिक्री गरेर जीविका चलाउने बाटो पनि हराएको स्थानीय वासिन्दाले गुनासो गरेका छन्। 

स्थानीय ओमबहादुर कुमालले ३ वर्षदेखि रंगशाला अलपत्र पर्दा पनि कसैको ध्यान नपुगेको बताए। ‘राम्रै चौर थियो गाईभैंसी चराउन भएकै थियो, दशैंमा रातो माटो बेचेर वर्षभरको घर खर्च चल्थ्यो,’ ६६ वर्षीय ओमबहादुर भन्छन्, ‘रंगशाला बन्दा खुशी भए पनि अहिले काम अघि नबढ्दा दुःखी छौं।’

सोही स्थानका बेदुमाया कुमाल पनि रंगशाला नबन्ने पिरलोमा छन्। रंगशाला बनेमा घर–घडेरी बिक्री भएर आर्थिक आम्दानी हुने आशा बिस्तारै निराशामा परिणत भएको उनले बताए। सोही स्थानका कृष्णबहादुर कुमाल पनि विकास हुनु सबैका लागि राम्रो भए पनि हुँदाहुँदैको चौरलाई रंगशालाको नाममा त्यसै छोड्न नहुने बताउँछन्।

राज्यको लगानी बालुवामा पानीसरह भएको बुल्मचौरका अर्का स्थानीय रुद्रबहादुर कुमालले बताए। ‘सरकारले लगानी गरेपछि त रेखदेख गर्ने व्यक्ति हुनुपर्ने हो,’ उनी भन्छन्, ‘बेवारिसे अवस्थामा रंगशाला हुँदा भएको संरचना पनि भत्किन थाले।’ रंगशाला निर्माण सम्पन्न भइसक्दा १ अर्ब ५० करोड खर्च हुने अनुमान गरिएको थियो। १५ हजार दर्शक क्षमताको अन्तर्राष्ट्रिय रंगशाला बन्ने गरी चरण–चरणमा काम शुरू भएको हो।

रंगशाला बनेमा प्रत्यक्ष लाभ लिने बुल्मचौरका ३२५ घरपरिवार यतिबेला निराश अवस्थामा रहेको इस्मा–६ अम्मरपुरका वडाध्यक्ष ढालबहादुर कुँवरले बताए। यस क्षेत्रमा कुमाल समुदायको बाहुल्यता छ।

जिल्ला खेलकुद विकास समिति गुल्मीका कार्यालय प्रमुख डिल्ली विकले राष्ट्रिय खेलकुद परिषद्मार्फत सिधै ठेक्का भई काम अगाडि बढेकाले आफूहरूले केही गर्न नमिल्ने बताए। आफ्नो मातहतमा नभए पनि समय–समयमा रंगशालाको रेखदेख गर्ने गरेको उनले बताए।

राष्ट्रिय खेलकुद परिषद्ले गाउँपालिकासँग समन्वय नगरिकन रंगशालाको काम अगाडि बढाएकाले अहिलेसम्म आफ्नो मातहतमा काम गर्न नमिल्ने गाउँपालिका अध्यक्ष भगतसिंह खड्काले बताए। आफू निर्वाचित भएर आएपछि बुझ्दा अब रंगशालामा बजेट नआउने भएकाले रंगशाला गाउँपालिकालाई हस्तान्तरण गर्न सम्बन्धित निकायमा माग गरेको पनि अध्यक्ष खड्काले जानकारी दिए।  -रासस


प्रकाशित: December 8, 2022 | 20:30:00 काठमाडौं, बिहीबार, मंसिर २२, २०७९

तपाईं को प्रतिक्रिया

ट्रेंडिंग

अनाथालय प्रमुख नै बलात्कारी !

बालिका बलात्कारको आरोपमा चन्द गत माघ १७ गते अनाथालयबाटै पक्राउ परेका हुन्।

सरकारबाट बाहिरिएका रास्वपाका मन्त्रीले किन गरेनन् पत्रकार सम्मेलन?

राष्ट्रिय स्वतन्त्र पार्टी (रास्वपा) आइतबार नै सरकारबाट बाहिरिसकेको छ।

संसद् भवन अगाडि भिख माग्दै बालिका

अकासेपुलमा भिख माग्नका लागि राखिएकी एक अबोध बालिका

मिडियामाथि आक्रोशित रविले जे बोले…

आइतबार सरकारमा रहने वा बस्ने विषयमा भएको छलफलमा पार्टीले सरकारबाट बाहिरिने निर्णय गरेको छ। सरकारबाट बाहिरिने निर्णय सुनाउँदै पत्रकार सम्मेलन गरेका रविले भने सबै झोंक मिडियामाथि पोखेका छन्।

आउने चुनावमा बहुमत ल्याएर प्रधानमन्त्री हुन्छु: रवि

राष्ट्रिय स्वतन्त्र पार्टीका सभापति रवि लामिछानेले आगामी चुनावमा आफ्नो पार्टीले बहुमत ल्याउने र आफू प्रधानमन्त्री हुने उद्घोष गरेका छन्

नारायणकाजीसँग मन्त्रालय साटफेरको चर्चा, मान्लान् रवि?

राष्ट्रिय स्वतन्त्र पार्टी सरकारमा रहने कि बाहिरिने चर्चा चलिरहेको समयमा सत्ता गठबन्धन दलभित्र पार्टी सभापति रवि लामिछानेलाई भौतिक पूर्वाधार मन्त्रालय दिएर मनाउने तयारी भएको बताइएको छ।

फ्यानको मायाले रोइन् ‘पठान’की दीपिका

फिल्म सफल भएपछि निर्माता तथा कलाकार उत्साहित छन्।

रास्वपालाई गृह मन्त्रालय फिर्ता दिने प्रधानमन्त्री प्रचण्डको संकेत

पार्टी मुख्यालय पेरिसडाँडामा बसेको स्थायी कमिटी बैठकबाट बाहिरिने क्रममा प्रधानमन्त्री प्रचण्डले रास्वपाले उठाएको विषय समाधान हुने बताएर गृह मन्त्रालय फिर्ता दिने संकेत गरेका हुन्।

दलका कार्यकर्ता प्राज्ञ भएपछि योग्य कलाकारले कहिले पाउने अवसर?

राजनीतिमा चासो नदिने स्रष्टाप्रति राज्यले दायित्व बिर्सिंदा सहरमा कलाकार डिप्रेसनबाट गुज्रिनुपरेको र गाउँमा हराउनुपरेको वा खाडी मुलुक पलायन हुनुपर्ने अवस्था छ। कला र गलाका लागि सिर्जिएका चलचित्र विकास बोर्ड, प्रज्ञा प्रतिष्ठानलगायतका संस्था राजनीतिमय भएपछि स्रष्टाहरू ओझेल पर्दै छन्।

तत्काल पानी पर्ने सम्भावना छैन, आज काठमाडौंको तापक्रम कति?

देशैभर तत्काल पानी पर्ने सम्भावना नरहेको जल तथा मौसम पूर्वानुमान महाशाखाले जनाएको छ।

थप समाचार

नेपाल समय
समाज

आमसञ्चार कानुनलाई छिट्टै मूर्त रुप दिइनेछ: मन्त्री शर्मा

आमसञ्चार प्रतिष्ठान, जेष्ठ पत्रकार सम्मान वृत्ति, मिडिया काउन्सिल विधेयकलगायत सञ्चारक्षेत्रको नीतिगत सुधारका लागि महासङ्घले दिएको सुझावका आधारमा निर्माण हुनुपर्नेमा उनको भनाइ थियो।
नेपाल समय
समाज

शहिदनगरका पूर्वमेयर र उपमेयरसहित १२ जनाविरुद्ध भ्रष्टाचार मुद्दा

नगरपालिकाले आव २०७४/७५ का लागि वडा नम्बर ८ स्थित बिसरभोरा नहरदेखि गोठ कोयलपुरसीसम्म कृषि सडक निर्माण गर्दा फर्जी कागजात बनाएर फिल्डमा भएको भन्दा बढी उल्लेख गरी रकम हिनामिना गरेको कसुरमा अख्तियारमा उजुरी परेको थियो।
नेपाल समय
समाज

सौन्दर्य प्रतियोगिताको नाममा यौन शोषण गर्ने पाण्डेलाई सात वर्ष कैद

मानव बेचविखनविरुद्धको कसुरमा जैसीलाई सात वर्ष कैद र ७५ हजार रुपैयाँ क्षतिपूर्ति तिराउने र एक हजार तीन सय रुपैयाँ पीडित राहत कोषमा जम्मा गर्नुपर्ने फैसला भएको छ।
नेपाल समय
समाज

इन्टरनेटमार्फत दुर्व्यवहारमा त परिरहेका छैनन् तपाईंका बालबालिका?

इन्टरनेटको नेपालमा पहुँच शून्यप्राय: भएको समयमा समेत त्यसको दुरुपयोग गरी बालकलाई दुर्व्यवहार भएको घटना भएको २४ वर्ष बितिसकेको छ। आज नेपालमा इन्टरनेट सुलभ भएपछि त्यस्तो दुर्व्यवहार थप वृद्धि भएको तथ्य एक अध्ययनले देखाएको छ।
नेपाल समय
समाज

रातो कार्पेटमा उपप्रमुखले विद्यार्थीबाट लिइन् सलामी

धनगढी उपमहानगरपालिकामा आयोजित राष्ट्रपति रनिङ शिल्ड प्रतियोगिताको उद्घाटन उपप्रमुख कन्दकला रानाले गरेकी छन्।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com

विज्ञापनको लागी

Charu shrestha 9841428229 Yubaraj Khatiwada 9801146990
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना