सोमबार, असोज १०, २०७९

काठमाडौंमा यस्तो हत्याकाण्ड, जसको ‘कनेक्सन’ भारत–पाक गिरोहसँग जोडिन्छ

काशीराम बजगाई  |  काठमाडौं, मंगलबार, असोज ४, २०७९

काशीराम बजगाई

काशीराम बजगाई

मंगलबार, असोज ४, २०७९, काठमाडौं

नेपाल समय

काठमाडौं– सोमबार बेलुकी ६ बजेर ३२ मिनेट जाँदा काठमाडौंस्थित कागेश्वरी–मनोहरा नगरपालिका–८ गोठाटारमा दिनदहाडै गोली चल्यो। गोली लागेर काठमाडौं जम्बुडाँडामा गार्मेन्ट व्यवसाय गर्ने सर्लाही गोडैता नगरपालिका–१० का लाल मोहम्मद दर्जीको मृत्यु भयो।

सीसीटीभी फुटेजमा देखिएअनुसार दर्जी बा६च५१५२ नम्बरको कारबाट ओर्लनेबित्तिकै उनीमाथि गोली प्रहार भएको थियो। गोली प्रहार भएपछि उनी गोली छल्न कारको वरिपरि दौडिएका देखिन्छन्। मोटरसाइकलमा आएकामध्ये रातो सर्ट र जिन्स लगाएका एक व्यक्तिले उनलाई कार वरिपरि लखेटीलखेटी गोली प्रहार गरेका छन्। गोली चलेपछि दर्जीकी छोरीले तेस्रो तलामाथिबाट सुरुमा दोस्रो तलाको टिनमा र त्यहाँबाट सोझै भुइँमा हाम फालेर आक्रमणकारीलाई झम्टिन्छिन्। ती ‘सुटर’ आफूसँग आएका अर्का व्यक्तिको मोटरसाइकलमा चढेर भागेको स्थानीयले बताएका छन्।

टाउकोमा दुई र दाहिने तिघ्रामा दुई गोली लागेका दर्जीलाई शंकरापुर अस्पतालमा प्रारम्भिक उपचारपछि त्रिवि शिक्षण अस्पताल पुर्‍याइएको थियो। अस्पतालले ९ बजे उनलाई मृत घोषणा गर्‍यो।

मृतक दर्जी केही वर्षयता श्रीमती र छोरीसहित गोठाटारमा बस्दै आएका थिए। जम्बुडाँडामा व्यवसाय गर्ने उनले गोठाटारस्थित घरको तेस्रो तला भाडामा लिएर ‘एभेन्जर इन्टरप्राइज’ नामक गार्मेन्ट उद्योग चलाउँदै आएका थिए। उनी त्यहीँ बस्थे। गार्मेन्ट व्यवसाय सञ्चालन गरिरहे पनि उनको विगत भने आपराधिक पृष्ठभूमि देखिन्छ। सोही पृष्ठभूमिका कारण उनको हत्या भएको प्रहरीको प्रारम्भिक अनुमान छ। 

सोमबार साँझको घटनालाई प्रहरीले २० असार २०६४ मा अनामनगरमा भएको हत्याकाण्डसँग जोडिएको प्रारम्भिक अनुमान गरेको छ। मोहम्मदको पृष्ठभूमिकै कोण केलाएर अनुसन्धान भइरहेको उपत्यका प्रहरी प्रमुख एआईजी रविन्द्र धानुकले जानकारी दिए। आक्रमणकारीको प्रहरीले खोजी जारी राखेको छ। घटनास्थलमा ‘मेड इन यूएस’ लेखेको पेस्तोल प्रहरीले बरामद गरेको छ।

आपराधिक शृंखला

६० को दशकमा नेपालमा ठूलो मात्रामा नक्कली नोटको कारोबार भइरहेको थियो। प्रहरीले नक्कली नोट कारोबारबारे अनुसन्धान गरिरहेकै थियो। २० असार २०६४ मा अनामनगरस्थित धोबीखोलामा बलराम पटुवाको गोली हानी हत्या भयो। मारिने पटुवा नक्कली नोट कारोबारमा संलग्न गिरोहका सामान्य सदस्य थिए। उनको हत्या अभियोगमा प्रहरीले ९ साउन २०६४ मा थापाजी भनिने लाल मोहम्मद र पर्सा वीरगञ्ज नगरपालिका–१३ का पप्पु गुप्तालाई पक्राउ गर्‍यो।

अनुसन्धानका क्रममा पटुवा, लाल मोहम्मद र गुप्ता एकै गिरोहका सदस्य रहेको खुल्यो। त्यतिबेला अनुसन्धानमा खटिएका एक प्रहरी अधिकारीका अनुसार नक्कली नोट कारोबारका क्रममा पटुवालाई भारतीय प्रहरीले पक्राउ गरेको थियो। तर उनी लामो समय जेलमा रहेनन्। उनी छोटो समयमै जेलबाट छुटेपछि पटुवाले प्रहरीलाई आफ्नो गिरोहबारे सूचना दिने गरेको आशंका गरी आफ्नै समूहले हत्या गरेको थियो। यसका प्रमुख योजनाकार थिए, सोमबार मारिएका लाल मोहम्मद।

आपराधिक शृंखलाले निम्त्याएको गोठाटार हत्याकाण्ड, जसको कनेक्सन भारत–पाकिस्तानसम्म जोडिन्छ। २०७३ मा कैदमुक्त भएका लाल मोहम्मदको हत्या गर्न २०७४ असोजमा भारतीय दुई ‘सुटर’ नेपाल आएका थिए। 

पटुवाको हत्यामा उनीहरूको संलग्नता पुष्टि भएपछि कर्तव्य ज्यान मुद्दामा दुवै जेल परे। १० वर्ष जेलमुक्त भएपछि २७ जेठ २०७३ मा मोहम्मद केन्द्रीय कारागारबाट छुटेका थिए। कैदमुक्त भएलगत्तै उनले गार्मेन्ट व्यवसाय सुरु गरेका थिए। त्यसयता जाली नोट कारोबारमा उनको संलग्नताबारे खुलेको छैन। तर उनी जेल परेपछि उनीहरूको समूह भने तितरबितर भइसकेको थियो। यसमध्ये एक समूहको नेतृत्व गरिरहेका थिए, बाहिद खान। मोहम्मद निकट मुन्ना खान, सद्रुल अन्सारी र अल्ताफ हुसेन २०६८ मा पटेल हत्याकाण्डमै पक्राउ परी जेल परिसकेका थिए। उक्त समूह विभाजित बन्दै गएको थियो। यसमध्ये बहिद खानले नेतृत्व गरेको समूह शक्तिशाली बन्दै गएको थियो।

मोहम्मद लाल जेलबाट छुटेको केही समयपछि बहिद खान पक्राउ परे। ३० असोज २०७४ मा गोकर्णेश्वरबाट प्रहरीले उनलाई पक्राउ गर्‍यो। खान पनि गार्मेन्ट व्यवसाय सञ्चालन गर्थे।

तर पक्राउ परेपछि खानले यस्तो योजना बनाए, जसले प्रहरी नै चकित र्‍यो। उनले आफू बहिद खान नभई विजयकुमार श्रीवास्तव भएको दाबी गरे। आफू भारतीय मुस्लिम नागरिक नभई नेपाली हिन्दु धर्मावलम्बी भएको दाबी उनको थियो। उनको बिहे नेपाली हिन्दु केटीसँग भएको थियो। 

खानले २०५५ मा सर्लाही प्रशासनबाट जारी भएको नागरिकता दलीलका रूपमा पेस गरे। तर नागरिकताको वैधानिकता जाँच गर्ने क्रममा नक्कली रहेछ। प्रहरी स्रोतका अनुसार बहिद खान पटेल हत्याकाण्डमा संलग्न रहेको जानकारी उनै मोहम्मद लालले प्रहरीलाई दिएका थिए। सोही कारण खान समूहसँग पनि उनको राम्रो सम्बन्ध थिएन।

यसैगरी मोहम्मद लालले नक्कली नोट कारोबारमा संलग्न समूहका चुमन श्रीवास्तवसँग आफ्नो पुरानो लेनदेन रहेकाले त्यही विषयमा आफूलाई सुरक्षा थ्रेट रहेको भन्दै १८ भदौ २०७४ मा सुरक्षा माग्दै प्रहरीकहाँ निवेदन दिएका थिए। ‘२०६४ मा नक्कली नोटको कारोबार नभई लेनदेनकै पैसा चुमनसँग लिन बाँकी रहेको र त्यही विषयमा आफूलाई मार्ने धम्की आएको भन्दै मोहम्मदले त्यसबेला निवेदन दिएका रहेछन्,’ प्रहरी स्रोतले भन्यो। 

नभन्दै त्यसको दुई महिनापछि लाल मोहम्मदलाई आक्रमण गर्न आएका भारतीय ‘सुटर’ दीपककुमार श्रीवास्तव र रञ्जनकुमार यादवलाई प्रहरीले पक्राउ गर्‍यो। यसमध्ये दीपककुमार लाल मोहम्मदले आफ्नो कारोबार बाँकी रहेको भनेका चुमन श्रीवास्तवका ज्वाइँ थिए।

त्यसो त, आपराधिक शृंखलाले निम्त्याएको गोठाटार हत्याकाण्ड, जसको कनेक्सन भारत–पाकिस्तानसम्म जोडिन्छ। त्यसबेला प्रहरीले पटेल हत्याकाण्डको अनुसन्धानका क्रममा नेपालमा सक्रिय नक्कली नोट कारोबारी समूहलाई भाइसाब भनिने पाकिस्तानी नागरिकले चलाइरहेको निष्कर्ष निकालेको थियो। 

भारत, पाकिस्तान र बंगलादेशमा नक्कली नोट कारोबारको बिचौलियाका रूपमा मोहम्मद सक्रिय रहेको अनुमान प्रहरीको छ। ‘आपराधिक पृष्ठभूमि देखिएको छ। पाकिस्तानी कुख्यात अपराधी गिरोहसम्म मोहम्मद लाल समूहको कनेक्सन रहेको हुन सक्छ। यस विषयमा अनुसन्धान भइरहेको छ,’ प्रहरी विशेष ब्यूरोका एक अधिकारीले भने, ‘भारत र पाकिस्तानमा आपराधिक गिरोह चलाएर बसेका सिकन्दर, अस्लाम, तमाच भनिने व्यक्तिहरूसँग पनि यो घटनालाई हेरेर अनुसन्धान भइरहेको छ। नेपालमा मोहम्मद लालको समूहसँग सम्बन्धित समूहका व्यक्तिहरूलाई पनि निगरानीमा राखिएको छ।’

२४ भदौमा पनि भएको थियो आक्रमण 

जेलमुक्त भएदेखि नै आफूलाई सुरक्षा थ्रेट भएको भन्दै पटक–पटक प्रहरीमा निवेदन दिएका मोहम्मद लालमाथि २४ भदौमा पनि भौतिक आक्रमण भएको थियो। आक्रमणमा प्रतिकार गरेर भागेका उनले शंखरापुर अस्पताल पुगेर उपचार गरेका थिए। उपचार सक्काएर गत शुक्रबार मोहम्मद लाल सुरक्षा माग गर्दै प्रहरीकहाँ पुगेका थिए। 

आक्रमणमा परेका उनको ढाडमा चोट लागेको थियो।

आफूमाथि अज्ञात समूहले रड प्रहार गरेपछि गोकर्णेश्वरस्थित जम्बुडाँडा प्रहरी चौकीमा उजुरीसहित सुरक्षाका लागि निवेदन दिएका थिए। ‘आक्रमणपछि सुरक्षा माग गर्दै उजुरी आएका थियो,’ गोठाटार प्रहरी चौकी स्रोतले भन्यो, ‘तर आफूलाई कोबाट खतरा हो भन्नेचाहिँ उनले केही खुलाएका थिएनन्।’ 



प्रकाशित: September 20, 2022 | 13:48:37 काठमाडौं, मंगलबार, असोज ४, २०७९

तपाईं को प्रतिक्रिया

ट्रेंडिंग

चीनमा सैन्य 'कू' को हल्ला, राष्ट्रपति सी नजरबन्दमा छन् त?

सोसल मिडियामा भने सीबारे अनेकन 'हल्ला' भइरहेका छन्। चीनियाँ राष्ट्रपति सीलाई वास्तवमा के भएको भन्‍ने कुरालाई सहजै भन्‍न सकिँदैन।

समान अवसरको मागसहित शेखर समूहले खवरदारी सभा गर्ने

नेपाली कांग्रेसको डा. शेखर कोइराला समूहले पार्टीभित्र समान अवसर र न्यायका लागि खवरदारी सभा आयोजना गर्ने भएको छ।

लेखक केशव दाहालको 'माधवी ओ माधवी' सार्वजनिक

'मोक्षभूमि' उपन्यासका लेखक केशव दाहालको गैरआख्यान निर्बन्ध लेखन संगालो 'माधवी ओ माधवी' शुक्रबार विमोचन गरिएको छ।

काठमाडौंका १० निर्वाचन क्षेत्र : पुराना दललाई स्वतन्त्र र नयाँ दल चुनौती

स्वतन्त्रदेखि झिनामसिनाका पार्टीबाट उम्मेदवारी घोषणा गरिएपछि संघीय राजधानीसमेत रहेको काठमाडौंका १० निर्वाचन क्षेत्रमा ठूला दलहरूलाई चुनाव जित्न गठबन्धनको भर। गठबन्धन गर्दा कांग्रेसको सुरक्षित किल्ला अन्य दललाई सुम्पिनुपर्ने बाध्यता।

वित्तीय संघीयता मजबुत बनाउन राजनीतिक र प्रशासनिक इच्छाशक्ति आवश्यक

राजस्व बाँडफाँटका कतिपय मुद्दामा केन्द्र, प्रदेश र स्थानीयबीच समन्वय अभाव देखिन्छ। यसका लागि वित्तीय हस्तान्तरण ऐनमा केही संशोधन गरेर अगाडि बढ्न आवश्यक छ।

कार्यकालपछि राष्ट्रपति भण्डारीले राजनीतिक नेतृत्व गरे अति राम्रो : गोकुल बाँस्कोटा

बिहीबार ट्विट गर्दै बाँस्कोटाले पूर्वराष्ट्रपतिले राजनीति गर्नु हुँदैन भन्ने कानुनी व्यवस्था नरहेको उल्लेख गर्दै राष्ट्रपतिलाई राजनीतिक नेतृत्व लिन सुझाव दिएका हुन्।

ब्याजदर बढेपछि व्यापारी र बैंकर्सबीच द्वन्द्व, हस्तक्षेप नगर्ने पक्षमा राष्ट्र बैंक

बैंक तथा वित्तीय संस्थाले ब्याजदर बढाएको विषयमा निजी क्षेत्रका उद्योगी र व्यापारी असन्तुष्ट छन्। निक्षेपको ब्याज बढाउँदा कर्जाको पनि ब्याज बढ्ने भएकाले त्यसले उद्योग र व्यापार सञ्चालनमा नकारात्मक असर पार्ने भन्दै उनीहरू असन्तुष्ट बनेका हुन्।

निधिले छोडे पनि धनुषा-३ मा गठबन्धनको हानाथाप, को बन्ला जुलीको प्रतिस्पर्धी?

उता २०७४ सालमा धनुषा ३ बाट निर्वाचित सांसद एंव लोसपाका वरिष्ठ नेता राजेन्द्र महतोले यही क्षेत्रबाट चुनावी मैदानमा उत्रने तयारीमा छन् भने लालकिशोर साह, जितेन्द्रकुमार यादव, विजयकुमार भगत र सर्वजित ठाकुरको नाम सिफारिस गरेको छ।

प्रेमगीत–३ लाई लिएर किन आयो चलचित्र क्षेत्रमा हलचल?

‘प्रेमगीत–३’लाई लिएर नेपाली फिल्मकर्मीहरू विभाजित भएका छन्। कोही हिन्दी भर्सनलाई नेपाली फिल्मसरह कर छुट दिनुपर्ने र कोही दिन नहुने पक्षमा उभिएका छन्।

सरकारको आग्रह लत्याउँदै सीपीसीको सुरक्षा रणनीति बैठकमा राष्ट्रपति भण्डारी सहभागी

चिनियाँ कम्युनिस्ट पार्टीले बुधबार आयोजना गरेको भर्चुअल सम्मेलनमा राष्ट्रपति भण्डारीले रेकर्डेड भिडियो सन्देश पठाएको राष्ट्रपति कार्यालयले पुष्टि गरेको छ।

थप समाचार

नेपाल समय
समाज

सन्दीपविरुद्ध इन्टरपोलमा डिफ्युजन नोटिस जारी

प्रहरी प्रधान कार्यालयका प्रवक्ता डीआईजी टेकप्रसाद राईले सन्दीपविरुद्ध डिफ्युजन नोटिस जारी गरेको जानकारी दिए।
नेपाल समय
समाज

६ वटा पूर्ण र २२ सडक आंशिक अवरुद्ध : सडक विभाग

निरन्तरको वर्षाका कारण आएको बाढीपहिरोले अवरुद्ध सडक एकतर्फी खुलाएर आंशिक सवारीसाधन सञ्चालनमा ल्याउन तयारीमा विभाग, दसैंमा घर फर्किनेहरूलाई सास्ती।
नेपाल समय
समाज

पर्वतीय क्षेत्रलाई राष्ट्रिय उद्योगको मान्यता दिनुपर्छ : सभामुख सापकोटा

पर्वतीय क्षेत्रलाई राष्ट्रिय उद्योगको मान्यता दिएर पर्यटन क्षेत्रको विकासमा सरकारले ध्यान दिन जरुरी रहेको बताएका उनले स्थानीय र केन्द्र सरकारले पर्यटन विकासको लागि युवामैत्री नीति बनाउन आवश्यक रहेको उल्लेख गरे।
नेपाल समय
समाज

मनास्लुमा हिमपहिरो, मौसम खराबीले उद्धारमा कठिनाइ

मनास्लु हिमालको हिपमहिरोमा फसेकाहरूको उद्धारमा मौसम बाधक बनेको छ।
नेपाल समय
समाज

देशभरका अदालतमा सोमबारदेखि बन्दी प्रत्यक्षीकरणका रिट मात्रै सुनुवाइ हुने

घटस्थापनादेखि कोजाग्रत पूर्णिमाका दिनसम्म सर्वोच्च अदालत बन्द रहने भएकाले अन्य रिटमा सुनुवाइ नहुने अदालत प्रशासनले बताएको हो।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना