शुक्रबार, असोज २१, २०७९

१६ दिनदेखि आन्दोलनरत मिटरब्याज पीडित भन्छन्- न्याय नपाएसम्म फर्कन्‍नौं, बालुवाटारमै धर्ना दिन्छौं

काशीराम बजगाई  |  काठमाडौं, बिहीबार, भदौ २, २०७९

काशीराम बजगाई

काशीराम बजगाई

बिहीबार, भदौ २, २०७९, काठमाडौं

नेपाल समय

काठमाडौं- सुदखोरहरूबाट प्रताडित मिटरब्याज पीडितहरू दोस्रोपटक काठमाडौं आएर आन्दोलन गरिरहेको आज १६ दिन भयो। गत साउन २७ मा सरकारले मिटरब्याजसम्बन्धी अपराध नियन्त्रणका लागि गठन गरेको कार्यदल अस्वीकार गरी उनीहरू निरन्तर न्यायका लागि प्रदर्शन गरिरहेका छन्। कार्यदलमा आफ्नो प्रतिनिधित्व गर्ने सदस्य नभएको र उक्त कार्यदलको कानुनी हैसियत, गठन आदेश र कार्यविधि स्पष्ट नभएको भन्दै उनीहरू न्यायिक उच्चस्तरीय समिति गठन गर्नुपर्ने मागसहित सडक आन्दोलनमै छन्। 

दिनभर सडक आन्दोलनमा उत्रिने उनीहरुले सुरुका केही रात गौशालास्थित पशुपति क्षेत्रमा बिताए। उनीहरूले पशुपति विकास कोषबाट अनेक दु:ख भोग्नुपर्‍यो। अभियन्ताले जुटाएको सहयोगमा छाक टारे। ट्‍वाइलेट सफा थिएन। कोषका सदस्यले पहिले ट्‍वाइलेट सफा गर्न लगाए। पछि ट्‍वाइलेट पनि बन्द गरिदिए। खानेपानी र खानेकुराको टुंगो नभएपछि अनेक दु:ख बेहोर्नुपरेको मिटरब्याज पीडित तथा ठगीविरुद्धको संघर्ष समितिका अध्यक्ष रामसुरत गुप्ता बताउँछन्। उनले भने, ‘त्यसपछि हामी कीर्तिपुर सर्‍यौँ, त्यहाँ टेन्ट बनाएर बसिरहेका छौँ।'

कीर्तिपुरको खुला मैदानमा टेन्ट टाँगेर ६५ परिवार मिटरब्याज पीडितहरू निरन्तर दिनभर माइतीघरमा प्रदर्शन गरिरहेका छन्। साँझ झरी र बताससँग टेन्टमुनि गुजारिरहेका छन्। 

नवलपरासीका यी मिटरब्याज पीडितहरूसँग गृह मन्त्रालयले गत साउन २५ मा वार्ता गरेको थियो। २७ गते छानबिनका लागि कार्यदल पनि बनायो, तर उक्त कार्यदलप्रति आफ्नो विश्वास नभएको पीडितहरू बताउँछन्।

सरकारको उक्त कार्यदलप्रति विश्वास नहुनुको कारण हो- उनीहरू यसअघि पनि गत जेठमा न्यायका लागि आन्दोलन गर्न काठमाडौं आएका थिए। सरकारले वार्ताका लागि बोलायो। पीडकलाई पक्राउ गरी कारबाही अघि बढाए मात्रै वार्ता गर्ने अडान उनीहरूले लिए। जसअनुसार असार १० मा प्रहरीले स्थानीय दुई साहू सुनिल बानियाँ र जगदीश बानियाँलाई पक्राउ पनि गर्‍यो। त्यसपछि सरकारसँग वार्ता गरी असार १४ गते घर फर्किएका उनीहरू र साहूहरूबीच जिल्ला प्रहरी कार्यालय नवलपरासीमा छलफल भयो।

तर, छलफलमा प्रहरीले साहूलाई कुनै प्रश्न नगरी आफूहरूलाई नै केरकार गरेको आरोप उनीहरूको छ। अन्तत:  तमसुक साहूले च्याते पनि। तर त्यसको भोलिपल्टदेखि नै ती साहूहरूले पुन: ऋण तिर्न दबाब दिन थालेपछि एकजुट भएर फेरि काठमाडौं आउनुपरेको पीडितहरू बताउँछन्। संघर्ष समितिका अध्यक्ष गुप्ताले भने, ‘सरकारसँग भएको सहमतिअनुसार हामीले न्याय नपाएपछि पुन: काठमाडौं आउन बाध्य भयौँ।’

गृह मन्त्रालयले जिल्ला प्रशासन कार्यालयमार्फत न्याय दिलाउन सहमति गरेर आफूबाट लुटिएको पैसा र दृष्टिबन्धकमा राखिएको जग्गा फिर्ता आउने कामै नभएको उनले गुनासो गरे। 

आन्दोलनको क्रममा बिरामी भएर उपचार गरेर फर्किएकी अम्बिकाकुमारी भन्छिन्, 'माग पूरा भएको छैन, हामी यसै पनि मरेको छौँ। बरु सडकमै मरौंला तर न्याय नपाएसम्म अब फर्किन्‍नौं।' 

संघर्ष समितिले तयार पारेको विवरणअनुसार नवलपरासीमा मात्रै ५५ जना साहुले तीन करोड ७० लाख ऋण दिएर १०९ ऋणीबाट विभिन्‍न चरणमा ९ करोड ७५ लाख रुपैयाँ लिइसके पनि अझैं सोभन्दा बढी रकम माग गरिरहेका छन्। उनीहरूले केन्द्रीय अनुसन्धान ब्यूरो (सीआइबी)लाई बुझाएको विवरणअनुसार साहुहरूले अझै ११ करोड रुपैयाँ तिर्न बाँकी रहेको भन्दै धम्काइरहेका छन्। ‘साहुहरूले ऋणभन्दा बढी रकम असुलिसके पनि दृष्टिबन्धक जग्गा फुकुवा गरिदिएनन्, उल्टै थप पैसा मागेर धम्काइरहे र जग्गा पनि छिनुवा पास गरिदिए। तर पनि सरकारले पीडितलाई कारबाही अघि नबढाएपछि निरन्तर आन्दोलन गर्न बाध्य भयौं,’ अध्यक्ष गुप्ताले बताए।

दोस्रोपटक काठमाडौं आएर आन्दोलन गरिरहेका आफूहरूको आवाज सरकारले नसुनेको आरोप पीडितहरूको छ। पीडित अम्बिकाकुमारी महतो भन्छिन्, 'सरकारले हामीलाई झुक्काउने गरी कार्यदल बनाएर टार्न खोज्यो। हाम्रो माग पूरा भएको छैन, यसरी हामी पीडित हुँदा पनि सरकार कहाँ लुकेको छ?' विगत १६ दिनदेखि विभिन्‍न प्रताडनाहरू सहेर आफूहरूले आन्दोलन गरिरहेको तर पनि सरकारले आफ्ना आँसु नदेखेको गुनासो उनको छ। जसकारण अब बरु सडकमै आन्दोलन गर्दागर्दै मर्ने तर न्याय नपाएसम्म आफूहरू नफर्किने अडान उनीहरुको छ।

आन्दोलनको क्रममा बिरामी भएर उपचार गरेर फर्किएकी उनी भन्छिन्, 'माग पूरा भएको छैन, हामी यसै पनि मरेको छौँ। बरु सडकमै मरौंला तर न्याय नपाएसम्म अब फर्किन्‍नौं।' उनी आन्दोलनकै क्रममा बिरामी भएर २ दिन घर बसेर पुन: आन्दोलनमा फर्किएकी हुन्। उनले भनिन्, ‘हामी सडकमै छौँ, घामपानी, हुरीबतास सबै सहेर बसेका छौं। एक जनालाई हार्ट अट्याक आयो र अस्पताल भर्ना गरियो। हामी शारिरीक रूपमा कमजोर हौंला तर अब न्याय नपाएसम्म नफर्किने दृढ अडानमा छौं।’

जगदीश बानियाँसँग ६ लाख ऋण लिएर २२ लाख तिरिसक्दा पनि उल्टै २९ लाख मागेपछि हार्टअट्याकबाट श्रीमान (सफरल्लाह मियाँ) गुमाएकी नवलपरासी सुस्तापूर्व प्रतापपुरकी खुश्बुना नेशा १६ दिनमा काठमाडौंमा अनेक दु:ख भोग्नुपरेको बताउँछिन्। ‘सरकारी मान्छे र प्रहरी तिमीहरूको काम भइसक्यो घर जाउ भन्छ, उता साहु थप पैसा मागेर दु:ख दिन्छ। भोकभोकै यहाँ संघर्ष गरिरहेका छौँ, तर सरकारले देखेको छैन,’ उनी भन्छिन्।

अर्का मिटरब्याज पीडित बाबुराम हरिजन साहुले झुक्काएर घरखेत पास गरेको तर प्रशासन र सरकारलाई गुहार्दा पनि सहयोग नपाएको गुनासो गर्छन्। उनी भन्छन्, ‘हामी अहिले यहाँ ५५ पीडित परिवार छौँ। करिब ४ करोड ऋण लिएका हामी जम्मा पीडितले १० करोडभन्दा बढी तिरिसके पनि ११ करोडभन्दा बढी रकम बाँकी रहेको भनी साहूले दु:ख दिइरहेका छन्। यस्तो अत्याचार हुँदा पनि सरकारले देख्दैन भने हामी कसलाई गुहार्न जाने?’ सरकारले छानबिन कार्यदल बनाए पनि त्यहाँ आफ्नो प्रतिनिधित्व गर्ने कोही नभएकाले उक्त कार्यदल स्वीकार नगरेको उनी बताउँछन्। ‘तमसुक पनि च्यातेको छैन, खेत दृष्टिबन्धकमा छ। मालपोतबाट कसरी छिनुवा पास भयो? सरकारले यस्ता अपराधीलाई कारवाही गर्न पर्दैन?’ १६ दिन अनेक यातनासहित संघर्ष गरेको बताउँदै उनले न्याय नपाएसम्म नफर्किने बताए।

सुरुवाती दिनदेखि मिटरब्याज पीडितसँग जोडिएर अभियान चलाइरहेका अभियन्ता नीर्ग नवीन सरकारले मिटरब्याज पीडितका समस्या समाधान गर्न चासो नदिखाएको बताउँछन्। ‘छानबिन गर्न गृहले कार्यदल बनायो, तर कार्यदलको कानुनी हैसियत, गठन आदेश र कार्यविधि स्पष्ट थिएन। त्यसैले हामीले गृहमन्त्रीको टास्कफोर्स जस्तो उक्त कार्यदल अस्वीकार गर्‍यौँ।’ न्यायिक उच्चस्तरीय समिति गठन गरी उक्त समितिबाट अनुसन्धान गर्नुपर्ने माग आफूहरूको रहेको उनले बताए। अन्यथा केही दिनमै माइतीघरबाट धर्ना बालुवाटारमा सार्ने तयारी भइरहेको जानकारी उनले दिए।


यो पनि

यो पनि

यो पनि

यो पनि

यो पनि

यो पनि

यो पनि


प्रकाशित: August 18, 2022 | 19:27:13 काठमाडौं, बिहीबार, भदौ २, २०७९

तपाईं को प्रतिक्रिया

ट्रेंडिंग

युक्रेनका ४ क्षेत्र गाभेको औपचारिक घोषणा गर्दै रुस

युक्रेनका लुहान्स्क, दोनत्स्क, जापोरिज्जिया र केरसन क्षेत्रलाई रुसमा गाभ्ने घोषणा गर्न लागिएको छ। 'क्रेमलिन दरबारमा स्थानीय समयअनुसार दिउँसो ३ बजे ती ४ क्षेत्र रुसमा गाभिएको घोषणा हुनेछ,' क्रेमलिन प्रवक्ता दिमित्री पेस्कोभले भनेका छन्।

पाँच दलको सिट भागबण्डा अन्तिम चरणमा [सूचीसहित]

लामो समयको गृहकार्यपछि धेरैजसो निर्वाचन क्षेत्रको भागबण्डा मिलेको छ तर केहीमा भने किचलो कायमै छ।

सोलुको सकस: कांग्रेस नछाड्ने, माओवादी नमान्ने

२०७४ को चुनावमा जितेकाले आफैंले पाउनुपर्ने माओवादीको अडान छ। यस पटक गठबन्धनले चुनाव लड्ने हुँदा सोलुखुम्बु आफूले पाउनुपर्ने दाबी कांग्रेसले गरिरहेको छ।

समानुपातिक सूची परिवर्तन नभए आफैँ संघर्षमा उत्रने शेखर-गगनको चेतावनी

समान अवसर र न्यायका लागि विरोध र संघर्षका कार्यक्रम गर्दै आएका आफूनिकट नेताहरूसँग छलफल नेता कोइराला र महामन्त्री थापाले यस्तो बताएका हुन्। बत्तिसपुतलीस्थित अनुपम फुडल्यान्डमा असन्तुष्ट नेताहरुसँग उनीहरूले छलफल गरेका हुन्।

भीम रावल पार्टी सम्पर्कमा नआएपछि ओलीको सोधीखोजी

४ मंसिरमा हुने निर्वाचनका लागि एमाले जिल्ला कमिटीले अछाम क्षेत्र–१ बाट रावललाई मात्र सिफारिस गरे पनि पछिल्लो समय पार्टी सम्पर्कमा नआएपछि के भएको हो भनेर बुझ्न सुदूरपश्चिम एमाले नेताहरु पुगे ओली निवास।

सिभिल र हिमालयन मर्ज भएपछि ६ महिनामा 'सिनर्जी' आउँछ : सुनील पोखरेल [अन्तर्वार्ता]

हिमालय बैंक लिगेसी बोकेको पुरानो बैंक हो। हामीसँग साना तथा मझौला प्रकृतिको बिजनेस छ। हिमालयनको ठूला र कर्पोरेट बिजनेस छ। हाम्रा स-साना ग्राहक छन् तर उसका ठूला ग्राहक छन्।

आजदेखि निर्वाचन आचारसंहिता लागु : के गर्न पाइन्छ, के पाइँदैन?

आगामी मंसिर ४ गते हुने प्रदेश तथा प्रतिनिधिसभा निर्वाचनका लागि आचारसंहिता बुधारदेखि लागु गरिएको छ।

अलमुताइरीप्रति कप्तान किरणको अझै गुनासो, भने - व्यक्तिका लागि भन्दा पनि देशका लागि खेल्छौं

नेपाल राष्ट्रिय फुटबल टोलीका कप्तान किरण चेम्जोङले प्रशिक्षक अबदुल्ला अलमुताइरीले आफूलाई टिमबाट निकालेकोमा दुखेसो पोखेका छन्। व्यवसायिक फुटबलका क्रममा भारतमा रहेका किरण बंगलादेशसँगको मैत्रीपूर्ण खेलका लागि नेपाल आएका हुन्।

मोरङ-३ : चुनावमा प्रभाव पार्ने यस्तो छ मेडिकल कलेज कनेक्सन

सुनिल शर्माले आफ्नो नोबेल मेडिकल कलेजमार्फत राजनीतिक प्रभाव बढाएका छन्। निर्वाचन क्षेत्रमा नागरिकको निःशुल्क र कम शुल्कमा उपचारको व्यवस्था मिलाएर उनले मतदाताको प्रभाव बढाएका हुन्। उता राष्ट्रिय प्रजातन्त्र पार्टी (राप्रपा) बाट उम्मेदवार बन्ने तयारीमा रहेकी रेखा थापाले पनि अभियान तीव्र बनाएकी छिन्।

मधेसवादी दलको कमजोरीमा 'जाल' थाप्दै एमाले!

मधेसवादी दलका एजेन्डाहरू पहिलेभन्दा कमजोर बन्दै गएपछि सत्ताको लोभ गर्नेहरू राजनीतिक सुरक्षाका निम्ति एमाले प्रवेश गरिरहेका छन् भने एमालेले पनि मधेसवादी दलको कमजोरीको फाइदा उठाएको राजनीतिक विश्लेषण गरिँदै छ।

थप समाचार

नेपाल समय
समाज

बस दुर्घटनामा बुबा गुमाएका बालकले सुनेका थिए ब्रेक फेल भएको

जितपुर—सिमरा उपमहानगरपालिकामा भएको बस दुर्घटनामा १६ जनाको मृत्यु भएको छ भने चालक सहित ३६ जना घाइते छन्।
नेपाल समय
समाज

डीभी चिठ्ठाको आवेदन खुल्यो

अमेरिकाले सन् २०२४ का लागि डीभीको आवेदन खुला गरेको छ।
नेपाल समय
समाज

शुक्रबार पनि दिनभर वर्षा हुने, यी क्षेत्रमा बाढीको जोखिम

देशका विभिन्न भागमा आज शुक्रबार पनि वर्षा भइरहेको छ। पछिल्ला चार दिनदेखि वर्षा जारी छ।
नेपाल समय
समाज

देशमा गणतन्त्र आउँदा पनि तमान गाउँमा कटुवाल र मुखिया प्रथा कायमै

बागलुङको तमानखोला गाउँपालिका–३ तमान गाउँमा भने अझै पनि कटुवाल प्रथा प्रचलनमै छ। गाउँका अधिकांश नागरिकको हात हातमा मोबाइल पुगे पनि तमान गाउँका स्थानीयले यो प्रचलनलाई बचाएका छन्। गाउँमा बहुउपयोगी र भरपर्दो सूचनाको माध्यमको रुपमा मानिएको कटुवाल प्रथा प्रभावकारी भएकाले हटाउन नसकिएको स्थानीय बताउँछन्।
नेपाल समय
समाज

राति अबेरसम्म र बिहान उठ्‍नेबित्तिकै मोबाइल चलाउनु घातक!

रातिको समय मोबाइलमा लगातार हेर्ने लतले युवाहरूको स्वास्थ्य बिगारिरहेको अध्ययनले देखाएको छ। सामाजिक सञ्जालमा भएका गतिविधिसँग अपडेट रहन युवाहरू दिनभरको काम सकेर सुत्नुअघि मोबाइल स्क्रोल गर्छन्।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना