शुक्रबार, असोज २१, २०७९

बहिनीसँग प्रेम रहेको शंकामा १४ वर्षीय किशोरको हत्या, शव भारत पुर्‍याए

काशीराम बजगाई  |  काठमाडौं, सोमबार, साउन ३०, २०७९

काशीराम बजगाई

काशीराम बजगाई

सोमबार, साउन ३०, २०७९, काठमाडौं

नेपाल समय
पक्राउ परेका अभियुक्तद्वय प्रितम पटेल र उत्तर पटेल।

काठमाडौं– बाराको विश्रामपुर गाउँपालिका–५ इटियाहीका १४ वर्षीय राजकुमार ठाकुर गत मंगलबार बिहान सदाझैं ट्युसन पढ्न भनेर वीरगञ्ज गए। कक्षा ९ मा पढ्ने उनी बिहान वीरगञ्ज १६ नगवास्थित एक ट्युसन सेन्टरमा पढ्न जान्थे। त्यहाँबाट फर्किएर खाना खाएर उनी स्कुल जान्थे।

तर त्यो दिन ठाकुर ट्युसन सेन्टरबाट फर्किएनन्। सधैँ समयमै फर्किने छोरा नफर्किएपछि बुबा मोतिलाल आत्तिए र खोजी सुरु गरे। तर ठाकुर भेटिएनन्। अनि मोतीलालले त्यही दिन दिउँसो प्रहरीकहाँ गएर छोरा हराएको र खोजतलास गरिपाउँ भनी निवेदन दिए। प्रहरीले खोजी सुरु गर्यो। 

घटना बाराको भएका कारण बारा प्रहरीसँग सहकार्य गरी पर्सा प्रहरीले अनुसन्धान अघि बढायो तर ३ दिनसम्म खोजतलास गर्दा ठाकुरको पत्तो लागेन।

०००

साउन २७ गते भारतीय प्रहरीले बिहारको भागलपुरमा फेला पारेको एक शवबारे पर्सा प्रहरीलाई जानकारी गरायो। रक्सौल हुँदै मुजफ्फरपुर चल्ने रेलको शौचालयमा वीरगञ्जबाट हराएका ठाकुरकै उमेरको एक शव भेटिएको जानकारीपछि प्रहरी वरिष्ठ नायब निरीक्षक विनोदकुमार सिंहको कमाण्डमा प्रहरी घटनास्थलमा पुग्यो।

प्रहरीसँगै भागलपुर पुगेका ठाकुरका बुबा मोतिलालले शव आफ्नो छोराको भएको पुष्टि गरे। प्रहरीले शव पर्सा ल्याएर अनुसन्धान थाल्यो। बुबा मोतीलालले घटनामा छिमेकी पटेल परिवारको संलग्नता रहेको आशंका गर्दै प्रहरीमा किटानी जाहेरी दिए। प्रहरीले ३० वर्षीय प्रितम पटेल र भाइ उत्तरलाई नियन्त्रणमा लिई अनुसन्धान सुरु गर्यो, तर दाजुभाइले घटनामा आफ्नो संलग्नता नरहेको जिकिर गरिरहे। 

यसैबीच प्रहरीले हत्याको अर्को क्लु फेला पार्यो– नगवा बाइपास चोकभन्दा करिब ५ सय मिटर अगाडि रहेको सीसी क्यामेरा। उक्त सीसी क्यामेराको फुटेजमा पटेल दाजुभाइले ठाकुरको शव लगेको देखिएको जिल्ला प्रहरी कार्यालय पर्साका डीएसपी प्रह्लाद कार्कीले बताए। उक्त फुटेजपछि पटेल दाजुभाइले हत्या आफूहरूले गरेको स्वीकार गरेको जानकारी डीएसपी कार्कीले दिए।

यसरी भयो घटना

राजकुमार र पटेल दाजुभाइकी बहिनी श्री नेरा माध्यमिक विद्यालय इटियाहीमा कक्षा ९ मा सँगै पढ्थे। प्रहरीको प्रारम्भिक अनुसन्धानअनुसार राजकुमार र ती किशोरी एकअर्काको प्रेममा थिए। उक्त प्रेमबारे जानकार पटेल दाजुभाइले पहिले पनि एकपटक राजकुमारलाई बोलाएर कुटपिट गरेर सम्झाइबुझाइ पठाएका थिए।

उक्त घटनाका कारण दुई परिवारबीच झगडा पनि भयो, स्थानीय भद्रभलादमीले छलफल गरेर मिलाएर पठाए। तर राजकुमार र ती किशोरीबीच दूरी बढेन। उनीहरूबीच राम्रो सम्बन्ध थियो। उक्त सम्बन्धबारे जानकार पटेल दाजुभाइले २४ साउनमा राजकुमारलाई नगवा बाइपासमा रहेको आफ्नो टेलरमा बोलाए। 

मानिसहरूको राम्रै चहलपहल हुने नगवा बाइपास चोकमा पटेल दाजुभाइ १० वर्षदेखि टेलर सञ्चालन गरी बसेका थिए। चहलपहल भइरहने सहरबीचको आफ्नै पसलभित्र दुई दाजुभाइले सटर बन्द गरी मुख थुनेर राजकुमारको हत्या गरे, जसको सुइँकोसम्म कसैले पाएन।

बोरामा शव प्याक गरे। कसैलाई शंका नहोस् भनेर पहेँलो बोलबम कलरको टिसर्ट लगाएर मोटरसाइकलमा बोरा राखेर रक्सौलस्थित रेल्वे स्टेशनमा शव पुर्याए। मालवाहक रेलको डिब्बामा शव राखे। राजकुमारको फोन स्वीच अफ गरेर वीरगञ्ज भन्सारनजिकको एक आँखा अस्पतालनजिक फाले। ब्याग सिर्सिया नदी र साइकल महाराजगञ्जको एक गल्लीमा फालेर घर फर्किए। त्यसको अर्को दिन छिमेकीको भोजमा सबै चिज सामान्य भएजसरी सहभागी पनि भए।

तर राजकुमारसँग बहिनीको प्रेम सम्बन्धका कारण भएको पुरानो झगडा र अनुसन्धानका क्रममा लिइएको बाइपास चोकभन्दा ५ सय मिटर अघि रहेको सीसीटीभीको फुटेजबाट हत्यामा उनीहरूकोे संलग्नता रहेको पुष्टि भएको प्रहरीले जनाएको छ।

‘दाजुभाइले हत्या गरेको स्वीकार गरेका छन्। अपहरण, शरीर बन्धक तथा हत्याको आरोपमा जिल्ला अदालतबाट म्याद थप गरी अनुसन्धान भइरहेको छ,’ जिल्ला प्रहरी कार्यालय पर्साका डीएसपी कार्कीले भने, ‘घटनामा अन्य कोही व्यक्तिको संलग्नताबारे पनि अनुसन्धान भइरहेको छ।’ 

उक्त घटनापछि आक्रोशित स्थानीयले पटेल परिवारको घर तोडफोड गरेका छन्। घरमा आगजनी गर्न खोज्दा प्रहरीले रोकेको थियो भने नेपाल प्रहरी र सशस्त्र प्रहरीलाई अप्रिय घटना घट्न नदिन गाउँमा खटाइएको छ। पटेल परिवारका अन्य सदस्यलाई अन्तै स्थानान्तरण गरिएको छ।


प्रकाशित: August 15, 2022 | 13:23:12 काठमाडौं, सोमबार, साउन ३०, २०७९

तपाईं को प्रतिक्रिया

ट्रेंडिंग

युक्रेनका ४ क्षेत्र गाभेको औपचारिक घोषणा गर्दै रुस

युक्रेनका लुहान्स्क, दोनत्स्क, जापोरिज्जिया र केरसन क्षेत्रलाई रुसमा गाभ्ने घोषणा गर्न लागिएको छ। 'क्रेमलिन दरबारमा स्थानीय समयअनुसार दिउँसो ३ बजे ती ४ क्षेत्र रुसमा गाभिएको घोषणा हुनेछ,' क्रेमलिन प्रवक्ता दिमित्री पेस्कोभले भनेका छन्।

पाँच दलको सिट भागबण्डा अन्तिम चरणमा [सूचीसहित]

लामो समयको गृहकार्यपछि धेरैजसो निर्वाचन क्षेत्रको भागबण्डा मिलेको छ तर केहीमा भने किचलो कायमै छ।

सोलुको सकस: कांग्रेस नछाड्ने, माओवादी नमान्ने

२०७४ को चुनावमा जितेकाले आफैंले पाउनुपर्ने माओवादीको अडान छ। यस पटक गठबन्धनले चुनाव लड्ने हुँदा सोलुखुम्बु आफूले पाउनुपर्ने दाबी कांग्रेसले गरिरहेको छ।

समानुपातिक सूची परिवर्तन नभए आफैँ संघर्षमा उत्रने शेखर-गगनको चेतावनी

समान अवसर र न्यायका लागि विरोध र संघर्षका कार्यक्रम गर्दै आएका आफूनिकट नेताहरूसँग छलफल नेता कोइराला र महामन्त्री थापाले यस्तो बताएका हुन्। बत्तिसपुतलीस्थित अनुपम फुडल्यान्डमा असन्तुष्ट नेताहरुसँग उनीहरूले छलफल गरेका हुन्।

भीम रावल पार्टी सम्पर्कमा नआएपछि ओलीको सोधीखोजी

४ मंसिरमा हुने निर्वाचनका लागि एमाले जिल्ला कमिटीले अछाम क्षेत्र–१ बाट रावललाई मात्र सिफारिस गरे पनि पछिल्लो समय पार्टी सम्पर्कमा नआएपछि के भएको हो भनेर बुझ्न सुदूरपश्चिम एमाले नेताहरु पुगे ओली निवास।

सिभिल र हिमालयन मर्ज भएपछि ६ महिनामा 'सिनर्जी' आउँछ : सुनील पोखरेल [अन्तर्वार्ता]

हिमालय बैंक लिगेसी बोकेको पुरानो बैंक हो। हामीसँग साना तथा मझौला प्रकृतिको बिजनेस छ। हिमालयनको ठूला र कर्पोरेट बिजनेस छ। हाम्रा स-साना ग्राहक छन् तर उसका ठूला ग्राहक छन्।

आजदेखि निर्वाचन आचारसंहिता लागु : के गर्न पाइन्छ, के पाइँदैन?

आगामी मंसिर ४ गते हुने प्रदेश तथा प्रतिनिधिसभा निर्वाचनका लागि आचारसंहिता बुधारदेखि लागु गरिएको छ।

अलमुताइरीप्रति कप्तान किरणको अझै गुनासो, भने - व्यक्तिका लागि भन्दा पनि देशका लागि खेल्छौं

नेपाल राष्ट्रिय फुटबल टोलीका कप्तान किरण चेम्जोङले प्रशिक्षक अबदुल्ला अलमुताइरीले आफूलाई टिमबाट निकालेकोमा दुखेसो पोखेका छन्। व्यवसायिक फुटबलका क्रममा भारतमा रहेका किरण बंगलादेशसँगको मैत्रीपूर्ण खेलका लागि नेपाल आएका हुन्।

मोरङ-३ : चुनावमा प्रभाव पार्ने यस्तो छ मेडिकल कलेज कनेक्सन

सुनिल शर्माले आफ्नो नोबेल मेडिकल कलेजमार्फत राजनीतिक प्रभाव बढाएका छन्। निर्वाचन क्षेत्रमा नागरिकको निःशुल्क र कम शुल्कमा उपचारको व्यवस्था मिलाएर उनले मतदाताको प्रभाव बढाएका हुन्। उता राष्ट्रिय प्रजातन्त्र पार्टी (राप्रपा) बाट उम्मेदवार बन्ने तयारीमा रहेकी रेखा थापाले पनि अभियान तीव्र बनाएकी छिन्।

मधेसवादी दलको कमजोरीमा 'जाल' थाप्दै एमाले!

मधेसवादी दलका एजेन्डाहरू पहिलेभन्दा कमजोर बन्दै गएपछि सत्ताको लोभ गर्नेहरू राजनीतिक सुरक्षाका निम्ति एमाले प्रवेश गरिरहेका छन् भने एमालेले पनि मधेसवादी दलको कमजोरीको फाइदा उठाएको राजनीतिक विश्लेषण गरिँदै छ।

थप समाचार

नेपाल समय
समाज

बस दुर्घटनामा बुबा गुमाएका बालकले सुनेका थिए ब्रेक फेल भएको

जितपुर—सिमरा उपमहानगरपालिकामा भएको बस दुर्घटनामा १६ जनाको मृत्यु भएको छ भने चालक सहित ३६ जना घाइते छन्।
नेपाल समय
समाज

चन्द्रागिरीमा ध्यान केन्द्रलाई पहिरोले पुर्दा एकै परिवारका तीनजनाको मृत्यु

काठमाडौंको चन्द्रागिरीमा पहिरोले ध्यान केन्द्र पुरिँदा तीन जनाको मृत्यु भएको छ।
नेपाल समय
समाज

डीभी चिठ्ठाको आवेदन खुल्यो

अमेरिकाले सन् २०२४ का लागि डीभीको आवेदन खुला गरेको छ।
नेपाल समय
समाज

शुक्रबार पनि दिनभर वर्षा हुने, यी क्षेत्रमा बाढीको जोखिम

देशका विभिन्न भागमा आज शुक्रबार पनि वर्षा भइरहेको छ। पछिल्ला चार दिनदेखि वर्षा जारी छ।
नेपाल समय
समाज

देशमा गणतन्त्र आउँदा पनि तमान गाउँमा कटुवाल र मुखिया प्रथा कायमै

बागलुङको तमानखोला गाउँपालिका–३ तमान गाउँमा भने अझै पनि कटुवाल प्रथा प्रचलनमै छ। गाउँका अधिकांश नागरिकको हात हातमा मोबाइल पुगे पनि तमान गाउँका स्थानीयले यो प्रचलनलाई बचाएका छन्। गाउँमा बहुउपयोगी र भरपर्दो सूचनाको माध्यमको रुपमा मानिएको कटुवाल प्रथा प्रभावकारी भएकाले हटाउन नसकिएको स्थानीय बताउँछन्।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना