बिहीबार, भदौ २, २०७९

भाउजूलाई घरबाट बोलाएर बलात्कारपछि जिउँदै जलाउने भोजबहादुर

यज्ञराज जोशी  |  काठमाडौं, आइतबार, असार १९, २०७९

यज्ञराज जोशी

यज्ञराज जोशी

आइतबार, असार १९, २०७९, काठमाडौं

नेपाल समय
घटनास्थलको तस्बिर लिँदै प्रहरी।

काठमाडौं- दार्चुलाको शैल्यशिखर नगरपालिका-१ बारिलमा गत जेठ २५ गते बिहान एउटा हृदयविदारक घटना घट्यो। राति बारिलबासी मस्त निन्द्रामा थिए। सोही गाउँकी एकल महिला ४० वर्षीया अनिभा खडायतलाई भने निन्द्रा लागिरहेको थिएन। 

उनका दुई छोरी भने मस्त निन्द्रामा थिए। दुर्गम पहाडी गाउँ। बाहिरबाट चोर आउने त्रास पनि थिएन। किनकि सामान्य परिवारको बसोबास रहेको गाउँमा लुट्नका लागि के नै हुन्थ्यो र। त्यसैले ढोका बन्द नगरेरै राति २ बजेतिर मधुर बत्तीको उज्यालोमा जीवन र दुई छोरीको चिन्ता गर्दै टोलाइरहेकी हुँदी हुन् अनिभा सायद।

‘भाउजू! भाउजू!’ कसैले अनिभालाई घर बाहिरैबाट बोलायो। यति राति कसको आवाज होला! उनकी १६ वर्षीया छोरी गौमतीले पनि आवाज चाल पाउँछिन्। उनकी आमालाई बोलाउने अरु कोही नभएर गाउँकै नजिककै नाता पर्ने भोजबहादुर रहेछन्। 

भोजबहादुरले काम छ भन्दै अनिभालाई बाहिर लगे। अनिभालाई घरबाट करिब ५० मिटर टाढा रहेको उखुबारीमा लगेर जबरजस्ती करणी गरे। त्यसक्रममा अनिभाले प्रतिकार गरेपछि ढुंगाले टाउकोमा हानेर घाइते बनाए। दुई पटक टाउकोमा हिर्काएपछि अभिना भुइँमा लडिन्।

भोजबहादुर नजिकै रहेको खरले अभिनालाई छोपेर अनिभाकै घरतर्फ लागे। उनको घरमा पुगेर १६ वर्षीया छोरीलाई लखेट्न थाले। प्रहरी अनुसन्धानका क्रममा घटनाको उक्त रहस्य खुलेको हो।

अहिले भोजराज पुर्पक्षका लागि थुनामा छन्। उनले घटनाबारे आफ्नो संलग्नता स्वीकार गरेका छन् र बयानका क्रममा घटना कसरी भयो भन्ने  प्रहरीसमक्ष बताएका छन्। जिल्ला अदालत दार्चुलाले उनलाई पुर्पक्षका लागि थुनामा पठाउन आदेश दिएको छ। जिल्ला न्यायाधीश कोमलप्रसाद आचार्यको इजलासले भोजराज खडायतलाई पुर्पक्षका लागि थुनामा पठाउने आदेश दिएको हो।

यस्तो भन्छन् घटनाका अभियुक्त

२४ गते बेलुकी हामी तीन जना साथी रक्सी खान बैतडीको सिमार बजार पुगेका थियौं। गाउँमा रक्सी सेवन गर्न प्रतिबन्ध लगाइएको थियो। त्यसैले हामी सिमार पुगेका हौं। त्यहाँ हामीले दुई बोतल रक्सी पियौं। त्यति गर्दा रातिको १२ बजिसकेको थियो। गाउँ आइसकेपछि हामी आफ्नो घरतर्फ लाग्यौं। मेरो घर जाने बाटो अनिभाको घर हुँदै पर्थ्यो। अनिभाकोमा आइपुग्दा मैले घरको ढोका खुल्लै देखें। भित्र बत्ती बलिरहेको थियो।

अनिभा कोठामा एक्लै थिइन्। दुइटी छोरी अर्को कोठामा निदाएका थिए। भित्रै पसेर मैले अनिभालाई जरुरी काम छ भन्दै बाहिर बोलाएँ। यो कुरा अनिभाकी १६ वर्षीया छोरी गोमतीले पनि थाहा पाइसकिछ। सायद त्यो बेला रातिको २ बजेको हुँदो हो।

मैले अलिक टाढै लैजान खोजेको थिएँ। तर, अनिभाले मानिन। त्यसपछि त्यही उखुबारीको छेउमा लगेर जबरजस्ती करणी गरें। त्यसक्रममा अनिभाले गाली गर्दै प्रतिकार गरेपछि मैले ढुंगाले टाउकोमा प्रहार गरेर घाइते पारिदिएँ।

दुई पटक ढुंगाले हानेपछि अनिभा भुइँमा लडेर छटपटाएकी थिई। म नजिकै रहेको खरले अनिभालाई छोपेर उसकै घरतर्फ लागें। मेरा लुगा हराएकाले म खोज्न उसको घरतर्फ गएको थिएँ। पाइन्ट र एउटा चप्पल मात्रै मैले घटनास्थलमा भेटेको थिएँ। बाँकी लुगा अनिभाकै घरमा छाडेको मलाई लागेको थियो। 

त्यहाँ पनि मैले मेरा लुगा भेटिनँ। हातमा लागेको रगत पखालें। घर नजिकै डिलमा बसेर गोमती मोबाइल चलाइरहेकी थिई। उसले आमालाई फोन गरिरहेकी रहिछ। मैले घटनबारे थाहा पाई भन्ठाने र उसले प्रहरीलाई खबर गरिरहे झैँ लाग्यो। 

त्यसपछि प्रहरीलाई खबर गर्ने डरले  मैले गोमतीको हातबाट मोबाइल खोस्न खोजें। दुवै हात समातेर मोबाइल खोस्न खोज्दा गोमती भाग्न सफल भई। भाग्दै खोला पारी पुगेपछि म फेरि फर्किएँ र अनिभालाई गहुँको नल थपेर आगो लगाइदिएँ।

अनिभाले लगाएका सुनका गहना पहिले नै गोजीमा राखिसकेको थिएँ। गोजीमै सलाई भएकाले कुनै प्रमाण नरहोस् भनेर मैले अनिभाको जिउँदो शरीरमा आगो लगाएको हुँ। छटपटाउँदै गरेकी अनिभालाई आगो लगाएर म भागेँ।

अभियुक्तलाई सार्वजनिक गर्दै प्रहरी।
भोजबहादुरले यसरी आफूले अपराध गरेको स्वीकारिसकेका छन्। त्यसपछि खाली खुट्टा घर पुगेर चप्पल र सर्ट लगाएर आफू फरार भएको र उक्त कुरा परिवारले थाहा नपाएको उनले बयान दिएका थिए।

गोमती अत्तालिँदै भाउजुको घरमा पुगेपछि होहल्ला भएको थियो। त्यसपछि आफन्तहरू उठेको र केही पर आगो बलिरहेको देखेको पाइएको प्रहरीको भनाइ छ। गोमती र गाउँकै केही मान्छे आगो बलिरहेको ठाउँमा पुगेका थिए। त्यहाँ अनिभा जलिरहेकी थिइन्। उनको एक हात र खुट्टा पूर्ण रुपमा जलिसकेको र शरीरको अन्य भाग जल्दै गरेको देखेपछि गाउँलेले प्रहरीलाई खबर गरेका थिए।

बलिरहेको आगोको बाहिर हात देखियो र त्यसपछि छोरी गोमती बेहोस भइन्। गाउँलेले प्रहरीलाई खबर गरे। प्रहरी पुगेर अनुसन्धान सुरु गर्‍यो। घटनामा संलग्न व्यक्तिबारे गाउँलेलाई जानकारी भएकाले प्रहरीलाई अभियुक्त खोज्नुपर्ने चुनौती थियो। भोजराज गाउँबाट भागिसकेकाले प्रहरीले त्यो दिन भेट्टाउन सकेन। 

शव पोस्टमार्टम र अभियुक्तको खोजी सँगै सुरु भयो। त्यही दिन गाउँलेले शव पोस्टमार्टमका लागि सदरमुकाम लगे। प्रहरीले अघिल्लो दिन भोजराजसँगै रक्सी खाने दुई जनालाई पक्राउ गर्‍यो। तर अनुसन्धानका क्रममा उनीहरूको संलग्नता देखिएन।

भोजराज भने त्यो दिनभरि बैतडीको गन्नाको बाटो हुँदै पुर्तौडी हाटतर्फ गएको सुइँको प्रहरीले पायो। उनी त्यहाँबाट ढोल्या मोडको नजिकको गाउँमा पुगे। पक्राउ पर्ने डरले उनी गाउँतिर गएनन्। जंगलतिरै फर्किए। त्यसरात जंगलमै रुखमा बसे। भोलिपल्ट बझाङतिर जाँदै गर्दा उनी सडकमा निस्किए। दिउँसो १२ बजेतिर सडकमा निस्किनासाथ उनलाई प्रहरीले पक्राउ गर्न सफल भयो।

दार्चुला ल्याएर प्रहरीले अनुसन्धान सुरु गर्‍यो। २५ दिन लामो अनुसन्धानपछि प्रहरीले अनुसन्धान प्रतिवेदन जिल्ला सरकारी वकिल कार्यालयमा बुझायो। भोजराजले पनि उक्त क्रूर हत्यामा अरू कसैको पनि संलग्नता नरहेको बताए। रक्सीको मातमा रहेका भोजराजले भाउजूमाथि बलात्कार मात्रै गरेनन्। जिउँदै जाएर क्रुर अपराध गरेको पुष्टि भयो।

भोजबहादुर चमेली हाइड्रोपावरका सुरक्षा गार्ड थिए। अनिभाका श्रीमान् ७ वर्षपहिले नै बितेका थिए। उनका तीन छोरी र एक छोरा छन्। जेठी छोरीको विवाह भइसकेको छ। छोरा कामका लागि भारतको बेंग्लोरमा थिए।

१२ वर्षीया कान्छी छोरी भने आमाको हत्या हुँदा घरमै निदाइरहेकी थिइन्। उनले घटनाबारे पछिमात्रै थाहा पाइन्। उक्त घटनाले सिंगो गाउँलाई नै शोकमा छ।


प्रकाशित: July 3, 2022 | 14:03:10 काठमाडौं, आइतबार, असार १९, २०७९

तपाईं को प्रतिक्रिया

तपाईं को प्रतिक्रिया

ट्रेंडिंग

कांग्रेस केन्द्रीय समितिमा थपिँदै आठ महिला

संविधानअनुसार अहिले कांग्रेसको केन्द्रीय समितिमा महिलाको संख्या ३३ प्रतिशत नपुगेका कारण ३३ प्रतिशत पु¥याउन आठ जनालाई केन्द्रीय समितिमा मनोनयन गर्न लागिएको हो।

पञ्चायती व्यवस्थाका हार्डलाइनर मरीचमानको अविचलित राष्ट्रवाद

तीन दशक लामो पञ्चायती व्यवस्थाका अन्तिम प्रधानमन्त्री मरीचमान सिंह २०४६ को बहुदलीय व्यवस्थाका कारण राजा वीरेन्द्रबाट बर्खास्तीमा परे। त्यो समय कसैसँग नझुक्ने अडान लिएर बसेका मरीचमान भारतको नाकाबन्दी, जनआन्दोलनको उभारलगायत यिनै र यस्तै घटनाक्रमले कतै नायक बने, कतै खलनायक।

आरजुबारे देउवाको त्यो वचन तर यो प्रयास!

पार्टी सञ्चालनका सन्दर्भमा होस् वा सरकार सञ्चालनमै पनि किन नहोस्, आरजु हावी भइरहेकी छन्। यसलाई राजनीतिक जानकारहरुले देउवाको उत्तराधिकारी हुने प्रयासका रुपमा बुझेको देखिन्छ।

प्रचण्डसामु बाबुरामको 'बाध्यात्मक शरण'

सात वर्षअघि माओवादी विचारधाराको औचित्य समाप्त भएको घोषणा गरेर कम्युनिस्ट विचारधारा पूर्ण रूपमा त्यागेको बताएका बाबुराम नयाँ पार्टी खोलेर पनि राजनीति उँभो लाग्ने छनक नदेखिएपछि प्रचण्डतिरै लहसिनुपर्ने बाध्यतामा पुगेका छन्।

२०७४ मा जसले जिताए, तिनै बन्नेछन् विष्णु पौडेलको तगारो

रुपन्देहीको निर्वाचन क्षेत्र नम्बर २ बाट लगातार पछिल्ला ३ निर्वाचन जितेका विष्णु पौडेल नै एमालेबाट निर्विकल्प उम्मेदवार हुन्। पौडेलले २०६४, २०७० र २०७४ को निर्वाचनमा क्रमशः भक्ति पाण्डे, डा. बाबुराम भट्टराई र युवराज गिरीलाई हराएका थिए।

राष्ट्रपतिद्वारा नागरिकता विधेयक फिर्ता : अब के हुन्छ?

यसअघि तत्कालीन प्रधानमन्त्री केपी शर्मा ओलीले ल्याएको नागरिकता अध्यादेश भने जारी गरेकी थिइन्। असंवैधानिक रुपमा संसद् विघटन गर्दै ल्याएको नागरिकता अध्यादेश जारी गरेकी राष्ट्रपति भण्डारीले संसद्‌बाट पारित गरेको विधेयक भने फिर्ता गरेकी हुन्।

तालाबन्दी र तोडफोडले बिगारेको त्रिवि : माग एउटा, नियत अर्कै!

पछिल्लो समय भने तालाबन्दी राजनीतिक पाटोसँग भन्दा पनि लेनदेनको पाटोसँग जोडिएको उपप्राध्यापक रेशम थापा बताउँछन्। ‘पहिला राजनीतिक कारण हुन सक्थ्यो। तर, हिजोआज यो बिल्कुल आर्थिक पाटोसँग जोडिएको छ। लनेदेनको कुरा मिले ताला खुल्छ। नत्र लागिबस्छ,’ थापाले भने।

नयाँ तलबमान र ग्रेड लागू गर्ने मन्त्रिपरिषद्को निर्णय

सरकारले सबै राष्ट्र सेवक कर्मचारीहरूको नयाँ तलबमान र ग्रेड स्वीकृत गरेको छ।

यी ३२ निर्वाचन क्षेत्र, जहाँ गठबन्धनलाई पर्न सक्छ सिट बाँडफाँटमा सकस

२०७४ मा बाम गठबन्धन बनाएर संघीय सांसद भएकाहरू दल बदल र पाँच दलीय गठबन्धनभित्र समेटिएपछि आउँदो चुनावमा कांग्रेसका आकांक्षी उम्मेदवार र सत्ता साझेदार दलका नेताहरू आ–आफ्नो दाबीसहित टिकटका लागि दौडधुप गर्दै छन्।

यी कांग्रेस नेता जो अहिले गुमनाम छन्

गुमनाम नेताको अग्रपंक्तिमा छन्- पूर्वमहामन्त्री तारानाथ रानाभाट, केबी गुरुङ, पूर्वमन्त्री बलदेब शर्मा मजगैया, विनयध्वज चन्द।

थप समाचार

नेपाल समय
समाज

बलात्कार मुद्दामा फसाउने धम्की दिएर १२ लाख असुली, ४ महिला र १ पुरुष पक्राउ

दाङको नारायणपुरका एक व्यवसायीलाई बलात्कारको धम्की दिएर १२ लाख असुली गरेको आरोपमा चार महिलासहित पाँच जना पक्राउ परेका छन्।
नेपाल समय
समाज

१६ दिनदेखि आन्दोलनरत मिटरब्याज पीडित भन्छन्- न्याय नपाएसम्म फर्कन्‍नौं, बालुवाटारमै धर्ना दिन्छौं

आन्दोलनको क्रममा बिरामी भएर उपचार गरेर फर्किएकी अम्बिकाकुमारी भन्छिन्, 'माग पूरा भएको छैन, हामी यसै पनि मरेको छौँ। बरु सडकमै मरौंला तर न्याय नपाएसम्म अब फर्किन्‍नौं।'
नेपाल समय
समाज

पाटनमा श्रीकृष्णाष्टमी पर्वको रौनक

बिहीबार मध्यरातदेखि नै मेला भर्न भक्तजन कृष्ण मन्दिर आउने भएकाले आवश्यक तयारी थालिएको हो।
नेपाल समय
समाज

नागरिकता विधेयक सहमतिकै दस्तावेज हो : सांसद विश्वकर्मा

पूर्व फर्किंदा एकखाले, पश्चिम फर्कंदा अर्को खाले, उत्तर फर्किंदा एउटा, दक्षिण फर्किंदा अर्को राष्ट्रियता देख्न नहुने नेता विश्वकर्माको तर्क।
नेपाल समय
समाज

नागरिकताजस्तो संवेदनशील विषयमा जनमत विभाजित नगर्न एमाले नेता ज्ञवालीको खबरदारी

बहुमतको आधारमा नागरिकता विधेयक जबर्जस्ती पारित गरिए त्यसको परिणाम राम्रो नहुने नेता ज्ञवालीको चेतावनी।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना