बिहीबार, भदौ २, २०७९

गायिका सुनार मृत्यु प्रकरण : प्रेमीले फालेको सल नालीमा भेटियो, पोस्टमार्टम रिपोर्ट कुर्दै प्रहरी

अनिल यादव  |  काठमाडौं, आइतबार, असार १२, २०७९

अनिल यादव

अनिल यादव

आइतबार, असार १२, २०७९, काठमाडौं

नेपाल समय
मृतक दिलमाया सुनार।

काठमाडौं- शनिबार बिहान आफ्नै डेरामा मृत भेटिएकी लोकदोहोरी गायिका दिलमाया सुनारले घाटीमा पासो लगाउन प्रयोग गरिएको भनिएको सल भेटिएको छ। सुनारको मृत्युपछि पक्राउ परेका सूर्य श्रेष्ठसँगको प्रारम्भिक सोधपुछका क्रममा उनले बताएकै लोकेसनमा प्रहरीले सल फेला पारेको हो। 

सुनार मृत भेटिएको अघिल्लो रात उनको डेरामा श्रेष्ठ पनि सँगै रहेको थाहा पाएपछि प्रहरीले उनलाई पक्राउ गरेको थियो। प्रहरीको प्रारम्भिक सोधपुछका क्रममा श्रेष्ठले बिहान आफू ब्युझिँदा गायिका सुनार सलले पासो लगाएको अवस्थामा मृत देखेको बयान दिएका छन्। ‘मैले हल्का पिएको थिएँ, त्यसैले निदाएछु। त्यसपछि के भयो थाहा भएन। बिहान उठ्दा उसलाई मरेको अवस्थामा देखेर आत्तिएँ। त्यही डरले उनको घाँटीमा रहेको सल महाराजगञ्जतिर नालीमा लगेर फालेँ,’ श्रेष्ठले प्रहरीसँग यस्तै बयान दिएको अनुसन्धानमा खटिएका एक प्रहरी अधिकृतले बताए। 

उपत्यका अपराध अनुसन्धान कार्यलयका प्रवक्ता एसपी कृष्ण कोइरालाका अनुसार उनले भनेकै लोकेसनमा सल फेला परेको छ। ‘महाराजगञ्ज र धुम्बाराहीको बीचतिरको नालीमा फालेको अवस्थामा सल भेटियो तर सुनारले प्रयोग गरेको मोबाइल अझै फेला परेको छैन,’ एसपी कोइरालाले भने, ‘श्रेष्ठले पनि मोबाइलबारे आफूलाई थाहा नभएको बताइरहेका छन्। घटना शंकास्पद देखिन्छ। हामी अनुसन्धानकै चरणमा छौं। पोस्टमार्टमा रिपोर्ट साँझ या भोलिसम्म आउँला। त्यहाँबाट हत्या हो या आत्महत्या, धेरै कुरा खुल्नेछ।’

प्रहरीको प्रारम्भिक अनुसन्धानले गायिका सुनारको डिभोर्सपछि उनी श्रेष्ठसँग करिब डेढ वर्षयता ‘लिभिङ टुगेदर’मा बस्दै आएको देखिएको छ। नेपालटारस्थित उनको डेरामा श्रेष्ठको आउजाउ बाँक्लै थियो। 

गायिका सुनार मृत भेटिनुको अघिल्लो रातको १ बजेर २० मिनेटमा उनले आफ्नो फेसबुकमा ‘म थाकेँ, धेरै थाकेँ , अब बाँच्न सक्दिनँ’ भन्दै लामो सुसाइड नोट लेखेकी थिइन्। धेरै अशुद्ध रहेको उक्त स्टाटस उनी आफैले लेखेकी हुन्/होइनन्, प्रहरीले त्यो पाटोमा पनि अनुसन्धान गरिरहेका छ। ‘उनका पुराना पोस्ट पनि शुद्धसँग लेखिएको देखिएन तर राति स्टाटस लेखिएको मोबाइल बिहान उनको कोठा नभेटिनु शंकास्पद छ,’ अनुसन्धानमा संलग्न एक प्रहरी अधिकारीले बताए।

सुनारको स्टाटस देखेपछि उनका फ्यानले बिहानै घरबेटी सर्वोत्तम श्रेष्ठलाई फोन गरेका थिए। त्यसपछि घरबेटी सुनारको कोठामा पुग्दा ढोका खुल्लै थियो, सुनारको खाटमा घोप्टो परेको अवस्थामा मृत थिइन्। घाँटीमा निल डाम थियो तर आत्महत्या या हत्याका लागि प्रयोग गरिएका कुनै वस्तु थिएनन्। ढोका खुल्ला हुनु, मोबाइल र पासो लगाइएको सल नहुनुले उनको मृत्युलाई रहस्यमय बनाएको हो। 

सुनारले मध्यरातमा फेसबुकमा लेखेको सुसाइड नोट: 

नमस्कार  सबै जनामा र सबैलाई मिठो सम्झना छ। यो जिन्दगिको उतारचढाव धेरै भोगेँ तर जब म जान्ने भएँ, अनि म एक्लो भएँ। कसैको माया पाउन जति कोसिस गरे पनि सकिनँ।  तर पनि हार खाइनँ तर अहिले  धेरै गाह्रो भयो । म बाचेर पनि दिनदिनै मर्न सकिनँ। आमा तिम्री छोरी धेरै थाकिछे। जीन्दगीको मोड धेरै अप्ठेरा आए। पार पनि गरेँ। जसलाई राम्रो गर्छु भनेपनि भएन ।  म कहाँ जाऊ आमा दुख पोख्न ? माइत आउँ भनी तिम्लाई थाछ सबै कुरा,  भित्र भित्रै मोरेर बाँचेछु ।  आमा, म नभएर के भो त, चार बहिनी छोरीहरु छन्,  मन बुझाउनु होला । नरुनु आमा।

छोरा, तिमीलाई धेरै पढाउने र असल मान्छे बनाउने मन थियो। तर  सकिनँ।  तिमी जसरी भएपनि  ठुलो मान्छे बन्नु है । म नभए पनि मेरो आर्शिवाद सधैँ तिमीसित हुनेछ। बहिनी हर्ष आमालाई गालि नगर्नु । आमा बाच्दासम्म मेरो कमी हुन नदिनु  । मेरो गीत जहाँ छ, जति छ बजारमा ल्याइदिनु, जसले भएपनि। 

म थाकेँ, धेरै थाकेँ। अब म बाच्न सक्दिनँ। यो दुनियाँ   धरै स्वार्थी छ।  र, म आफ्नो इच्छाले यो कदम उचालेकी छु।  कसैलाई दोष छैन। कसैले खोजीनिती पनि नगर्नु र मलाई पोष्टमार्डम पनि नगर्नु । मसित पैसा छैन। मसित थोरै सुन छ। त्यो सुन बेचेर पैसा मेरो छोरालाई दिनु। घरबेटीहरुलाई कसैले केही नगर्नु । र, अरुलाई पनि कसैले केही नगर्नु । मेरो लास जसरी हुन्छ, घरसम्म पु¥याइ दिनु। अप्ठेरोमा मेरो छोरालाई हेर्दिनु। 

छोरा चिन्ता नगर्नु है। यही सम्झिनु, मेरो आमा सानैमा मरेको हो । मन बुझाउनु। मलाई सबैले कायर भन्नुहुन्छ होला र मलाई बाँच्न अति गाह्रो भयो । कतिबेला के हुन्छ, थाहा छैन मेरो जीवन। (अशुद्ध शब्दहरुलाई सम्पादन गरिएको छ।)

स्टाटस नै शंकास्पद 

सुसाइड नोटजस्तो देखिने मृतक सुनारको फेसबुक स्टाटस नै शंकास्पद देखिएको छ। राति उनकै कोठामा रहेको भनिएका श्रेष्ठले त्यहीँ भएर पनि केही थाहा पाइनँ र मोबाइलबारे केही जानकारी छैन भन्नुले पनि घटनालाई शंकास्पद बनाएको हो। ‘मेरो पोस्टमार्टम नगर्नुजस्ता शब्दहरु स्टाटसमा छन्। यसले पनि शंका उत्पन्न गराएको छ,’ अनुसन्धानमा संलग्न एक प्रहरी अधिकारीले भने। 


यो पनि


प्रकाशित: June 26, 2022 | 17:18:30 काठमाडौं, आइतबार, असार १२, २०७९

तपाईं को प्रतिक्रिया

तपाईं को प्रतिक्रिया

ट्रेंडिंग

कांग्रेस केन्द्रीय समितिमा थपिँदै आठ महिला

संविधानअनुसार अहिले कांग्रेसको केन्द्रीय समितिमा महिलाको संख्या ३३ प्रतिशत नपुगेका कारण ३३ प्रतिशत पु¥याउन आठ जनालाई केन्द्रीय समितिमा मनोनयन गर्न लागिएको हो।

पञ्चायती व्यवस्थाका हार्डलाइनर मरीचमानको अविचलित राष्ट्रवाद

तीन दशक लामो पञ्चायती व्यवस्थाका अन्तिम प्रधानमन्त्री मरीचमान सिंह २०४६ को बहुदलीय व्यवस्थाका कारण राजा वीरेन्द्रबाट बर्खास्तीमा परे। त्यो समय कसैसँग नझुक्ने अडान लिएर बसेका मरीचमान भारतको नाकाबन्दी, जनआन्दोलनको उभारलगायत यिनै र यस्तै घटनाक्रमले कतै नायक बने, कतै खलनायक।

आरजुबारे देउवाको त्यो वचन तर यो प्रयास!

पार्टी सञ्चालनका सन्दर्भमा होस् वा सरकार सञ्चालनमै पनि किन नहोस्, आरजु हावी भइरहेकी छन्। यसलाई राजनीतिक जानकारहरुले देउवाको उत्तराधिकारी हुने प्रयासका रुपमा बुझेको देखिन्छ।

प्रचण्डसामु बाबुरामको 'बाध्यात्मक शरण'

सात वर्षअघि माओवादी विचारधाराको औचित्य समाप्त भएको घोषणा गरेर कम्युनिस्ट विचारधारा पूर्ण रूपमा त्यागेको बताएका बाबुराम नयाँ पार्टी खोलेर पनि राजनीति उँभो लाग्ने छनक नदेखिएपछि प्रचण्डतिरै लहसिनुपर्ने बाध्यतामा पुगेका छन्।

२०७४ मा जसले जिताए, तिनै बन्नेछन् विष्णु पौडेलको तगारो

रुपन्देहीको निर्वाचन क्षेत्र नम्बर २ बाट लगातार पछिल्ला ३ निर्वाचन जितेका विष्णु पौडेल नै एमालेबाट निर्विकल्प उम्मेदवार हुन्। पौडेलले २०६४, २०७० र २०७४ को निर्वाचनमा क्रमशः भक्ति पाण्डे, डा. बाबुराम भट्टराई र युवराज गिरीलाई हराएका थिए।

राष्ट्रपतिद्वारा नागरिकता विधेयक फिर्ता : अब के हुन्छ?

यसअघि तत्कालीन प्रधानमन्त्री केपी शर्मा ओलीले ल्याएको नागरिकता अध्यादेश भने जारी गरेकी थिइन्। असंवैधानिक रुपमा संसद् विघटन गर्दै ल्याएको नागरिकता अध्यादेश जारी गरेकी राष्ट्रपति भण्डारीले संसद्‌बाट पारित गरेको विधेयक भने फिर्ता गरेकी हुन्।

तालाबन्दी र तोडफोडले बिगारेको त्रिवि : माग एउटा, नियत अर्कै!

पछिल्लो समय भने तालाबन्दी राजनीतिक पाटोसँग भन्दा पनि लेनदेनको पाटोसँग जोडिएको उपप्राध्यापक रेशम थापा बताउँछन्। ‘पहिला राजनीतिक कारण हुन सक्थ्यो। तर, हिजोआज यो बिल्कुल आर्थिक पाटोसँग जोडिएको छ। लनेदेनको कुरा मिले ताला खुल्छ। नत्र लागिबस्छ,’ थापाले भने।

नयाँ तलबमान र ग्रेड लागू गर्ने मन्त्रिपरिषद्को निर्णय

सरकारले सबै राष्ट्र सेवक कर्मचारीहरूको नयाँ तलबमान र ग्रेड स्वीकृत गरेको छ।

यी ३२ निर्वाचन क्षेत्र, जहाँ गठबन्धनलाई पर्न सक्छ सिट बाँडफाँटमा सकस

२०७४ मा बाम गठबन्धन बनाएर संघीय सांसद भएकाहरू दल बदल र पाँच दलीय गठबन्धनभित्र समेटिएपछि आउँदो चुनावमा कांग्रेसका आकांक्षी उम्मेदवार र सत्ता साझेदार दलका नेताहरू आ–आफ्नो दाबीसहित टिकटका लागि दौडधुप गर्दै छन्।

यी कांग्रेस नेता जो अहिले गुमनाम छन्

गुमनाम नेताको अग्रपंक्तिमा छन्- पूर्वमहामन्त्री तारानाथ रानाभाट, केबी गुरुङ, पूर्वमन्त्री बलदेब शर्मा मजगैया, विनयध्वज चन्द।

थप समाचार

नेपाल समय
समाज

बलात्कार मुद्दामा फसाउने धम्की दिएर १२ लाख असुली, ४ महिला र १ पुरुष पक्राउ

दाङको नारायणपुरका एक व्यवसायीलाई बलात्कारको धम्की दिएर १२ लाख असुली गरेको आरोपमा चार महिलासहित पाँच जना पक्राउ परेका छन्।
नेपाल समय
समाज

१६ दिनदेखि आन्दोलनरत मिटरब्याज पीडित भन्छन्- न्याय नपाएसम्म फर्कन्‍नौं, बालुवाटारमै धर्ना दिन्छौं

आन्दोलनको क्रममा बिरामी भएर उपचार गरेर फर्किएकी अम्बिकाकुमारी भन्छिन्, 'माग पूरा भएको छैन, हामी यसै पनि मरेको छौँ। बरु सडकमै मरौंला तर न्याय नपाएसम्म अब फर्किन्‍नौं।'
नेपाल समय
समाज

पाटनमा श्रीकृष्णाष्टमी पर्वको रौनक

बिहीबार मध्यरातदेखि नै मेला भर्न भक्तजन कृष्ण मन्दिर आउने भएकाले आवश्यक तयारी थालिएको हो।
नेपाल समय
समाज

नागरिकता विधेयक सहमतिकै दस्तावेज हो : सांसद विश्वकर्मा

पूर्व फर्किंदा एकखाले, पश्चिम फर्कंदा अर्को खाले, उत्तर फर्किंदा एउटा, दक्षिण फर्किंदा अर्को राष्ट्रियता देख्न नहुने नेता विश्वकर्माको तर्क।
नेपाल समय
समाज

नागरिकताजस्तो संवेदनशील विषयमा जनमत विभाजित नगर्न एमाले नेता ज्ञवालीको खबरदारी

बहुमतको आधारमा नागरिकता विधेयक जबर्जस्ती पारित गरिए त्यसको परिणाम राम्रो नहुने नेता ज्ञवालीको चेतावनी।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना