सोमबार, असोज १७, २०७९

रहस्यमय बन्दै गायिका सुनारको मृत्यु, मध्यरातमा फेसबुक 'सुसाइड नोट' तर मोबाइल गायब

नेपाल समय  |  काठमाडौं, आइतबार, असार १२, २०७९

नेपाल समय

नेपाल समय

आइतबार, असार १२, २०७९, काठमाडौं

नेपाल समय
मृतक दिलमाया सुनार।

काठमाडौं- शनिबार बिहान आफ्नै डेरामा मृत भेटिएकी लोकदोहोरी गायिका दिलमाया सुनारको मृत्यु शंकास्पद देखिएको छ। अघिल्लो रात फेसबुकमा ‘सुसाइड नोट’ लेखेकी सुनारको अहिलेसम्म मोबाइल र पासो लगाएको कुनै सल नभेटिनुले उनको मृत्यु शंकास्पद देखिएको हो। 

‘घटना शंकास्पद देखिएको छ। मृतक डिप्रेसनमा थिइन् भन्ने पनि आएको छ। तर परिस्थितिले त्यो मात्रै देखाउँदैन। त्यसैले हामी विभिन्न कोणबाट अनुसन्धान गर्दैछौं,’ उपत्यका अपराध अनुसन्धान कार्यलयका प्रमुख एसएसपी वसन्त कुँवरले भने।  

गायिका सुनार मृत भेटिएको दिनभन्दा अघिल्लो रात १ बजेर २० मिनेटमा उनले आफ्नो फेसबुकमा ‘म थाकेँ, धेरै थाकेँ , अब बाँच्न सक्दिनँ’ भन्दै लामो नोट लेखेकी थिइन्। धेरै अशुद्ध रहेको उक्त स्टाटस उनी आफैँले लेखेकी हुन्/होइनन्, प्रहरीले त्यो पाटोमा पनि अनुसन्धान गरिरहेका छ। ‘उनका पुराना पोस्ट पनि शुद्धसँग लेखिएको देखिएन, तर राति स्टाटस लेखिएको मोबाइल बिहान उनको कोठा नभेटिनु शंकास्पद छ,’ अनुसन्धानमा संलग्न एक प्रहरी अधिकारीले भन्छन्। 

शनिबार नेपालस्टारस्थित आफ्नो कोठाको खाटमा पल्टिरहेको अवस्थामा मृतक सुनारको शव भेटाएको थियो। राष्ट्रिय लोकदोहोरी प्रतिष्ठानका केन्द्रीय सचिव कृष्ण रेउलेले घाँटीमा निलडाम, खुट्टामा घाउ भएको अवस्थामा शव भेटिनु तर माबोइल नभेटिनुले घटना रहस्यमय देखिएको बताए। ‘उनी हालै हामीले आयोजना गरेको राष्ट्रिय दोहोरी गीत प्रतियोगितामा उत्कृष्ट नवगायिका विधा अन्तर्गत अवार्ड जितेकी प्रतिभा हुन्,’ सचिव रेउलेले भने, ‘सम्भावना बोकेकी गायिका थिइन्। तर, अचानक रहस्यमय मृत्यु सुन्दा हामी स्तब्ध छौं। प्रहरीलाई निष्पक्ष छानबिनका लागि माग गरेका छौं।’ 

सुनार श्रीमानसँग डिभोर्स गरेर डेरामा एक्लै बस्दै आइरहेकी थिइन्। अनुसन्धानको क्रममा प्रहरीले यतिबेला सुनारसँग निकट सम्बन्ध मानिएका एक जनालाई नियन्त्रणमा लिएको छ। सूर्य श्रेष्ठ नाम गरेका ती व्यक्ति शनिबार बिहान मृतकको कोठामा पुगेको समेत देखिएको छ। 

मृतक सुनुवारको निष्पक्ष छानबिनको माग गर्दै महानगरीय प्रहरी वृत्त बालाजुमा सयौं दोहोरी कलाकार पुगेका छन्। त्यहाँ सुर्खेतबाट आएका मृतकको परिवार प्रहरीमा जाहेरी दिने तयारी गरिरहेको बुझिएको छ। 

सुनारले मध्यरातमा फेसबुकमा लेखेको सुसाइड नोट:  

नमस्कार, सबै जनामा र सबैलाई मिठो सम्झना छ। यो जिन्दगीको उतारचढाव धेरै भोगेँ तर जब म जान्ने भएँ, अनि म एक्लो भएँ। कसैको माया पाउन जति कोसिस गरे पनि सकिनँ। तर पनि हार खाइनँ, अहिले  धेरै गाह्रो भयो। म बाचेर पनि दिनदिनै मर्न सकिनँ। आमा तिम्री छोरी धेरै थाकिछे। जिन्दगीको मोड धेरै अप्ठेरा आए। पार पनि गरेँ। जसलाई राम्रो गर्छु भनेपनि भएन। म कहाँ जाउँ आमा दुख पोख्न? माइत आउँ भनी तिमीलाई थाहा छ सबै कुरा, भित्रभित्रै मोरेर बाँचेछु। आमा, म नभएर के भो त! चार बहिनी छोरी छन्, मन बुझाउनू होला। नरुनू आमा।

छोरा, तिमीलाई धेरै पढाउने र असल मान्छे बनाउने मन थियो। तर सकिनँ। तिमी जसरी भएपनि ठूलो मान्छे बन्नु है। म नभए पनि मेरो आर्शिवाद सधैँ तिमीसित हुनेछ। बहिनी हर्ष आमालाई गाली नगर्नू। आमा बाँच्दासम्म मेरो कमी हुन नदिनू। मेरो गीत जहाँ छ, जति छ बजारमा ल्याइदिनू, जसले भएपनि। 

म थाकेँ, धेरै थाकेँ। अब म बाच्न सक्दिनँ। यो दुनियाँ धरै स्वार्थी छ। र, म आफ्नो इच्छाले यो कदम उचालेकी छु। कसैलाई दोष छैन। कसैले खोजीनीति पनि नगर्नू र मलाई पोष्टमार्टम पनि नगर्नू। मसित पैसा छैन। मसित थोरै सुन छ। त्यो सुन बेचेर पैसा मेरो छोरालाई दिनू। घरबेटीहरुलाई कसैले केही नगर्नू। र, अरुलाई पनि कसैले केही नगर्नू। मेरो लास जसरी हुन्छ, घरसम्म पुर्‍याइदिनू। अप्ठेरोमा मेरो छोरालाई हेर्दिनू। 

छोरा चिन्ता नगर्नू है। यही सम्झिनु, मेरो आमा सानैमा मरेको हो। मन बुझाउनू। मलाई सबैले कायर भन्नुहुन्छ होला र मलाई बाँच्न अति गाह्रो भयो। कतिबेला के हुन्छ, थाहा छैन मेरो जीवन। (अशुद्ध शब्दलाई सम्पादन गरिएको छ।)

स्टाटस नै शंकास्पद 
सुसाइड नोटजस्तो देखिने मृतक सुनारको फेसबुक स्टाटस नै शंकास्पद देखिएको छ। कतै उनको हत्या पश्चात हत्याराले नै स्टाटस लेखेर मोबाइल गायब बनाएको त होइन, प्रहरीले यो कोणबाट पनि अनुसन्धान गरिरहेको बुझिएको छ। ‘मेरो पोष्टमार्टम नगर्नू जस्ता शब्दहरु स्टाटसमा छन्। यसले पनि शंका उत्पन्न गराएको छ,’ अनुसन्धानमा संलग्न एक प्रहरी अधिकारीले भने। 


प्रकाशित: June 26, 2022 | 15:19:11 काठमाडौं, आइतबार, असार १२, २०७९

तपाईं को प्रतिक्रिया

ट्रेंडिंग

युक्रेनका ४ क्षेत्र गाभेको औपचारिक घोषणा गर्दै रुस

युक्रेनका लुहान्स्क, दोनत्स्क, जापोरिज्जिया र केरसन क्षेत्रलाई रुसमा गाभ्ने घोषणा गर्न लागिएको छ। 'क्रेमलिन दरबारमा स्थानीय समयअनुसार दिउँसो ३ बजे ती ४ क्षेत्र रुसमा गाभिएको घोषणा हुनेछ,' क्रेमलिन प्रवक्ता दिमित्री पेस्कोभले भनेका छन्।

पाँच दलको सिट भागबण्डा अन्तिम चरणमा [सूचीसहित]

लामो समयको गृहकार्यपछि धेरैजसो निर्वाचन क्षेत्रको भागबण्डा मिलेको छ तर केहीमा भने किचलो कायमै छ।

सोलुको सकस: कांग्रेस नछाड्ने, माओवादी नमान्ने

२०७४ को चुनावमा जितेकाले आफैंले पाउनुपर्ने माओवादीको अडान छ। यस पटक गठबन्धनले चुनाव लड्ने हुँदा सोलुखुम्बु आफूले पाउनुपर्ने दाबी कांग्रेसले गरिरहेको छ।

समानुपातिक सूची परिवर्तन नभए आफैँ संघर्षमा उत्रने शेखर-गगनको चेतावनी

समान अवसर र न्यायका लागि विरोध र संघर्षका कार्यक्रम गर्दै आएका आफूनिकट नेताहरूसँग छलफल नेता कोइराला र महामन्त्री थापाले यस्तो बताएका हुन्। बत्तिसपुतलीस्थित अनुपम फुडल्यान्डमा असन्तुष्ट नेताहरुसँग उनीहरूले छलफल गरेका हुन्।

भीम रावल पार्टी सम्पर्कमा नआएपछि ओलीको सोधीखोजी

४ मंसिरमा हुने निर्वाचनका लागि एमाले जिल्ला कमिटीले अछाम क्षेत्र–१ बाट रावललाई मात्र सिफारिस गरे पनि पछिल्लो समय पार्टी सम्पर्कमा नआएपछि के भएको हो भनेर बुझ्न सुदूरपश्चिम एमाले नेताहरु पुगे ओली निवास।

सिभिल र हिमालयन मर्ज भएपछि ६ महिनामा 'सिनर्जी' आउँछ : सुनील पोखरेल [अन्तर्वार्ता]

हिमालय बैंक लिगेसी बोकेको पुरानो बैंक हो। हामीसँग साना तथा मझौला प्रकृतिको बिजनेस छ। हिमालयनको ठूला र कर्पोरेट बिजनेस छ। हाम्रा स-साना ग्राहक छन् तर उसका ठूला ग्राहक छन्।

आजदेखि निर्वाचन आचारसंहिता लागु : के गर्न पाइन्छ, के पाइँदैन?

आगामी मंसिर ४ गते हुने प्रदेश तथा प्रतिनिधिसभा निर्वाचनका लागि आचारसंहिता बुधारदेखि लागु गरिएको छ।

अलमुताइरीप्रति कप्तान किरणको अझै गुनासो, भने - व्यक्तिका लागि भन्दा पनि देशका लागि खेल्छौं

नेपाल राष्ट्रिय फुटबल टोलीका कप्तान किरण चेम्जोङले प्रशिक्षक अबदुल्ला अलमुताइरीले आफूलाई टिमबाट निकालेकोमा दुखेसो पोखेका छन्। व्यवसायिक फुटबलका क्रममा भारतमा रहेका किरण बंगलादेशसँगको मैत्रीपूर्ण खेलका लागि नेपाल आएका हुन्।

मोरङ-३ : चुनावमा प्रभाव पार्ने यस्तो छ मेडिकल कलेज कनेक्सन

सुनिल शर्माले आफ्नो नोबेल मेडिकल कलेजमार्फत राजनीतिक प्रभाव बढाएका छन्। निर्वाचन क्षेत्रमा नागरिकको निःशुल्क र कम शुल्कमा उपचारको व्यवस्था मिलाएर उनले मतदाताको प्रभाव बढाएका हुन्। उता राष्ट्रिय प्रजातन्त्र पार्टी (राप्रपा) बाट उम्मेदवार बन्ने तयारीमा रहेकी रेखा थापाले पनि अभियान तीव्र बनाएकी छिन्।

मधेसवादी दलको कमजोरीमा 'जाल' थाप्दै एमाले!

मधेसवादी दलका एजेन्डाहरू पहिलेभन्दा कमजोर बन्दै गएपछि सत्ताको लोभ गर्नेहरू राजनीतिक सुरक्षाका निम्ति एमाले प्रवेश गरिरहेका छन् भने एमालेले पनि मधेसवादी दलको कमजोरीको फाइदा उठाएको राजनीतिक विश्लेषण गरिँदै छ।

थप समाचार

नेपाल समय
समाज

दसैं-तिहारसँगै डुंगा व्यवसायी व्यस्त

आन्तरिक र बाह्य पर्यटकको आगमन बढेसँगै डुंगा चालकहरू चाडपर्वका लागि पैसा जोहो गर्ने सुरसारमा छन्।
नेपाल समय
समाज

अर्घाखाँचीमा सुत्केरीलाई निःशुल्क एम्बुलेन्स

गाउँपालिकाका सुत्केरीलाई एम्बुलेन्सको भाडा तिर्नु नपर्ने पाणिनी गाउँपालिकाका प्रमुख प्रशासकीय अधिकृत हुमलाल भुसालले जानकारी दिए।
नेपाल समय
समाज

तनहुँ प्रशासनद्वारा हातहतियार बुझाउन आग्रह

प्रशासन कार्यालयले एक सूचना जारी गरी निर्वाचनलाई स्वतन्त्र, निष्पक्ष, भयरहित र विश्वसनीय वातावरणमा सम्पन्न गराउन इजाजतप्राप्त हातहतियार बुझाउन आग्रह गरेको हो।
नेपाल समय
समाज

काभ्रेमा निर्वाचन तयारी तीव्र

सदरमुकाम धुलिखेलमा मुख्य निर्वाचन अधिकृतको कार्यालय तथा प्रतिनिधिसभा क्षेत्र नं १ अन्तर्गत पनौतीमा र प्रतिनिधिसभा क्षेत्र नं २ अन्तर्गत धुलिखेलमा निर्वाचन अधिकृतको कार्यालय स्थापना गरिएको हो।
नेपाल समय
समाज

काठमाडौं उपत्यका छाड्नेको भीड

आइतबार फुलपातिको दिन पनि दसैँ मान्न गाउँ जानेहरुको भीड लागेको छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना