सोमबार, असार १३, २०७९

लागू औषध ब्युरोको यस्तो अपेरसन जसले धमाधम समात्दैछ हेरोइन कारोबारी

नेपाल समय  |  काठमाडौं, बिहीबार, असार ९, २०७९

नेपाल समय

नेपाल समय

बिहीबार, असार ९, २०७९, काठमाडौं

नेपाल समय

काठमाडौं– अपरेसन ह्वाइट डस्ट। प्रहरीको लागू औषध नियन्त्रण ब्युरोले केही समयअघि सुरु गरेको एउटा गोप्य र महत्वपूर्ण अपरेसन। नेपाललाई ट्रान्जिट बनाएर विदेशबाट ठूलो मात्रामा लागू औषध हेरोइनको कारोबार भइरहेको सूचना पाएपछि ब्युरो झस्किएको थियो।

कसरी समात्ने गिरोहलाई?

प्रहरीले यो अपरेसन अन्तर्गत सबैभन्दा सुरुमा पुराना केसका फाइल पल्टाउन थाल्यो। यसअघि पक्राउ परेकाहरुको तस्कर शैली र उनीहरुको पृष्ठभूमिबाट अध्ययन सुरु भयो। एकातिर ‘क्रिमिनिल प्रोफाइलिङ’ अनि अर्कोतिर त्यसकै आधारमा खोजी–निगरानी। सादा पोशाकमा ब्युरोका टोलीहरु त्रिभुवन विमानस्थलमा कडा निगरानीसहित खटिन थालेका थिए। 

यही मिहेनतका बीच प्रहरीले गत साता अहिलेसम्मकै इतिहासमा सबैभन्दा धेरै हेरोइन बरामद गर्यो। प्रहरीले सात जना दक्षिण अफ्रिकी नागरिकबाट ५१ किलो हेरोइन बरामद गरेको थियो। जसमा ४९ किलो सेतो र दुई किलो खैरो हेरोइन थियो। 

पक्राउ पर्ने सातै जना अफ्रिकी महिला छन्। प्रहरीको प्रारम्भिक अनुसन्धान अनुसार मार्केटिङ, डेलिभरीजस्ता पेशामा संलग्न ती महिलाहरुलाई गिरोहहरुले प्रयोग गर्नुको कारण महिलाप्रति कम शंका हुनाले कारोबार सुरक्षित हुन्छ भन्ने विश्वास नै हो। 

तर, लागूऔषध ब्युरोले त्यो विश्वास ‘फेल’ खुवाइदियो। यति ठूलो परिमाणको हेरोइन पक्राउपछि गत बिहीबार ब्युरोले पत्रकार सम्मेलन गर्दैगर्दा ब्युरोका प्रमुख एसपी जीवनकुमार श्रेष्ठले भनेका थिए, ‘हाम्रो अपरेसन जारी छ, सक्किएको छैन।’ 

प्रहरीले यो अपरेसन अन्तर्गत सबैभन्दा सुरुमा पुराना केसका फाइल पल्टाउन थाल्यो। यसअघि पक्राउ परेकाहरुको तस्कर शैली र उनीहरुको पृष्ठभूमिबाट अध्ययन सुरु भयो। एकातिर ‘क्रिमिनिल प्रोफाइलिङ’ अनि अर्कोतिर त्यसकै आधारमा खोजी–निगरानी।

नभन्दै यही जारी अपरेसन अन्तर्गत ब्युरोले पुनः तीन जना विदेशी र एक जना नेपाली नागरिक सार्वजनिक गरेको छ। एसपी श्रेष्ठका अनुसार उनीहरुलाई करिब ५ किलो हेरोइनसहित असार २ गते नै पक्राउ गरिएको हो तर केही अनुसन्धान बाँकी रहेकाले आज बिहीबार सार्वजनिक गरिएको हो। पक्राउ पर्नेहरुमा एक जना अफ्रिकन, दुई जना भारतीय र एक जना नेपाली नागरिक छन्। पक्राउ पर्नेमा ३० वर्षीय तान्जानियन नागरिक अब्बु लिकी अब्दल्लाह, भारतीय नागरिक ४३ वर्षीय विक्रम जित सिंह र ४६ वर्षीय मुनिम सिंह, ३० वर्षीय नेपाली नागरिक बिकी रौनियार रहेका छन्।

नेपाललाई ट्रान्जिट बनाएर भारतमा कारोबार!

सात अफ्रिकी महिलालाई पक्राउ गरिएकै बेला प्रहरीको प्रारम्भिक अनुमान थियो, बरामद गरिएका हेरोइन पक्कै भारत पुर्याइन्छ। यसका लागि नेपाल त ट्रान्जिट पोइन्टमात्रै रहेको खुलेको थियो। पछिल्लो केसमा दुइ भारतीय नागरिक पक्राउ परेपछि प्रहरीको त्यो अनुमानमा झन् बल पुगेको छ। 

‘पक्राउ परेका दुई भारतीय नागरिक खरिदकर्ता जस्तो देखिएको छ,’ ब्युरोका प्रमुख एसपी श्रेष्ठले भने, ‘उनीहरु लागू औषध लिनलाई भारतको हरियाणाबाट गाडी नै लिएर आएको अवस्था छ, उनीहरुसँगको प्रारम्भिक सोधपुछ र अन्य विविध परिस्थितिजन्य पाटो केलाउँदा यहाँ ल्याइएका हेरोइन भारतमै कारोबारका लागि लगिने तयारीमा थियो भन्ने अनुमान गर्न सकिन्छ। थप प्रष्ट हुन हामी अनुसन्धानकै चरणमा छौं।’

प्रहरीले सुरुमा अफ्रिका महाद्वीपका पूर्वी भागमा पर्ने तान्जानियाका नागरिक अब्बलिकी अब्दल्लाहलाई पक्राउ गरेको थियो। असार २ गते ८ः४० बजे उनी त्रिभुवन अन्तराष्ट्रिय विमानस्थालमा ओर्लिएका थिए। यता सात दक्षिण अफ्रिकी महिला पक्राउपछि प्रहरीले अफ्रिकाबाट आउने मानिसहरुप्रति निगरानी बढाएको थियो। अब्ल्लाह नोटिस्डमा पर्ने नै भए। एयरपोर्टमा ओर्लनेबित्तिकै त्यहाँ खटिएको प्रहरीले टोलीले उनलाई फलो गर्यो। 

उनको गतिविधि शंकास्पद देखेपछि पिछा गर्न छाडेन। पिछा गर्दैगर्दै प्रहरी टोली बौद्धको एक होटलसम्म पुग्यो। त्यहाँ पुगेर खानतलासी गर्दा आशंका त सही देखियो, उनले बोकेको सुटकेसभित्र पिँधमा लुकाएको अवस्थामा ५ किलो ९ सय ग्राम हेरोइन पो रहेछ।

त्यसपछि थप सोधपुछ गर्दै जाँदा उक्त लागू औषध लिन पक्राउ परेका दुई जना भारतीय नागरिक गाडीसहित आएको देखियो। ‘कसैलाई भरिया, कसैलाई मालिक भन्ने भन्दा पनि यी सबै लागू औषध कारोबारमा संलग्न गिरोहका सदस्य नै देखिन्छन्,’ एसपी श्रेष्ठले भने। 

पछिल्लो समय बरामद भएको हेरोइनको अवैध बजारमा मूल्य एक अर्बभन्दा माथि छ। एक ग्रामकै २० हजार पर्ने प्रहरीको भनाइ छ। पछिल्लो पक्राउको परिमाण हेर्दा नेपाललाई ट्रान्जिट बनाएर भारतमा कारोबार गर्न गिरोहहरुले सहज ठान्ने गरेको देखिन्छ। तर लागू औषध ब्युरो गिरोहको पिछा गर्न छाडेको छैन। ‘हाम्रो अपरेसन रोकिनेवाला छैन,’ एसपी श्रेष्ठले भने। 


प्रकाशित: June 23, 2022 | 19:54:36 काठमाडौं, बिहीबार, असार ९, २०७९

तपाईं को प्रतिक्रिया

तपाईं को प्रतिक्रिया

ट्रेंडिंग

चन्द्रागिरिको जंगलमा हराएका तीन विदेशी भीरमा भेटिए

उक्त स्थान थानकोटबाट करिब सात किलोमिटर टाढा थानकोट–चित्लाङ सडकखण्ड नजिक रहेको प्रहरीले जनाएको छ।

...अनि पटक-पटक मर्ने प्रयास गरेकी थिइन् दिलमायाले

‘त्यसबेला मेरो छोरो पाँच वर्षको थियो। म माइतीको शरणमा गएको थिएँ। तर माइतीले पनि नहेरेपछि मर्छु भनेर बाबुलाई घरमै छोडेर जंगलभित्र गा'को थिएँ। तर जंगलमा ३ घन्टा रुँदैरुँदै बिताएर घर फर्किएँ। बच्चाले दुःख पाउँछ भनेर मर्न सकिनँ...

गायिका सुनार मृत्यु प्रकरण : प्रेमीले फालेको सल नालीमा भेटियो, पोस्टमार्टम रिपोर्ट कुर्दै प्रहरी

प्रहरीको प्रारम्भिक अनुसन्धानले गायिका सुनारको डिभोर्सपछि उनी श्रेष्ठसँग करिब डेढ वर्षयता ‘लिभिङ टुगेदर’मा बस्दै आएको देखिएको छ। नेपालटारस्थित उनको डेरामा श्रेष्ठको आउजाउ बाँक्लै थियो।

कांग्रेसभित्र यसरी 'फ्रन्ट डोर' ढकढक्याउँदैछन् विनोद चौधरी

म कांग्रेस एकदमै कमजोर भएको अवस्थामा प्रवेश गरेको हुँ। मेरो बाँकी राजनीतिक जीवन कांग्रेसमै बित्छ। कांग्रेसमै रहेर पार्टी र देशका लागि केही गर्ने हो। परिवर्तन ल्याउन भूमिका खेल्ने हो। म मेरो योजनामा असफल भएँ भने राजनीतिमा विश्राम लिएर आराम गरेर बस्छु।

गोर्खा सैनिकको सम्झनामा त्यो फोकल्यान्ड युद्ध

‘बिहानको १० बजेसम्म घाम देखिँदैन। जताततै तिखा चट्टान, ढुंगा र घासे मैदान। चार मोजा र बुट लगाउँदा सम्म नथेगिने चिसो। घरिपानी, घरि असिना, घरि हिउँ। रुखपात छैन, झारपात मात्र कस्तो ठाउँ होला!’

नेपालबाट बेलायत जाने मौसमी कामदार बढे, सरकार भन्छ- ऐनले चिन्दैन

कोराना महामारीपछिको अर्थतन्त्रलाई ट्रयाकमा ल्याउन बेलायत सरकारले विभिन्न मुलुकबाट मौसमी रोजगारका लागि आवेदन मागिरहेको छ। तर नेपालको श्रम ऐनमा मौसमी रोजगारसम्बन्धी व्यवस्था नहुँदा नेपाली श्रमिकलाई अप्ठेरो पारिरहेको छ।

साडियो माने : धुलाम्य मैदानदेखि लिभरपुलको लोभलाग्दो रवाफसम्म

बाल्यावस्थादेखि बलसँगै लडिबुडी गरेका मानेले फुटबलमा पाएको जादूयी सफलतापछि जन्मथलो बम्बालीमा उम्रिँदै छन् सयौं मानेहरू।

'मानवताको सहर' बुटवलमा दलितले कोठा भाडा पाउँदैनन्

जातका आधारमा हुने विभेदलाई कानुनले निषेध गरेको र बुटवलमा मानव भएर बाँच्न मानवताको सहर नारा तय गरिए पनि त्यसैलाई खिल्ली उडाउँदै जातीय भेदभावको घटना सार्वजनिक भएको हो।

रवि लामिछाने र रमेश खरेलबीच सहकार्यको विषयमा छलफल

नवगठित राष्ट्रिय स्वतन्त्र पार्टीका अध्यक्ष रवि लामिछाने र नेपाल सुशासन पार्टीका अध्यक्ष रमेश खरेलबीच भेटवार्ता भएको छ।

राष्ट्रिय स्वतन्त्र पार्टीले आज पत्रकार सम्मेलन गर्ने

रवि लामिछाने नेतृत्वको राष्ट्रिय स्वतन्त्र पार्टीले आज पत्रकार सम्मेलन गर्ने भएको छ।

थप समाचार

नेपाल समय
समाज

दुई करोडको 'डिल' गर्ने न्यायाधीश कोइरालालाई काम गर्न रोक

सिभिल बचत तथा ऋण सहकारी संस्था लिमिटेडका सञ्चालक इच्छाराज तामाङलाई धरौटीमा छुटाउन दुई करोडको डिल गरेको आरोपमा विवादमा तानिएका जिल्ला अदालत काठमाडौंका न्यायाधीश राजकुमार कोइरालालाई कामकाज गर्न रोक लगाइएको छ।
नेपाल समय
समाज

कोटेश्‍वरमा पैदल यात्रुलाई ठक्कर दिएको हायस ट्रकमा ठोक्कियो, एक जनाको मृत्यु

कोटेश्वरमा सोमबार साँझ सवारी दुर्घटना हुँदा एक जनाको मृत्यु भएको छ। दुर्घटनामा एक जनाको मृत्यु भएको छ भने अर्का एक घाइते भएका छन्।
नेपाल समय
समाज

काठमाडौं महानगरका सडकमा खानेकुरा बेच्‍न प्रतिबन्ध

हैजा खानेकुरा र पानीबाट सर्ने भएकोले खानेकुरा तथा पानीको शुद्धतालाई निगरानी गरिने मेयर बालेन शाहले बताएका छन्। उनले महानगरले सडकमा खानेकुरा बिक्री गर्न नदिन नेपाल प्रहरीसँग सहकार्य गरिनेसमेत बताएका छन्।
नेपाल समय
समाज

नाबालिगविरुद्ध २७ वर्षीया विवाहित महिलाको बलात्कार मुद्दा, तर अदालतले पत्याएन

बलात्कृत भएकी भनिएकी महिलाको घरमा टिभी मर्मत गर्न पुगेका नाबालिगले सहमतिमै शारीरिक सम्पर्क गरेको बयान दिएपछि जबर्जस्ती करणीको मुद्दामा न्यायाधीशले सुनाए अचम्मको फैसला।
नेपाल समय
समाज

गायिका सुनारको हत्या आरोपमा पक्राउ श्रेष्ठलाई अनुसन्धान गर्न ५ दिनको म्याद थप

गायिका दिलमाया सुनारको मृत्यु शंकास्पद देखिएपछि पक्राउ परेका उनका प्रेमी खिलबहादुर श्रेष्ठको अनुसन्धानका लागि अदालतलबाट ५ दिनको म्याद थप भएको छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना