शुक्रबार, साउन २७, २०७९
नेपाल समय

'यो देशमा ब्युटी पेजेन्ट किन चाहियो र'

दिलीप कुँवर  |  काठमाडौं, बुधबार, जेठ ११, २०७९
दिलीप कुँवर

दिलीप कुँवर

काठमाडौं, बुधबार, जेठ ११, २०७९

काठमाडौं– यतिबेला नेपालमा हुँदै आएका–हुने गरेका विभिन्न सौन्दर्य प्रतियोगिताको बहस सतहमा आएको छ। 

हालै एक युवतीले ८ वर्षअघि सौन्दर्य प्रतियोगिताको नाममा आफूमाथि बलात्कार भएको घटना सार्वजनिक गरेपछि ‘ब्युटी पेजेन्ट’को बहस सतहमा आएको हो। युवतीले टिकटकमा भिडियो क्लिपहरु पोस्ट गर्दै मिस ग्लोबल नेपाल इन्टरनेसनल प्रतियोगिताका आयोजक मनोज पाण्डेले आफूमाथि ६ महिनासम्म बलात्कार गरेको बताएकी छन्।

यससँगै सौन्दर्य प्रतियोगिताको बहसले अब सामाजिक सञ्जालबाट संसदीय समिति र संसद् बैठकमा समेत प्रवेश पाएको छ। सोमबार प्रतिनिधिसभा अन्तर्गत महिला तथा सामाजिक समितिको बैठकले तत्कालका लागि कुनै पनि ‘ब्युटी पेजेन्ट’ सञ्चालन गर्न नदिन सरकारलाई निर्देशन दिएको छ। बैठकले बलात्कारका घटनामा प्रचलित कानुन अनुसार एक वर्षे हदम्यादको व्यवस्था पुनरावलोकन गर्नसमेत कानुन, न्याय तथा संसदीय मामिला मन्त्रालय, गृह मन्त्रालय र महिला, बालबालिका तथा ज्येष्ठ नागरिक मन्त्रालयलाई निर्देशन दिएको छ। 

यस्तो अवस्थामा हाल चलिरहेका तथा सञ्चालनको तयारीमा रहेका विभिन्न सौन्दर्य प्रतियोगिता के होलान्? यसबारे चासो बढेको छ। 

मौन आयोजक 

नेपालको सबैभन्दा ठूलो सौन्दर्य प्रतियोगिता मानिने ‘मिस नेपाल’ को ग्रान्ड फिनाले आगामी असार ४ गतेका लागि तय भएको छ। हरेक वर्ष आयोजना हुने मिस नेपालको मुख्य आयोजक हिडन ट्रेजर हो। मिस नेपाल २०२२ का लागि आयोजकले अन्तिम २८ जना प्रतिस्पर्धी समेत छनोट गरिसकेको छ। 

यस वर्ष झन् मिस नेपालको इतिहासमै सबैभन्दा धेरै करिब ८ सय जनाले आवेदन दिएका थिए। त्यसबाट १९६ जनाले मात्रै अडिसन दिने मौका पाए। अहिले आयोजकले २८ जना छानेर ग्रान्ड फिनालेको लागि तालिम दिइरहेको छ। यस वर्षको अडिसन किन पनि रोचक थियो भने आयोजकले पहिलोपटक कर्णाली प्रदेशको सुर्खेत पुगेर पनि अडिसन लिएको थियो। यससँगै सातै प्रदेशमा अडिसन गरियो। 

तर सोमबार प्रतिनिधिसभा अन्तर्गतको महिला तथा सामाजिक समितिको बैठकले भने तत्कालका लागि कुनै पनि ‘ब्युटी पेजेन्ट’ गर्न नदिन सरकारलाई निर्देशन दिइसकेको छ। अब असारमा हुन लागेको ‘मिस नेपाल’को ग्रान्ड फिनाले के होला? यसबारे नेपाल समयले आयोजकसँग बुझ्न खोजेको थियो। तर हिडन ट्रेजरका निर्देशक प्रमोद कंसाकार केही बोल्नै चाहेनन्। 

‘मिस युनिभर्स नेपाल २०२२’ लागि पनि यतिबेला आवेदन खुला नै छ। असार १६ गतेसम्म युवतीहरुले आवेदन दिनसक्ने बताइएको छ। राम्रो प्लेटफर्म दाबी गर्ने यस प्रतियोगिताको आयोजना भने उमंग क्रिएसन प्रालिले गरेको हो। प्रतियोगिताका लागि भइरहेका तयारी तत्काल आफूहरुले नरोक्ने आयोजकले बताएको छ। 

सौन्दर्य प्रतियोगितामाथि सरकारले प्रतिबन्ध लगाउँदैछ भन्ने खबर आफूहरुले पनि सामाजिक सञ्जालबाटै थाहा पाएको आयोजक तथा निर्देशक उद्धव अधिकारीले बताए। उनले नेपाल समयसँग भने, ‘मलाई यसबारे आधिकारिक जानकारी छैन, मैले पनि यसबारे समाचार पढेरै थाहा पाएको हुँ। यदि प्रतिबन्ध नै लगाउने भने सरकारले हामीलाई जानकारी देला नै, गम्भीर भएर सोच्नुपर्छ।’ 

‘प्रतिबन्ध लगाउने कुरा छोटो लुगा लगाउँदा रेप हुन्छ भनेजस्तै हो’

गायिका तथा मोडल समृद्धि राई सौन्दर्य प्रतियोगितालाई औधी ठूलो ‘प्लेफर्म’का रुपमा नलिन युवतीहरुलाई आग्रह गर्छिन्। सौन्दर्य प्रतियोगितामाथि प्रतिबन्ध लगाउँदा यौनजन्य घटना कम हुने कुरामा भने उनको शंका नै छ। भन्छिन्, ‘ब्युटी पेजेन्टमा भाग लिएपछि वा जितेपछि युवतीहरुले के–के न पाइएला, के–के न भइएला भनेर धेरै अपेक्षा गर्छन्। त्यस्तो अत्यधिक कसैले सोच्नु पर्दैन। युवतीहरुले फेरि यस्ता प्रतियोगितालाई ठूलो प्लेटफर्मको रुपमा लिन्छन्।’

एउटी युवतीलाई अरु युवतीहरुकै अगाडि उभ्याएर उसको सुन्दरतालाई मूल्यांकन गर्नु मूर्खता मात्र रहेको समृद्धिको तर्क छ। उनले सुनाइन्, ‘मैले १८ वर्ष हुँदा मिस टिनमा भाग लिएँ। पछि मिस नेपालमा पनि भाग लिएँ। टप पाँचमा समेत परेको थिएँ। त्यतिबेला मलाई मिस टुरिजमको ट्याग भिराइदिएर बाएस्ड गरियो। र पनि मलाई केही भएन। त्यसपछि मैले बल्ल बुझेँ, सौन्दर्य प्रतियोगिता भनेको के रहेछ भनेर।’

सौन्दर्य प्रतियोगिताहरुको बाहिरी आवरण र भित्री अनुहार एउटै नहुने समृद्धि बताउँछिन्। उनले थपिन्, ‘पछिल्लो समय एक युवतीले ८ वर्षअघिको घटना सार्वजनिक गरिन्। उनले साहस गरेर भनिन्, हामीले साथ दिनुपर्छ। ती बहिनी एउटा प्रतिनिधि पात्र हुन्, अरु कति छन् कति। फेरि यसो भन्दैमा सबै आयोजकलाई दोष दिन भने मिल्दैन।’ 

सौन्दर्य प्रतियोगितामाथि प्रतिबन्ध लगाउनुभन्दा पनि सरकारले ठोस संरचना, नीति र मापदण्ड बनाउनुपर्ने उनको ठम्याइ छ। ‘नत्र प्रतिबन्ध लगाउने कुराचाहिँ छोटो लुगा लगाउँदा रेप हुन्छ भनेजस्तै हो, बरु कडा नीति र कारवाही आवश्यक छ’, उनले भनिन्। 

कलाकार प्रशान्त ताम्राकार भने ब्युटी पेजेन्टको क्षेत्रलाई सरकारले खासै चासो नदिएको बताउँछन्। पछिल्लो समय त्यस्ता कार्यक्रमले भित्र्याइरहेको विकृतिलाई सरकारले निगरानीमा राख्नुपर्ने उनको भनाइ छ। उनले भने, ‘यस्ता प्रकृतिका कार्यक्रमहरुको लागि सरकारले कार्यान्वयवनमा ल्याउन सजिलो हुने गरी नीति र मापदण्ड निर्माण गरिदिनुपर्छ। त्यसो भइदियो भने बल्ल यो क्षेत्रले सकारात्मक क्षेत्राधिकार ठूलो बनाउँछ।’

सरकारले यस्ता कार्यक्रमका सकारात्मक र नकारात्मक पक्षबारे राम्ररी जानेर ठोस संरचना बनाइदिनुपर्ने उनको तर्क छ। उनले थपे, ‘मैले आजसम्म दर्जनौं ब्युटी पेजेन्टको लागि काम गरेको छु। मैले आफैँ कोरियोग्राफी पनि गरेँ, निर्णायकमा बसेँ। तर, मैले मेरो आँखा अगाडि कहिल्यै यौन दुर्व्यवहारलाई संकेत गर्ने घटना भएन। म संग्लन नभएका अन्य त्यस्ता कार्यक्रमहरुमा भएको भए त म जान्दिनँ। तर आजसम्म मेरो आँखा अगाडि कहिल्यै त्यस्तो भएन।’ 

महिला सांसदको फरक मत

‘ब्युटी पेजेन्ट’ र हदम्यादको कानुनी व्यवस्थाबारे महिला सांसदहरु नै पक्ष–विपक्षमा तर्क गर्न थालेका छन्। प्रतिनिधिसभा अन्तर्गतको महिला तथा सामाजिक समिति बैठकमा भएका छलफललाई आधार मान्ने हो भने महिला सांसदहरुको नै एकमत कायम हुन सकेको छैन।

बैठकमा नेपाली कांग्रेसकी सांसद पुष्पा भुसालले बलात्कार जस्तो संवेदनशील घटनामा मुद्दा दर्ताको लागि एक वर्षे हदम्याद खारेज गर्नुपर्ने तर्क गरिन्। बलात्कारको घटना गम्भिर मानवताविरुद्धको अपराध भएको ठहर गर्दै उनले यस्ता घटनाका पीडितलाई न्याय दिन हदम्यादको कुनै अर्थ नहुने तर्क सुनाइन्। यौनजन्य दुर्घटनाहरु निम्त्याउन सक्ने सौन्दर्य प्रतियोगितामाथि सरकारले निगरानी राख्नुपर्ने उनको भनाइ थियो। 

कांग्रेसकी सांसद भुसालले यस्तो तर्क राखिरहँदा एमालेकी सांसद थममाया थापाले भने ठाडै असहमति जनाइन्। बलात्कारको घटनामा अनुसन्धानका लागि एक वर्षे हदम्याद कायमै राख्नुपर्ने सांसद थापाको तर्क थियो। साथै, सौन्दर्य प्रतियोगिताहरुले नेपाललाई अन्तर्राष्ट्रिय मञ्चमा पुर्याउन सजिलो भएको उनको भनाइ थियो।   

माओवादी केन्द्रकी सांसद अमृता थापामगरले सरकारले सौन्दर्य प्रतियोगितामाथि नै प्रतिबन्ध लगाउनुपर्ने बताइन्। उनले सरकारसँग प्रश्न गरिन्, ‘सौन्दर्य प्रतियोगिता नगरेर राष्ट्रलाई कति घाटा भएको छ र?’ सौन्दर्य प्रतियोगितामाथि सरकारले प्रतिबन्ध लगाउनुपर्ने उनको जोड थियो।

यो पनि

तपाईं को प्रतिक्रिया

तपाईं को प्रतिक्रिया

ट्रेंडिंग

निर्मला प्रकरण : 'शंकास्पद दोषी' विष्टको बचाउ गर्ने परिवार नै पीडित!

निर्मला हत्या प्रकरणमा प्रहरीले विष्टलाई दोषी करार गर्न खोजेको थियो। आरोप विष्टले स्वीकार पनि गरेका थिए। तर स्थानीयले विष्टको मानसिक सन्तुलन ठीक नभएको र प्रहरीले ‘भीआईपी’ अपराधी जोगाउन ‘निर्दोष’लाई 'बलिको बोको' बनाउन खोजेको भन्दै आन्दोलन गरेका थिए। त्यो भीडमा विष्टबाट यतिबेला दुर्व्यवहार भोगेकी किशोरीको परिवार पनि सहभागी थियो।

०६४ सालमा केपी ओलीलाई हराएका लिङ्देन खोज्दैछन् अर्को 'चान्स'

२०६४ सालको चुनावमा केपी ओलीलाई झापा क्षेत्र नम्बर ५ बाट हराएर चर्चामा आएका लिङ्देन पुनः उनैसँग आउँदो मंसिरको निर्वाचनमा भिड्ने मुडमा छन्।

'सहायक श्रीमान'ले जित्यो उत्कृष्ट डकुमेन्ट्री अवार्ड

अमेरिकाको एटलान्टामा अगस्त ४ देखि ७ सम्म भएको आठौं कब इन्टरनेसनल फिल्म फेस्टिभलमा पाण्डे निर्देशित ‘को–हजबेन्ड’लाई उत्कृष्ट अन्तर्राष्ट्रिय डकुमेन्ट्री फिल्म घोषणा गरिएको हो।

पञ्चायत र प्रजातन्त्रमा चुनाव गराएका सूर्यप्रसाद श्रेष्ठ, जसले बिर्सन सक्दैनन् यस्ता घटना

२०४३ को राष्ट्रिय पञ्चायतको चुनाव र प्रजातन्त्र पुनर्स्थापछिको बहुदलीय चुनाव गराउने अवसर पाएर राजा, कांग्रेस, कम्युनिस्टको रोजाइमा परेका पूर्वनिर्वाचन आयुक्त हुन् सूर्यप्रसाद श्रेष्ठ।

धरातल बिर्सिएका हुन् त धराने मेयरले?

मेयर साम्पाङका हरेक गतिविधि अपरिपक्व लाग्ने गरेका छन्। नीति निर्माण तहमा रहेका उनी घरी रुने, घरी केटाकेटी पाराले सामाजिक सञ्जालमा प्रस्तुत हुने बानीले कार्यपालिका सदस्यहरु आफूहरुलाई लाज लाग्ने गरेको बताउँछन्।

गाउँपालिकासँगको विवादले दुई ठूला सिमेन्ट उद्योगको उत्पादन प्रभावित, गुम्दै करोडौं राजस्व

कपुरकोट गाउँपालिकाले क्लिंकर उत्पादनमा प्रयोग हुने कच्चा पदार्थ चुनढुंगा बोक्ने टिपर सञ्चालनमा अवरोध गरेपछि दुई महिनादेखि सिमेन्ट उत्पादन प्रभावित भएको हो।

त्यसैले विश्वविद्यालयजस्तो छैन त्रिवि

राजनीतिक दलहरूको संगठित दोहन र आन्दोलनका नाममा विद्यार्थी संगठनहरूको निरन्तरको बार्गेनिङले त्रिविलाई खोक्रो बनाइरहेको छ।

प्रकाशमानले भने- फर्स्ट म्यान बनेर देशको विकास गर्ने चाहना छ

नेपाली कांग्रेसका नेता प्रकाशमान सिंहले प्रधानमन्त्री बनेर नेपालको विकास गर्ने चाहना प्रकट गरेका छन्।

कथा, किंवदन्ती र रीतिरिवाजको संयोजन रातो मच्छिन्द्रनाथलाई आँखैअगाडि कोर्दा...

रातो मच्छिन्द्रनाथको रथ निर्माणलाई प्रत्यक्ष हेरेरै १९ वटा चित्र कोरेकी सुशीलाले १६ चित्र भने १६ दिन लगातार बनाएकी थिइन्। उडान सीमाभन्दा बाहिर शीर्षक दिएर उनका चित्रलाई गत १७ जुलाईबाट म्युजियम अफ नेपाली आर्टले प्रदर्शनीमा ल्याएको छ।

काठमाडौं उपत्यकामा भूकम्पको धक्का महसुस

काठमाडौं उपत्यकामा भूकम्पको धक्का महसुस भएको छ।

थप समाचार

नेपाल समय
समाज

प्रहरी निर्वाचनतर्फ केन्द्रित : एक लाख २० हजार म्यादी प्रहरीको प्रस्ताव

सरकारले प्रतिनिधिसभा सदस्य र प्रदेशसभा सदस्यको पहिलो हुने निर्वाचित हुने निर्वाचन प्रणाली तथा समानुपातिक निर्वाचन प्रणालीतर्फको निर्वाचन आगामी मङ्सिर ४ गते आइतबारका लागि घोषणा गरेसँगै मुलुकभर निर्वाचन केन्द्रित गतिविधि सुरु भएका छन्।
नेपाल समय
समाज

१०० दिनमा आईजीपी सिंहले भने - प्रहरीको सरूवा, बढुवा र कार्यसम्पादन मूल्यांकन पारदर्शी हुन्छ

प्रहरी महानिरीक्षक धीरजप्रताप सिंहले प्रचलित कानूनको अधीनमा रही नेपाल सरकार र प्रहरी संगठनको नीति तथा उद्देश्यअनुरूप प्रभावकारीरूपमा पुलिसिङ गर्नु नेपाल प्रहरीको मुख्य कार्य रहेको बताएका छन्।
नेपाल समय
समाज

कोही किन मिटरब्याजीको चंगुलमा फस्छ?

मिटरब्याज पीडित नवलपरासी सुस्तापूर्वका किसान महातम चमार भन्छन्, ‘सबै प्रक्रिया पुर्‍याए पनि हामीलाई बैंकले ऋण दिँदैन। तर साहुले सजिलै दिन्छन्। अनि बाध्य भएर मिटरब्याजमा साहुसँगै ऋण लिनुपर्छ।’
नेपाल समय
समाज

बालेन शाह र काठमाडौंको फोहोर

बालेन्द्र काठमाडौंको फोहोर व्यवस्थापन नहुने बेलासम्म माला, खादा नलगाउने बोलीमा अडिग रहेका छन्। भित्रैदेखि समस्याको समाधान खोज्ने लडाइँ लडिरहेका देखिन्छन्।
नेपाल समय
समाज

मिटरब्याज पीडितलाई आईजीपीले भने– जाहेरी दिनुस्, प्रहरीले कारबाही गर्छ

प्रहरी महानिरीक्षक धिरजप्रताप सिंहले मिटरब्याजमा ऋण दिएर चर्को ब्याज असुल्नेलाई कारवाही हुने बताएका छन्।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना