बिहीबार, जेठ १२, २०७९
नेपाल समय

१० दिनअघि साथीसँग 'मर्छु होला' भनेकी थिइन्, आज आफ्नै कोठामा मृत भेटिइन्

अनिल यादव  |  काठमाडौं, मंगलबार, वैशाख २७, २०७९
अनिल यादव

अनिल यादव

काठमाडौं, मंगलबार, वैशाख २७, २०७९

काठमाडौं– नेपाल प्रहरीकी भारोत्तोलन खेलाडी टीका गुरुङ यतिखेर काठमाडौं महाराजगन्जस्थित नेपाल पुलिस एकेडेमीमा ‘स्ट्यान्डबाइ’ ड्युटीमा छिन्। तर, उनका ओठ, खुट्टाहरु सबै काँपिरहेका छन्। बिहान आफूसँगै खेलेकी खेलाडी सञ्जु चौधरीलाई ललितपुरस्थित लुभुमा आत्महत्या गरेको अवस्थामा देखेर आएपछि उनका आँखा ओभाउन सकेका छैनन्।

टीकाले जिस्किँदै भनेजस्तो लागेका गम्भीर कुराहरु सम्झनामा आइरहेका छन् अहिले। वैशाख १७ गते अर्थात् १० दिनअघि मात्रै ५५ केजी समूहमा सञ्जु एसियाली खेलकुदका लागि छनोट भएकी थिइन्। त्यसको भोलिपल्टै एकजना साथीको घरमा जमघट राखिएको थियो। जहाँ सञ्जुसँग टीकासहित अन्य साथीहरुले सँगै खाना खाएका थिए। पहिलेभन्दा निकै दुब्लाएकी थिइन् सञ्जु। टीकाका अनुसार उनीभित्र धेरै तनाव भएजस्तो देखिन्थ्यो। ‘कहिले म त मर्छु होला भन्थिन्, कहिले म त अब के गर्ने होला भन्दै चिन्ता पोखिरहेकी थिइन्,’ त्यो जमघट सम्झँदै टीकाले भनिन्, ‘हामी त जिस्केजस्तो लागिरहेको थियो, तर साँच्चिकै पो सुसाइड गरिछिन्।’

बिहान आफूसँगै खेलेकी खेलाडी सञ्जु चौधरीलाई ललितपुरस्थित लुभुमा आत्महत्या गरेको अवस्थामा देखेर आएपछि उनका आँखा ओभाउन सकेका छैनन्।

त्यतिबेला टीका लगायत साथीहरुले ‘के भयो, किन यस्तो कुरा गरेको’ भनेर नखोतलेका होइनन्। तर, ‘पर्सनल म्याटर’ भन्दै उनी खुल्न चाहिनन्। त्यसो त सञ्जु पहिलैदेखि आफ्नो निजी कुरा खासै खोल्न चाहन्थिनन्। ६ महिनाअघि प्रहरीको जागिर छाड्दा पनि उनले त्यसको कारण साथीहरुसँग भन्न चाहिनन्। ‘हामीले खेल सँगै खेल्यौँ, दुःखसुख धेरै सँगै बाँड्यौं,’ ड्युटीमा उभिइरहेकी टीकाले हामीसँग भनिन्, ‘निकै सहयोगी भावनाकी थिइन्। मलाई थाहा नभएका कुराहरु सिकाउँथिन्। उस्तै मिहिनेति थिइन्, राम्रो खेल्थिन्, अरु त के भनुँ...!।’ त्यसपछि उनको गला अवरुद्ध भयो। 

१३ औं दक्षिण एसियाली खेलकुदमा नेपालका लागि ऐतिहासिक स्वर्ण पदक जितेपछि सबैको नजरमा परेकी थिइन्, सञ्जु। क्रिकेट, दौड, लङजम्प हुँदै भारोत्तलनसम्मको यात्रा तय गरेकी थिइन् उनले। बाहिरबाट हेर्दा उनको खेल जीवन सम्भावनामय नै देखिएको थियो। एसियाली खेलकुदमा टप फाइभभित्र पर्ने उनको लक्ष्य थियो। उनका कोच लगायत सहकर्मीहरुलाई उनले त्यो लक्ष्य भेट्छिन् भन्ने भरोसा पनि थियो। 

तर, मंगलबार बिहान उनलाई कोठामा सलको पासो लगाएर झुन्डिएको अवस्थामा भेटेपछि सबैको भरोसा टुट्यो। बाँकेको नेपालगन्ज घर भएकी उनी एसियाली खेलकुदको तयारीकै लागि काठमाडौं आएकी थिइन्। उनका भारोत्तोलन कोच सञ्जिव महर्जनकै घरमा डेरा लिएर उनी खेलको तयारी गरिरहेकी थिइन्। यही मेसोमा सोमबार राति प्रशिक्षक महर्जनको घरमा भोज आयोजना भएको थियो। भोज खान नेपाल भारोत्तोलन संघका अध्यक्ष रामकृष्ण श्रेष्ठ, महासचिव पार्थ सारथीसेन गुप्तालगायत पनि अतिथि बनेर पुगेका थिए। सञ्जु पनि त्यही भोजमा सहभागी थिइन्। घरकै सदस्य बनेर अतिथिहरुलाई हाँसीखुसी खानेकुरा बाँडिरहेकी थिइन्। 

‘भोज खाँदासम्म त्यस्तो संकेत देखाएकी थिइनन्,’ भारोत्तोलन संघका महासचिव गुप्ताले भने, ‘एकाएक बिहानै यस्तो दुखद् खबर आयो। एउटा सम्भावना बोकेर कुशल खेलाडी यसरी गुमाउनुपर्दा हामी सबै स्तब्ध छौं। बाँकी कुराहरु पोस्टमार्टम र अनुसन्धानपछि खुल्दै जाला।’

१३ औं दक्षिण एसियाली खेलकुदमा नेपालका लागि ऐतिहासिक स्वर्ण पदक जितेपछि सबैको नजरमा परेकी थिइन्, सञ्जु। क्रिकेट, दौड, लङजम्प हुँदै भारोत्तलनसम्मको यात्रा तय गरेकी थिइन् उनले। बाहिरबाट हेर्दा उनको खेल जीवन सम्भावनामय नै देखिएको थियो। 

बिहान साढे ६ बजेतिर सञ्जुका घरबेटी महर्जनले नै प्रहरीलाई घटनाको खबर गरेका थिए। लगत्तै नजिकै रहेको लुभु प्रहरीबाट वरिष्ठ सई सन्तोष बरालको कमान्डमा प्रहरी टोली त्यहाँ पुगेको थियो। प्रहरी पुग्दा सञ्जु आफू सूत्ने कोठामा पंखा राख्न बनाइएको हुकमा सलको पासो लगाएर झुन्डिएको अवस्थामा भेटिएकी थिइन्। पोस्टमार्टम रिपोर्ट त आउन बाँकी छ तर प्रहरीको प्रारम्भिक अनुसन्धानमा घटना आत्महत्या नै जस्तो देखिएको छ। ‘त्यस्तो शंकास्पद केही देखिएको छैन,’ महानगरीय प्रहरी परिसर ललितपुरका एसपी सिद्धविक्रम शाहले भने, ‘भित्रबाट चुकुल लगाइएको अवस्था थियो। सुसाइड नोट पनि भेटिएको छैन। लक गरिएको अवस्थामा दुइटा मोबाइलचाहिँ भेटिएको छ। त्यसलाई फरेन्सिक ल्याबमा पठाएका छौं। हेरौं, त्यसबाट केही खुल्छ कि!’  

सञ्जु निकटस्थहरुका अनुसार पछिल्लो समय उनी निकै निराश अवस्थाबाट गुज्रिएकी थिइन्। साथीहरुसँग भन्ने गर्थिन्, ‘सरकारले जागिर खोजिदिए हुन्थ्यो।’ तीन वर्षअघि अनलाइन खबरसँगको कुराकानीमा पनि उनले भनेकी थिइन्, ‘खेलमा लागेर यस्तै गेम भयो भनेमात्रै त हो हाम्रो जीवन चल्ने। बाँकी समय त कसले हेर्छ र? बरु बिहान बेलुका खेल्थ्यौं। दिउँसो पार्टटाइम जागिर पाए आफ्नो पनि जीवन चल्थ्यो, घरपरिवार पनि खुसी हुन्थे ।’

नेपालमा जुनसुकै खेल होस्, देशका लागि खेल्ने खेलाडीहरु उतिविघ्न खुशी सुनिँदैनन्। धेरैको एउटै गुनासो हुन्छ, ‘यहाँ खेलेर हाम्रो करिअर सुरक्षित हुने अवस्था छैन।’ अधिकांशमा भविष्यको चिन्ता सुनिन्छ नै। धेरैलाई यतिखेर लागेको हुनुपर्छ, सञ्जुले पनि यहीकारण आत्महत्या गरेकी हुन सक्छिन्। 

सञ्जु निकटस्थहरुका अनुसार पछिल्लो समय उनी निकै निराश अवस्थाबाट गुज्रिएकी थिइन्। साथीहरुसँग भन्ने गर्थिन्, ‘सरकारले जागिर खोजिदिए हुन्थ्यो।’

यो त अनुसन्धान भयो भने खुल्न सक्ने कुरा होला। तर, सञ्जु मृत भेटिएकै अघिल्लो दिन अर्थात् सोमबार राति १० बजेपछि उनले राखेको एउटा फेसबुक पोस्ट पनि अर्थपूर्ण छ। राति १० बजेपछि उनले 'मिसिङ यु लभ' लेख्दै पाकिस्तानी वेबसिरिज ‘मेरे हमसफर’को एउटा सानो भिडियो क्लिप राखेकी छिन्। १ मिनेट २३ सेकेन्डको उक्त भिडियोमा टिलपिल भरिएका आँखासहित महिला कलाकारले पुरुष कलाकारसँग भन्छिन्, ‘तिमी मलाई छोड्दैनौ नि?’ परिवारको दबाबमा तिमीले मलाई डिभोर्स त दिँदैनौ नि?’ 

त्यसपछि हिन्दी गीत ‘मै तेनु सम्झावा कि...’ बज्न सुरु हुन्छ। 

त्यसो त यसको तीन दिनअघि शुक्रबार पनि उनले फेसबुकमा एउटा भिडियो सेयर गरेकी थिइन्। भिडियोमा एक वृद्ध जोडीको प्रेम झल्किने दृश्यहरु देखिन्छन्, अनि पृष्ठभूमिमा मन्त्र ब्यान्डको गीत बजिरहेको छः

‘जुनी जुनी तिमीसँगै जिउने, 

सपना मेरो तिमीलाई नै पाउने, 

तर कहाँ पुग्थ्यो र 

सोचेजति सबै...’

त्यसअघिका उनका फेसबुक पोस्टहरुमा भने कुनै पनि यस्ता भावुक स्टाटस तथा भिडियो क्लिपहरु छैनन्। मात्रै उनले राखेका तस्बिरहरु छन्। 

तपाईं को प्रतिक्रिया

तपाईं को प्रतिक्रिया

ट्रेंडिंग

धनगढीको गेटालाई अलपत्र पारेर देउवाको गृहजिल्लामा नयाँ मेडिकल कलेज किन?

आर्थिक वर्ष २०७३/०७४ बाट गेटामा कलेज निर्माण थालिएको थियो। मेडिकल कलेज पूर्वाधार निर्माण विकास समितिका कार्यकारी निर्देशक हेमराज पुजाराका अनुसार मेडिकल कलेजमा पूर्वाधार निर्माणको काम ९० प्रतिशत सकिएको छ।

स्थानीय सरकार हाँक्ने नारीशक्ति

अहिले चुनिएका महिला प्रमुख मध्ये कोही यसअघि पनि पालिका हाँकिसकेका छन्, कसैले उपप्रमुखको जिम्मेवारी सम्हालेका छन् भने कोहीले अघिल्लो निर्वाचनमा पराजय भोगेका थिए।

कोअर्डिनेटरले यौन दुर्व्यवहार गरेको भन्दै सेन्ट लरेन्स कलेजका विद्यार्थी आन्दोलित

कलेजकै कोअर्डिनेटर जनार्दन अधिकारीले कक्षा ११ को छात्राहरूमाथि यौन दुर्व्यवहार गरेको भन्दै विद्यार्थीले प्रदर्शन गरेका हुन्।

दमकको धक्काले झापामा हल्लिएन एमाले, माओवादी 'निल'

देशभर एमालेलाई बढार्न माओवादीलगायतका पाँच दलहरुलाई वैशाखी बनाएको कांग्रेसले कचनकवलमा भने राप्रपालाई पारस्त गर्न एमालेलाई वैशाखी बनायो। झापामा एमालेलाई परास्त गर्न राप्रपासँग पनि तालमेल भएको छ। यी तथ्यहरुलाई केलाएर हेर्दा दलका सिद्धान्त र विचारको सबैभन्दा ठूलो मजाक झापामा बन्‍यो।

काठमाडौंको १ लाख ३७ हजार मत गनियो, बालेनको फराकिलो अग्रता कायमै

स्थानीय तह सदस्य निर्वाचन २०७९ अन्तर्गत काठमाडौं महानगरपालिकामा करिब १ लाख ९० हजार मत खसेकोमा आज साँझसम्ममा १ लाख ३७ हजार ४५२ मत गनेर सकिएको छ।

भरतपुरको मतगणना स्थगित

एमालेका ती प्रतिनिधिलाई प्रहरीले नियन्त्रणमा लिएको र एमालेले उनको रिहाइ नभएसम्म मतगणना स्थगित भएको निर्वाचन अधिकृतको कार्यालयले जानकारी दिएको छ।

भरतपुरमा अब १४ हजार मत गन्न बाँकी, कसको मत कति?

रेनुले ४५ हजार ८८७ मत प्राप्त गर्दा नेकपा (एमाले)का विजय सुवेदीले ३४ हजार ९९३ मत प्राप्त गरेका हुन्। स्वतन्त्र उम्मेदवार जगन्नाथ पौडेलले १३ हजार ९३७ मत प्राप्त गरेको मुख्य निर्वाचन अधिकृतको कार्यालयले जनाएको छ।

राप्रपा बन्ला राष्ट्रिय दल?

स्थानीय निर्वाचनको लोकप्रिय मतमा नेपाली कांग्रेस, नेकपा एमाले, नेकपा माओवादी केन्द्र, नेकपा एकीकृत समाजवादी, जसपा, लोसपासँगै राप्रपा छ। राप्रपाले पाइरहेको मत हेर्दा अबको संघीय निर्वाचनबाट राष्ट्रिय पार्टी बन्ने सम्भावना देखिन्छ।

भलिबलमा भविष्य खोजिरहेका धीरज, जसलाई खेलबाटै देशको शीर उँचो पार्नु छ

१६ वर्षकै उमेरदेखि भलिबल खेल्न सुरु गरेका धीरजले राष्ट्रिय टिमको जर्सीमा खेल्ने सपना भने साकार पार्न सकेका छैनन्। तर, जीवनको एक कालखण्डमा राष्ट्रिय टिमको जर्सी लगाएर खेल्ने उनको सपना मजबुत बन्दै गइरहेको छ।

काठमाडौं महानगरमा १ लाख २८ हजार मतगणना हुँदा कसले कति पाए?

पछिल्लो गणनाअनुसार प्रमुख पदमा स्वतन्त्र उमेदवार बालेन्द्र साह (बालेन)को अग्रता थप फराकिलो बनेको छ। उनले ४३ हजार ८५० मत पाएका छन्।

थप समाचार

नेपाल समय
समाज

छाउगोठ भत्किए तर बाख्रा खोरमा पोखिन्छ पीडा

विभिन्न सरकारी र गैरसरकारी संस्थाको पहलमा छाउ गोठ भत्काइँदा डोटी दिपायल सिलगढी नगरपालिका–४ पिपल्ला वर्ष २२ की सविता बलायरलाई अब त मान्छे भएर बाँच्न पाइएला कि भन्ने आश जागेको थियो।
नेपाल समय
समाज

धरानमा एक जनाको हत्या, खोलाको बगरमा शव फेला

धरान उपमहानगरपालिका ५ तल्लो देउराली सुन्दर बस्ती नजिकै सेउती खोलाको बगरमा अन्दाजी ३२ वर्षीय पुरुषको शव फेला परेको हो।
नेपाल समय
समाज

काठमाडौंको गुहेश्वरी खोलामा एक जनाको शव फेला

अन्दाजी ३५/४० वर्ष उमेरको देखिने पुरुषको शव फेला परेको प्रहरीले बताएको छ।
नेपाल समय
समाज

फौजी किराले मकैको बिरुवा नष्ट गरेपछि कृषक मर्कामा

नगरको वडा नं १२ को पुरानो गाईघाट, वडा नं ११ को साकेला टोल तथा वडा नं १३ को असारी क्षेत्रमा अहिले फौजी किराले हुर्कँदै गरेका मकैका पात नष्ट गरेपछि बिरुवा मर्न थालेका छन्।
नेपाल समय
समाज

सार्वजनिक बिदाको दिन आइतबार पनि राहदानी विभाग खुल्ने

आइतबार सार्वजनिक बिदाको दिन पनि राहदानी विभाग खुल्ने भएको छ। विभागले एक सूचना जारी गर्दै जेठ १५ गतेदेखि प्रत्येक हप्ताको आइतबार बिहान १० बजेदेखि अपरान्ह ४ बजेसम्म विभाग खुल्ने जनाएको हो।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना