शुक्रबार, मंसिर १६, २०७९

पोखरेलसँगको चिया भेट सम्झिँदै आईजीपी सिंहको आग्रह- अदालत नजाऔं, मिलेर काम गरौं

अनिल यादव  |  काठमाडौं, आइतबार, वैशाख १८, २०७९

अनिल यादव

अनिल यादव

आइतबार, वैशाख १८, २०७९, काठमाडौं

नेपाल समय

काठमाडौं- आइतबार अपराह्न करिब २ बजे। एआईजी धीरज प्रताप सिंह महाराजगंजस्थित आफ्नो कार्यकक्षमै थिए। उता मन्त्रिपरिषद् बैठक बसिरहेको थियो, उनी आइजीपी नियुक्तिको खबर कुरिरहेका थिए। सायद मुटुको धड्कन जोडले धड्किरहेको थियो।  

यत्तिकैमा गृह मन्त्रालयबाट फोन आयो, ‘बधाई छ, धीरजजी, सरकारले तपाईलाई आईजीपीमा नियुक्त गर्ने निर्णय गरेको छ।’

त्यसपछि सिंहको मुहार खुशीले एकाएक उज्यालो बन्यो। उनी आईजीपी नियुक्त भएको खबरले सिआईबी परिसरमा यतिबेला खुशियाली छाएको छ। सिंहलाई बधाई थाप्न भ्याइनभ्याई छ।

तर, सँगसँगै एआइजीको वरियताक्रममा क्रमशः पहिलो र दोश्रो रहेका विश्वराज पोखरेल र सहकुल थापालाई उछिनेर सिंहलाई आइजीपी बनाएको भन्दै दुइ एआइजी अदालत जाने तयारीमा रहेको खबर पनि उनले पढिरहेका छन्। 

यो खबरसँग भने उनी खुशी छैनन्। दुवै एआइजीसँग उनको आग्रह छ, ‘अदालत नजाऔं, मिलेर काम गरौं।’ 

पोखरेल अदालत जाने खबर सुनेपछि उनले नेपालसमयसँगको कुराकानीमा एक साताअघिको भेट सम्झिँदै भने, ‘पहिलेका महानिरीक्षक प्रतिस्पर्धी एकअर्कामा बोलचाल नै गर्दैन थिएँ, तर म त योबीचमा दुइ पटक उहाँको कार्यकक्षमा गएको थिएँ। चिया खाँदै मैले उहाँसँग भनेको थिएँ, ‘तपाईलाई सरकारले आइजीपी नियुक्त गर्‍यो भने मैले सहयोग गर्छु, तर मलाई नियुक्त गर्‍यो भने तपाईंले सहयोग गर्नुपर्छ। हामीबीच यो सहमति नै भएको थियो। मलाई लाग्छ, उहाँले यो सहमति तोड्नु हुनेछैन।’

'तर, एआइजीको वरीयताक्रममा त तेश्रो हुनुहुन्थ्यो नि' भन्ने प्रश्नमा सिंहले प्रतिस्पर्धी सबै एकै मितिमा प्रहरीमा प्रवेश गरेकाले सिनियर/जुनियर भन्न नमिल्ने तर्क गरे। ‘हामी एकै मितिमा प्रहरीमा प्रवेश गरेका हौँ,’ नेपाल समयसँग उनले भने, ‘इन्स्पेक्टर, डिएसपी र एसपी हुँदासम्म म नम्बर वान थिएँ। पछि एसएसपीमा अर्कै साथी हुनुभयो। डिआईजी पनि एकल बढुवा भयो। त्यसपछि एआईजीमा आफूभन्दा तीन वर्ष सिनियर डिआईजीलाई मिचेर बढुवा गरियो। त्यतिबेला राज्य व्यवस्था समितिले त तत्काल यो निर्णय कार्यान्वयन नगर्न पनि भनेको सबैलाई थाहा छँदैछ। यद्यपि म के भन्छु भनेँ, पहिला म १ नम्बर थिएँ, कालान्तरमा उहाँ हुनुभयो। अहिले सरकारले जसलाई जिम्मेवारी दियो, उसलाई स्वीकार गरौं।’

प्रहरी संगठन सामूहिक प्रयासले चल्ने भएकाले विवाद ननिम्त्याउन उनको एआईजीद्वयसँग आग्रह छ। ‘अदालत गएर विवाद निम्ताएर केही हुन्न,’ उनले भने, ‘एउटै ब्याचभन्दा पछाडिको लाई दिएको भए पो अदालत जाने, तर म त उहाँहरुसँग एउटै बेसिकमा प्रवेश गरेको प्रहरी अधिकृत हुँ। यस्तोमा किन अदालत जाने? फेरि पनि मेरो अनुरोध, अदालत नजाऔं, मिलेर काम गरौं।’

आइजीपी नियुक्त भएका सिंहले नुवाकोट, गोरखा, दोलखा, पर्सा, दाङ, अपराध महाशाखा, प्रदेश नम्बर–२ र केन्द्रीय अनुसन्धान ब्युरोको प्रमुख भएर काम गरिसकेका छन्। आईजीपी नियुक्त भएपछिको कुराकानीमा उनले नेपालगञ्जको प्रहरीको व्यायामशालालाई खुब सम्झिरहेका छन्।

‘मेरो घर नजिकै प्रहरीको व्यायामशाला थियो,’ उनले भने, ‘म त्यहाँ नियमित ब्याडमिन्टन र फुलबल खेल्थेँ। खेल्दाखेल्दै प्रहरीप्रति आकर्षित भएँ। परिवारको पनि सहयोग रह्यो। त्यसपछि इन्सपेक्टरमा एक नम्बरमा नाम निकालेँ। अनि अहिले प्रहरीको नेतृत्व गर्ने अवसर पाएँ। ढुक्क हुनुस्, संगठनमा आक्रामक ढंगले गर्ने छु, कुनै पनि कमी हुन दिने छैन।’

यो पनि


प्रकाशित: May 1, 2022 | 15:41:13 काठमाडौं, आइतबार, वैशाख १८, २०७९

तपाईं को प्रतिक्रिया

ट्रेंडिंग

काठमाडौं महानगरको प्रस्टीकरण : तीन निकायको सहकार्यमा अनधिकृत सुकुम्बासी बस्ती हटाउँछौं

राष्ट्रिय भूमि आयोगले काठमाडौं नगरभित्रका सुकुम्बासीको समस्या समाधान गर्न ढिलाइ गरेपछि आफैं अगाडि सर्नुपरेको प्रस्टीकरण काठमाडौं महानगरले दिएको छ।

समानुपातिकतर्फ १ करोड मतगणना हुँदा कुन दललाई कति?

निर्वाचन आयोगका अनुसार आज बिहान ९ बजेसम्म एक करोड आठ लाख दुई हजार ९०७ मतगणना भएको छ।

देशव्यापी सांगीतिक यात्रामा निस्किँदै नेपथ्य

देशको पूर्वी कुनादेखि पश्चिम कुनासम्म आफ्ना लोक–रक धुन सुनाउने योजनाका साथ नेपथ्य यसै साता काठमाडौंबाट बाहिरिने भएको हो।

असुरक्षित सडकको सिकार भएका महावीर

वैज्ञानिक समाजवादी पार्टीमा जोडिएपछि सेलिब्रेटी छविप्रतिको मोह घट्दै गएको थियो। समानता र विभेदको अन्त्य उनका अर्जुन दृष्टि थिए। उनको उद्देश्य र काम जात व्यवस्था अन्त्य गर्नेमा केन्द्रित थियो।

के हो रामकुमारीको सन्देश?

खुलेको मुस्कानसहित उक्त तस्बिर सार्वजनिक भएपछि बाम एकताको आकलन धेरैले गरे। हुन पनि चुनावी मतपरिणाम आउँदै गर्दा बाम एकता गरेर नयाँ सरकार बनाउनुपर्ने धारणा एमाले र नेकपा एसका धेरै नेताको देखिन्छ।

धनुषा ४ मा कांग्रेसका यादवले ६८६ मतले लिए अग्रता

मतगणना जारी रहँदा नेपाली कांग्रेसका महेन्द्र यादवले आफ्नो अग्रता बढाउँदै लगेका छन्। मतगणनाको सुरुदेखि नै नेकपा (एमाले) रघुवीर महासेठले अग्रता लिएका थिए।

सरकार गठनको पहिलो प्रयास गठबन्धनले गर्ने, प्रधानमन्त्रीको दौडमा को–को?

सत्ता गठबन्धनकै सरकार बने प्रधानमन्त्री को? कांग्रेसभित्र कम्तीमा ५ आकांक्षी देखिँदा माओवादी अध्यक्ष प्रचण्ड पनि यसैको दौडधूपमा छन्।

धनुषा ४ मा रघुवीर महासेठलाई पछि पार्दै कांग्रेस उम्मेदवारको अग्रता

धनुषा ४ मा नेपाली कांग्रेसका उम्मेदवार महेन्द्र यादवले अग्रता लिएका छन्। आइतबार साँझबाट पछि परेका उनले पछिल्लो अपडेटअनुसार अग्रता कायम गरेका हुन्।

कर्जा-निक्षेप अनुपातमा राष्ट्र बैंक लचक

तोकिएको कर्जा–निक्षेप अनुपात नपुगे बैंक तथा वित्तीय संस्थालाई लाग्ने जरीवानालाई तरलता जोखिममा समेत आधारित हुने गरी पुनरवलोकन गर्न सकिने व्यवस्था गरी लचकता अपनााएको हो।

थप समाचार

नेपाल समय
समाज

आँधीखोला बहुउद्देश्यीय जलविहार परियोजना निर्माणका लागि वालिङ नगरपालिका र निफ्राबीच सम्झौता

वालिङस्थित आँधीखोलामा बाँध बाँधेर जलाशय निर्माण गर्ने र सोही जलाशयमा जलविहार गर्ने मुख्य उद्देश्यसहित अगाडि बढाइएको आँधीखोला बहुउद्देश्यीय जलविहार परियोजना निर्माणका लागि वालिङ नगरपालिका र निफ्राबीच बुधबार काठमाडौँमा समझदारीपत्रमा हस्ताक्षर भएको हो।
नेपाल समय
समाज

कीर्तिपुरमा सात गाउँले जात्राको रौनक

परम्पराअनुसार सातगाउँका शक्तिपीठमध्ये बल्खुकी विष्णुदेवीलाई आमा र मच्छेगाउँ, बोसीगाउँ, सतुंगलका शक्तिपीठ र भैरवलाई उनका सन्तान मानिन्छ।
नेपाल समय
समाज

झोलुंगे माग्दा बित्यो १५ वर्ष

पश्चिम जाजरकोटको जुनिचाँदे गाउँपालिका–४ र ११ मा पर्ने सिउरेनी खोला आउजाउ गर्न झोलुंके पुल निर्माणका लागि स्थानीय माग गर्दै आए पनि अहिलेसम्म बनेन।
नेपाल समय
समाज

रवि लामिछानेको नागरिकता विवादबारे प्रहरीले थाल्यो अनुसन्धान

चितवन क्षेत्र नम्बर २ बाट प्रतिनिधिसभा सदस्यमा निर्वाचित राष्ट्रिय स्वतन्त्र पार्टीका अध्यक्ष रवि लामिछानेको नागरिकता विवादबारे प्रहरीले अनुसन्धान सुरु गरेको छ।
नेपाल समय
समाज

काठमाडौं महानगरको निर्णय, सार्वजनिक सम्पत्तिको हानिनोक्सानी गर्नेबाटै क्षतिपूर्ति असुलिने

महानगरभित्रका सरकारी, सार्वजनिक तथा सामुदायिक सम्पत्तिको संरक्षण गर्ने दायित्व महानगरकै भएकाले कुनै पनि संघ–संगठन, निकाय, समूह, व्यक्ति वा अन्य जोकसैलाई सरकारी सम्पत्तिको नोक्सानी गर्न निषेध।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना