मंगलबार, मंसिर १३, २०७९

शरीरदेखि मस्तिष्कसम्म रोनाल्डो बोकेर हिँडिरहेका यी क्रेजी फ्यान

सृजना राई  |  काठमाडौं, मंगलबार, चैत १५, २०७८

सृजना राई

सृजना राई

मंगलबार, चैत १५, २०७८, काठमाडौं

नेपाल समय

काठमाडौं– काम विशेषले पुतलीसडकको कम्प्युटर बजारमा जाँदा त्यहाँ काम गर्ने अनिश बराल भेट्नुभयो भने तपाईं अचम्ममा पर्नु हुनेछ। पेशाले सेल्स म्यानेजर भए पनि बराल भएको ठाउँमा जाँदा तपाईंले विश्वप्रसिद्ध फुटबलर क्रिस्टियानो रोनाल्डोको संग्रहालयमा गएजस्तो महसुस गर्नुहुन्छ।

बरालले क्रिस्टियानो रोनाल्डोको तस्बिर भएको जर्सी लगाएका हुन्छन्। उनी बस्ने ठाउँ पछाडि रोनाल्डोको तस्बिर हुन्छ। हातमा रोनाल्डोको ट्याटु खोपेका छन्, हेयरस्टाइल पनि दुरुस्तै रोनाल्डाकै जस्तो बनाएका छन्। कार्यालय होस् वा घर, अनिशलाई ‘नेपाली रोनाल्डो’ भनेर चिन्नेहरू धेरै छन्।

सर्लाहीका अनिश काठमाडौं काँडाघारीमा बस्छन्। एक दशकयता उनको तनमन नै रोनाल्डोमय बनेको छ। उनी रोनाल्डोको वास्तविक नाम पनि एकै सासमा भनिसक्छन्, क्रिस्टियानो रोनाल्डो दोस सान्तोस अभीएरो।

‘रोनाल्डोबाट यति प्रभावित छु कि मलाई आफू रोनाल्डोको एक अंश हो जस्तो लाग्छ,’ उनी सुनाउँछन्, ‘म आफूभित्र रोनाल्डो बसेको महसुस गर्छु। उनको सुस्वास्थ्य र खेल जीवनको सफलताको कामना गर्छु।’

रोनाल्डोकै कारण विश्व फुटबलको क्रेज चुलीमा पुगेको दाबी गर्छन् अनिश। सन् २०१० को विश्वकपमा पोर्चुगल र घानाको खेल हेरेपछि अनिशको ध्यान रोनाल्डोतर्फ तानिएको हो। त्यहीबेलादेखि आजसम्म निरन्तर रोनाल्डोको ‘क्रेजी’ समर्थक बनिरहेका छन्।


रोनाल्डोको खेलप्रतिको लगाव, मेहनत, अनुशासन र व्यक्तित्वले अनिशलाई मोहित बनाएको छ।  रोनाल्डोको प्रशंसा गरेर कहिल्यै नथाक्ने उनी रोनाल्डोले खेलेका कुनै पनि खेल हेर्न छुटाउँदैनन्।

रोनाल्डोका अन्य लाखौं–करोडौं फ्यानजस्तै अनिशको पनि जीवनको एउटै इच्छा रोनाल्डोलाई भेट्नु हो।  रोनाल्डोलाई भेटेर अंकमाल गर्दै रुन मन छ रे उनलाई।

अनिशको कोठाका भित्ता रोनाल्डोका तस्बिरहरुले भरिएका छन्।  बिहान रोनाल्डोको तस्बिर भएको बिछ्यौनाबाट बिउँझेर उनी मोबाइलमा रोनाल्डोको नयाँ गतिविधिबारे अपडेट लिन्छन्। घरमा बस्दा होस् वा अफिस जाँदा हरेक दिन रोनाल्डो झल्किने कपडा लगाउँछन्। उनको दराजमा रोनाल्डोको तस्बिर र ‘सिआरसेभेन’ अंकित टिर्सटबाहेक अरु खासै कपडा छ्रैनन्।  जबजब रोनाल्डोको हेयर स्टाइल परिवर्तन गर्छन, अनिश पनि तुरुन्तै कपाल कटाउँछन्।

अनिशले आफ्नो बर्थडे मनाउन छाडेको धेरै भयो। आफ्नो सट्टामा उनले आफ्ना ‘रोलमोडल’ क्रिस्टियानोकै जन्मदिन मनाउने गरेका छन्। अहिले त अनिशलाई चिन्नेहरुले समेत रोनाल्डोको जन्मदिनको दिन उनलाई नै बधाई दिँदै सरप्राइज दिने गरेका छन।

चिया पिउने कपदेखि घडी, बाइक, बेडको तन्ना, लगाउने कपडा र आफूले प्रयोग गर्ने हरेकजसो सामानमा रोनाल्डोको झल्को दिने चिन्ह प्रिन्ट गरेका छन् उनले। आफ्नो आम्दानीको ८० प्रतिशत रकम रोनाल्डोसँग सम्बन्धित सामग्री खरिदका लागि खर्चिने उनले सुनाए।

नेभर गिभ अपः रोनाल्डो प्रेरणाको स्रोत

सर्लाहीबाट एसएलसी सकेका अनिशले काठमाडौंमा म्यानेजमेन्टमा प्लस टु गरेका छन। सात वर्षअघि काम गर्न थालेका उनी अहिले एक निजी कम्पनीमा सेल्स म्यानेजरका रुपमा  काम गर्छन्।

सधैंजसो काममा व्यस्त हुने अनिशका लागि फुटबल खेलाडी रोनाल्डो मनोरञ्जन मात्र होइन, उनको किशोर अवस्थाका सपनादेखि सात वर्षसम्म गर्दै आएका काम र संघर्षमा प्रेरणाको स्रोत हो, रोनाल्डो। अनिश भन्छन्, ‘रोनाल्डोको फेसन र स्टाइलबाट म प्रभावित भएको छु। त्यो देखिन्छ। तर त्यो भन्दा धेरै उनको कर्मले मलाई प्रेरित गरेको छ।’


रोनाल्डोको मेहनती छविबाट अनिश असाध्यै प्रभावित छन्। कुनै अवस्थामा पनि हार नमान्ने र आफनो बेस्ट दिने प्रेरणा रोनाल्डोबाटै सिकेको उनी सगौरव सुनाउँछन्। भन्छन्, ‘अहिले म आफ्नो पेशामा निपूर्ण छु। जे जति छु रोनाल्डोकै प्रेरणाले हो।’

सधैंजसो काममा व्यस्त हुने अनिशका लागि फुटबल खेलाडी रोनाल्डो मनोरञ्जन मात्र होइन, उनको किशोर अवस्थाका सपनादेखि सात वर्षसम्म गर्दै आएका काम र संघर्षमा प्रेरणाको स्रोत हो, रोनाल्डो।

रोनाल्डोप्रति अनिशको क्रेजलाई सुरुमा परिवारले रुचाउँदैनथे। ‘तँलाई रोनाल्डोले चिन्दैन। चिन्नेवाला पनि छैन। के पाउँछस् यसो गरेर? तेरो पालगपन हो’ भनेर उनलाई परिचितहरुले भनिरहे। तैपनि अनिशले आफ्नो लगाव एकरत्ति कम हुन दिएनन्। ‘मैले मन पराएको व्यक्तित्वलाई पछ्याउनु मेरो निर्णय हो। यसबाट म खुसी छु भने अरुको कुरा किन सुन्नु?’ अनिश भन्छन्।

चिनजानका सबैले अचेल त अनिशलाई रोनाल्डो नै भनेर बोलाउँछन्। उनको लगावलाई सम्मान गर्छन्। अनिशसँगै बसेर फुटबल हेर्छन्। कसैले ‘रोनाल्डो दाइ’ भन्छन् त कसैले ‘रोनाल्डो भाइ’, अनिश खुसी हुन्छन्।

रोनाल्डोका अन्य लाखौं–करोडौं फ्यानजस्तै अनिशको पनि जीवनको एउटै इच्छा रोनाल्डोलाई भेट्नु हो।  रोनाल्डोलाई भेटेर अंकमाल गर्दै रुन मन छ रे उनलाई। तर भेट हुनु र नहुनुले उनलाई फरक परेको भने छैन। वर्षेनी रोनाल्डोको जन्मदिन आफ्नोजस्तै भव्य मनाउने गरेका छन्। भन्छन्, ‘भविष्यमा रोनाल्डोको नाममा आफूले सकेको समाज सेवा पनि गर्ने इच्छा छ।’



प्रकाशित: March 29, 2022 | 13:07:16 काठमाडौं, मंगलबार, चैत १५, २०७८

तपाईं को प्रतिक्रिया

ट्रेंडिंग

चितवनका तीन क्षेत्रमा कसको अवस्था कस्तो?

प्रतिनिधिसभामा तीनवटा निर्वाचन क्षेत्र रहेको चितवनमा तीनवटै क्षेत्रको मतगणना भइरहेको छ।

काठमाडौं-९ मा एमालेका कृष्णगोपाल श्रेष्ठ विजयी

यो एमालेको दोस्रो जित हो। यसअघि एमालेले ललितपुर २ मा जित निकालेको थियो।

गुल्मी-२ मा ठूलो मतान्तरले पछि परिन् झाँक्री

गुल्मी क्षेत्र नम्बर २ मा सत्ता गठबन्धनकी उम्मेदवार रामकुमारी झाँक्रीलाई भारी मतले पछि पार्दै नेकपा एमालेका गोकर्ण विष्टले अग्रता कायम राखेका छन्।

समानुपातिक मतमा स्वतन्त्र पार्टी तेस्रो, एमालेलाई पछ्याउँदै कांग्रेस

प्रत्यक्षतर्फ चार वटा निर्वाचन क्षेत्रको अन्तिम मतपरिणाम सार्वजनिक भएको छ भने समानुपातिकतर्फ पनि मतगणना भइरहेको छ।

गुल्मी-२ मा झाँक्रीलाई पछि पार्दै विष्टको अग्रता

आइतबार भएको निर्वाचन जारी मतगणनामा विष्ट ६७२ मतसहित अगाडि छन्।

युथ युनेस्को क्लब युएसएको इन्टरनेशनल मिडिया एडभाइजरमा बस्नेत

अमेरिकाको क्यालिफोर्नियामा युवा केन्द्रित रचनात्मक कार्यहरू सञ्चालन गर्दै आएको युथ युनेस्को क्लब युएसएले सञ्चारकर्मी मनोज बस्नेतलाई अन्तर्राष्ट्रिय सञ्चार सल्लाहकारमा मनोनयन गरेको छ।

दुई क्षेत्रमा स्वतन्त्र पार्टी अगाडि, दुई-दुईमा कांग्रेस र एमाले

काठमाडौं हिजो आइतबार सम्पन्न प्रतिनिधिसभा र प्रदेशसभाको निर्वाचन अन्तर्गत आज बिहानदेखि केही क्षेत्रमा मतगणना सुरु भएको छ।

बाजुरामा गोली लागेका एक जनाको मृत्यु

कांग्रेस र एमालेका कार्यकर्ताबीच विवाद भएपछि मतदान सकिनै लाग्दा झडप भएको हो।

जेलबाट मतदान गरेपछि रेशम चौधरीले भने– बडा मज्जा आयो

कैदीबन्दीले पनि निर्वाचनमा सहभागी हुन पाउने भएपछि उनीहरु उत्साहित भएका थिए। काठमाडौं उपत्यकामा १८२ जना कैदीबन्दी मतदान गर्न योग्य भएको निर्वाचन अयोगको तथ्यांक छ।

थप समाचार

नेपाल समय
समाज

कस्तो रहला आजको मौसम?

आज देशका पहाडी भू-भागका केही स्थानहरुमा आंशिक बदली रही अन्य भू(भागमा मौसम सामान्यतया सफा रहेको मौसम पूर्वानुमान महाशाखाले जनाएको छ।
नेपाल समय
समाज

बालेनविरुद्ध सुकुम्बासी आन्दोलन : हाम्रो भोट फिर्ता गर

बस्ती खाली गर्न नसकेपछि महानगरको डोजर फर्किएकोमा पुन: बस्ती खालि गर्नेगरी फर्किने तयारी महानगरले गरेको छ।
नेपाल समय
समाज

दल र स्वतन्त्रले निर्वाचनमा प्रयोग गरे बालबालिका

बालबालिका र विद्यालय शान्ति क्षेत्र अवधारणाको व्यावहारिक कार्यान्वयन अझै प्रभावकारी हुन नसकेको भन्दै उनले मतदानस्थलका लागि विद्यालयको विकल्प खोज्न जरुरी रहेको धारणा राखे।
नेपाल समय
समाज

स्याउको बिरुवामै भ्रष्टाचार!

मुगुको छायानाथ रारा नगरपालिकाले आव २०७५/७६ मा सञ्चालन गरेको कार्यक्रममा बिरुवा खरिदका लागि वास्तविक लागतभन्दा बढीको नक्कली बिल बनाएर भ्रष्टाचार गरेको पाइएपछि अख्तियारद्वारा विशेष अदालतमा मुद्दा दायर।
नेपाल समय
समाज

थापाथलीको सुकुम्बासी बस्ती पस्यो महानगरको डोजर, स्थानीयले गरे ढुंगामुढा

अनधिकृत रूपमा बागमती नदी किनारमा कब्जा जमाएर बसेको समूहले वैकल्पिक व्यवस्थाबिनै हटाउन थालेको भन्दै महानगरको टोलीमाथि ढुंगामुढा गरेको हो।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना